Mateo 18:19 - Dios Iwene

¹⁹ Ja̧danö ju'wibi yötawaduwakwö chömöledö. Ökwödö ötjönö ösödadötjö du̧ju̧taja bakwainö omukwatö Diosnö akebaduwitjö̧ma, mölejȩbe jo̧ Chabe'doma akebaduwi̧danö ja̧akobe.

Mateo 18:19 Referans Kwoze

Mateo 7:7

Tupakwö yöawinobe Jesúsma: —Diosnö akebaduwitjö̧ma, ökwödönö iyakwo̧, ja̧danö kwisakwaduwitjö̧ma, kwisakwaduwi̧ kwöbadekwajaduwakobe, ja̧danö tekachaduwobö akebaduwitjö̧ma, apjude po̧ekwakobe.

Marcos 11:24

Jo̧kwaobetjö̧ yöta̧laduwakwö, Diosnö yöba̧lö akebaduwena kwomukwataduwo, Jau Diosma isabenö ötjö atebi̧ma a̧ja̧kwö ja̧bo̧, jö̧ba̧lö. Jejenö kwomukwataduwitjö̧ma akebaduwi̧ma ja̧akwo̧ Diosma.

Juan 16:23

Ja̧ möle yemidanö ötjönö kwedaduwi̧ mölema, ötjönö abebö kwa̧ja̧kwaduwi̧ma jwiakobe. Isabenö yötawa. Dabe'do Diosnö okobe jwiinö ötjö chiminö akebaduwi̧ma a̧ja̧kwö pjaatakwo̧.

Filipenses 1:19

Jejenö cho̧'wo̧ ösöwanö chö̧jobe chömöledö, chöwaisobetjö̧, ökwödö ötjönö Diosnö akebaduwobetjö̧, ja̧danö Jesucristo O̧'wo̧ Luwo̧ pjaatobetjö̧, Diosma ka̧lena chö̧bobetjö chö̧jibinö pjaatakwo̧ jö̧ba̧lö.

Mateo 21:22

Jau chömöledö, isabenö atebi̧danö iyakwo̧ Diosma jö̧ba̧lö jo̧ba ujulu ösödö akebaduwitjö̧ma, okobe jwiinö akebaduwi̧ma iyakwo̧— jö̧ba̧lö atadinobe.

Juan 15:7

Ina yöawinobe: —Ötjökwö dötewinö ja̧duwi. Jejenö ötjökwö dötewinö ja̧nö, ötjö yötawi̧ kwo̧'wo̧ luwo̧duwinö omukwatö kwö̧jaduwitjö̧ma Chabe'donö akebaduwi̧ma okobe jwiinö a̧ja̧kwö pjabato̧.

1 Juan 3:22

Ja̧danö chö̧ja̧wo̧dö, Dios wei̧ a̧ja̧kwö, jo̧ba ösödi̧danö ja̧bö dö̧jobetjö̧, jo̧banö adebena ökwödönö iyobe.

Hechos 12:5

Jo̧kwaobetjö̧ Pedroma ka̧lena ba̧kwaweju okwa bi̧jetö. Jobe ö̧bonö Jesúsnö ösödadöma kabatökönö abebijadötö Diosnö, Pedronö pjaatobö.

Juan 15:16

Ja̧danö, ötjöma omudawö chujunijatö ökwödönöma ötjö chömöledö bakibaduwanö. Ökwödömaökö. Ötjönö omudawö juninöködöja. Ötjödasa. Ja̧danö, ökwödönö 'da̧batö chujunijatö ötjö yötawi̧ jojodönö yöbawö kwi̧'yaduwobö. Wanedö yötawa: Jojodöma ba̧jekwadö, nöinö wa̧ji̧danö, ökwödö yökawaduwi̧ a̧ja̧kwö ötjönö tjösödakobe. Ja̧ wa̧ji̧ma kököbachibö woökönö ba̧kwȩlö̧jatebö 'wa̧jakobe— wanedö yöawinobe—. Chömöledö, jejenö jojodönö yöbawö 'ya̧nö, okobe jwiinö ötjö chiminö Chabe'donö akebaduwinö jo̧bama a̧ja̧kwö pjaatakwo̧.

Hechos 1:14

Jobadöma bakwainö omukwatö Diosnö abebö ju̧kwiabijadötö. Ja̧danö, ya̧döbi, Jesús ojo'do Maríabi, Jesús ö̧ja̧wo̧döbi jobadökwö Diosnö abebö ju̧kwiabijadötö ba̧kwȩlö̧jatebö.

Mateo 5:24

Diosnö kwiyakwa̧ jawa junibö, abönö kwömöledöso̧ ö̧jobekwö 'ya̧wi, jo̧bakwö wene kwujuna̧li̧ma otidö loköbobö, ja̧danö jemi ikenada Diosnö kwiyo— jö̧ba̧lö yöawinobe Jesúsma.

Hechos 6:4

Ja̧danö, ökwödöma kabatökönö Diosnö abeböda, Dios iwene yöbawöda duju̧kwakwedösa.

Hechos 16:10

Jejenö i̧'wi̧dinö edajo̧ ötjö Lucasnö, Silasnö, Timoteonö yöawijatö edaja̧ma. Ötjö, Lucas, Pablokwö 'yi̧no̧sa. Pablo jejenö i̧'wi̧dinö editjö̧ ökwödöma döwaisachibijatö, Aaa, Diosma jweinö i̧sebajabe Macedoniabeda otiwa jawa wene yöbawö di̧'yobö wea, jö̧ba̧lö. Jo̧kwaobetjö̧ Macedoniabe di̧'yobö, te'ada̧lökönö di̧'yakwowima disakwijatö.