Mateo 18:28 - Dios Iwene

²⁸ Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Mateo 18:28 Referans Kwoze

Mateo 20:2

Tjotidakwedönö badekwajo̧, jobadökwö yöba̧lakwawö ujuninobe imidakwa̧, bakwöta möle tjimidajiyadanö imidobö, ja̧danö ikenama jobadönö weinobe ubasayu tjotidobö.

Deuteronomio 15:2

Ja̧ weawa baikwö labebö lobö yötawa: Ju'wedö kwömöledöduwi israel jojodötjö bakwo̧nö balada kwöbalewaduwitjö̧ma, ökwönö umusidena, ja̧danö tjebatö imidobö ja̧kobe, ja̧ jelemutjö dötölataja o̧ba baibenanö kabatö. Ja̧danö, ja̧ o̧ba okobe deinö israel jojodö tjumusidi söbebö loköbaduwobö ja̧kobe, tupakwö tjimidobö abebökönö. Isabenö Jo̧ma jejenö ja̧ o̧ba tjumusidi̧ söbebö lotjobö weobetjö̧, isabenö okobe deinö israel jojodö tjumusidi̧ söbebö lotjobö ja̧kobe.

Isaías 58:3

Ja̧danö ötjönö abebö a̧ja̧kwadö, —Duluwo̧ Dios, ökwödöma du̧kwa̧ ö̧tö̧chö dö̧jijayonö, ö̧tö̧chö dö̧ji̧ma edö̧kö̧ja ichejekwa, ja̧danö kwöba a'otjö, –Mikwawöködösa, –jö̧ba̧lö di̧sȩkwajabe. Tajawedö jobekwö dö̧ji̧ edö, otiwa jö̧ba̧lö kwösödokobeda? Otiwanö di̧sȩbi̧ edö kwösödo jö̧ka̧lajabe Dios, —jö̧ba̧lö abebö a̧ja̧kwadö. Jobekwö abebö tja̧ja̧kwi̧tjö̧, baikwö chatadawö̧: Ökwödö kwu̧kwaduwi ö̧tö̧chö kwö̧jaduwenama, ökwödöda kwo̧'woduwi ösöwachibotö jö̧ba̧lö ö̧tö̧chö ja̧döja. Ja̧danö, —Dios öba a'otjö otiwanö ö̧tö̧chö ja̧dösa, —jö̧ba̧lö ö̧tö̧chö kwö̧jaduwonö, weti̧ a̧ja̧kwökönö kwömöayedöduwinö sulabenö usula tjemawi̧nö webadöja.

Proverbios 28:3

Ja̧danö, ju'wibi yötawa: Bakwo̧ balada jwibo̧ma ju'wedö balada jwibadönö usula tjȩmawobö ja̧itjö̧ma jwiinö sulena. Wanedö yötawa: Ojwiyoma lekwe labinö o̧bitjö̧ma batjonö tju̧junina söbebö loena ¿jö̧tö̧? Sulobe yelösöda jobekwö baledena. Isabenö yötawa: Ja̧ suli̧danö sulobe balada jwibo̧ma ju'wedö jwibadönö usula tjȩmawobö ja̧i̧ma.

Mateo 18:27

Jejenö aebökwe, la'aka luwo̧ma musido̧nö o̧'wo̧ tjo̧achö lȩlö̧jinö edinobe, ja̧danö umusidi̧ söbebö lobö, jo̧banö ejatinobe.

Mateo 18:29

Jejenö weökwe, nijinö öbamatinobe la'aka luwo̧ ömöayo̧ma, ja̧danö aebinobe: Lȩlö̧jinö edö kwo̧'wo̧ 'dibachibö kwite'ada̧litjö̧ma, okobe jwiinö chimidocha, jö̧ba̧lö aebinobe.

Marcos 6:37

Jejenö jö̧tja̧liökwe Jesúsma jö̧ba̧lijetö jobadönö: —Ökwödöda iyaduwidönö tjukwo— jö̧a̧lawö̧ jö̧ba̧lijadötö: —¿Ökwödöka? Baladama jwida jobadö ba̧jekwadö tjukwakwa̧ demo jö̧ba̧löma—

Marcos 14:5

Jobuma ¿tajawedö mikwanö jö̧ba̧lö iyinokoju, balada nöinö, ö̧pi̧ trescientos jenanö jemobö, usulasedönö iyabö?— jö̧ba̧lijadötö. Jejenö labinö jö̧ba̧lijadötö, Ökwöma sulabenö tobebö loköbajabe, jö̧ba̧lö, jobujunöma.

Lucas 7:41

Atadökwe, Jesúsma jo̧banö wanedö yöawinobe baikwö: —Du̧ju̧taja musidadöma balada luwo̧nö tjumusidinobe. Bakwo̧ quinientos ö̧pi̧bi̧ya umusidinobe, ja̧danö jelo̧ cincuenta ö̧pi̧bi̧ya umusidinobe.

Lucas 10:35

Jemi ikena möle, jo̧ba samaritano jojoma, abajitjeju otido̧nö baladasapi̧ döpi̧lataja imidinobe, jojonö ite'ada̧lobö, ja̧danö jo̧banö yöa̧linobe: Ötjöma tjo̧wi̧ chi̧'ya. Bipi̧ döpi̧lataja chiyakwö, bite jojonö otiwanö kwite'ada̧lobö. Otiwanö te'ada̧linö. Ja̧danö jo̧banö kwite'ada̧lenama chiyaja̧ balada 'dö̧ibajitjö̧ma, yemidanö chichena chimidocha, jö̧ba̧lö yöawinobe samaritano jojoma— jö̧ba̧lö wanedö yöawinobe.

Juan 6:7

Ja̧danö Felipema atadinobe: —Idöma ba̧jekwadö. Balada nöinö, doscientos ö̧pi̧bi̧yabi dujuna̧litjö̧ma sule pjei̧kwena demena tjukwakwa̧ panma— atadinobe Felipema.