Mateo 19:12 - Dios Iwene

¹² Okobe deinö tji̧lȩkwa̧munö tjemo jö̧ba̧lö weinokobe Diosma, chömöledö, ömadötjö ju'wedöma tjöla'yapiyu jwibadönö tjojo'do jeminobe, ja̧danö ju'wedönö jojodö 'wibebö lotjinobetjö̧ tjöla'yapiyu jwibadö tjö̧jobe, ja̧danö ju'wedöma jwaikwöda mölejȩbe jo̧ yöbawö weena jawa tjotidobetjö̧, idöda tjöla'yapiyu jwibadödanö tji̧lȩkwa̧munö emökönö tjö̧jobe. Jau chömöledö, Diosma wainökwena iyo̧ jojodönö. Ju'wedönö tji̧lȩkwa̧munö tjemobö iyobe, ja̧danö ju'wedönö tjemokobö iyobe, jo̧kwajabetjö̧ yötawaja̧ iyinawö̧ma, ja̧ tjösödobö jo̧be— jö̧ba̧lö yöawinobe Jesúsma.

Mateo 19:12 Referans Kwoze

1 Corintios 9:5

Ju'wibi yötawa: Ju'wedö Duluwo̧ webawedö, Duluwo̧ Jesús böjȩtjö yöne ö̧ja̧wo̧döbi, Pedrobi, yöbawö kwetjachenama, tji̧lȩkwa̧mukwö kwetjachobe, ¿jö̧tö? Ja̧danö, ötjöbi jejenö ötjökwö kwejacho jö̧ba̧lö Jesúsnö ösöduju chilekwonö chemobö jö̧ta̧litjö̧ma, otiwo jö̧a̧lena chömöledö, sulökena.

Isaías 39:7

Ja̧danö ju'wibi baikwö yötawakwö, ökwö a̧dekwanö kwitji̧mu tupadanö jojodötjö ju'wedönö tje'ewakwedö, Babilonia nijibe. Ja̧danö jobadönö e'ewajadö, Babilonia niji inesö la'aka luwo̧ ömöayedö, iteda ejunö ja̧nö otidadö batjibanö wetjakwawö̧, —jö̧ba̧lö yöawinobe Isaiasma.

1 Corintios 9:15

Jo̧kwaijayonö, jejenö ji̧jayonö, la'akatjöda chotidi̧ mikwa chemo jö̧ta̧linama chemijökötö chömöledö. Ja̧danö, kwiyaduwotjö jö̧ba̧löma chiwȩyudökö babema chömöledö. Jau chömöledö, jwiinö chösödobe yötawawö̧nötjö chu̧kwa emökönö chö̧ji̧ma. Ja̧danö, jwiinö chöpöjödobe ökwödönö ateboböma, la'akatjöda jejenö abebö̧kö̧sa jö̧ba̧lö. Ja̧danö, ja̧ yötawawö̧nötjö chu̧kwa emökönö chö̧ji̧ omukwatö, Aaa, otiwanö otido̧sa yöta̧lobö jo̧be.

Mateo 19:11

Yötja̧lökwe, Jesúsma atadinobe: —Ja̧ tji̧lȩkwa̧munö emawa Dios yöawi̧ma, okobe deinö jawamaökö, sule tji̧lȩkwa̧munö tjemobö Dios iyinawö̧ jawada. Baikwö yötawa:

Mateo 19:13

Ju'wedö jojodöma tji̧tji̧munö tjichejebinobe Jesús ö̧jobekwö, ömamu 'bibeba̧lö, Diosnö aebobö, jo̧kwaijayonö Jesús öba̧ja̧di̧ waisachadöma jojodönö wetjinobe: —Kwi̧tji̧muduwinö ichejebökönaduwi— jö̧ba̧lö.

Apocalipsis 14:4

Jobadö ciento cuarenta y cuatro ömadöma, isujukwö la'akatjöda jö̧ködö. Jobadöma, Diosnöda ösödö, jo̧ba wei̧da a̧ja̧kwö, ju̧kwadö. Ja̧danö, jobadöma Obeja Itji̧danö Jo̧ ökömanö kwebachadö. Ja̧danö, jobadöma böjȩnö ju̧kwadötjö ajayinö Dios omudawö eminawö̧. Batjo junawatjö ajayinö wa̧ji̧, damötjö wainö Diosnö tjiyinadanö, jobadöma Diosnöbi, Obeja Itji̧danö Jo̧nöbi ajayinö omudawö iyawinadö.