Mateo 2:10 - Dios Iwene

¹⁰ Jobadö waisadö sili'inö tjedenama, jwiinö tjo̧'wo̧ ösöwachibanö tjösödinobe,

Mateo 2:10 Referans Kwoze

Lucas 2:20

Jemi ikenama o̧bȩja̧dönö te'ada̧ladöma mejekwö tjȩwa̧jinobe, ja̧danö okobe jwiinö ángel yöawaja̧danö balediawö̧, tja̧ja̧kwaja̧ omukwatö, ja̧danö tjedaja̧ omukwatö, otiwanö pjabato̧ja, jö̧ba̧lö Diosnö ösödö tjȩwa̧jinobe.

Lucas 2:10

Jo̧kwaijayonö, jejenö yetjaibiökwe, ángelma jobadönö yöawinobe otiwanö pjabatö: —Yebabökönaduwi. Ötjöma otiwa jawa wene ökwödönö yöbawö chichajabe. Ja̧ wenema okobe deinö jojodö tjo̧'wo̧ ösöwachibobö ji̧ wene,

Deuteronomio 32:13

Ja̧danö inesö otiwemi mösa'o jȩmi nijinö tjö̧jobö ujuninobe, ja̧danö otiwanö batjo waji̧ tjukwobö iyinobe, ja̧danö inawiya jȩlö wayo̧ netjobö iyinobe, ja̧danö inawiya 'diawa jȩmibi olivo towibiya pokwobö weinobe, olivo o̧te otiwanö tjujuna̧lakobetjö̧.

Mateo 2:9

Jejenö weawö̧, jobadö waisadöma Jerusaléntjö latjebinobe, ja̧danö ina tjitebotjö tjö̧jayi tjedinökwe sili'ima tjabönö i̧'yinobe Belenbe, tjemu ö̧jobe wame ichibenanö kabatö, ja̧danö jobe öjamatinobe sili'ima.

Mateo 2:11

ja̧danö o̧do okwa tebachö, tjemunöbi, ojo'do Maríanöbi tjedinobe. Jejenö tjemunö edö, bȩbachibö tjösödinobe tjemunö, ja̧danö tjiyobö tjichejebaja̧ nöinö mikwawi̧ jawa jo̧banö tjiyinobe, orobi, omewi̧ jawa incienso ötjabi̧ jawabi, ju'wi omewi̧ jawa mirra ötjabi̧ jawabi.