Mateo 16:28 - Dios Iwene

²⁸ Ja̧danö, isabenö yötawaduwakwö, ökwödö ötjökwö ju̧kwadö chöba̧ja̧di̧ waisachadötjö ju'wedö tjuju̧kwobe, wotjakwa̧ abönö ötjö jojo baibanö jeminökwe yöbawö webö chö̧jakwa̧ tjedakwedöma— jö̧ba̧lö yöawinobe Jesúsma.

Mateo 16:28 Referans Kwoze

Lucas 9:27

Isabenö chujulu i̧sebö chichakobe 'dö̧ibaji̧ mölema chömöledö. Ja̧danö ju'wibi baikwö yötawaduwakwö: Ökwödö bena ja̧nö yötawi̧ a̧ja̧kwadötjö ju'wedö tjö̧jobe, wotjakwa̧ abönö ina yatja̧layi Dios la'aka luwo̧ ö̧jakwa̧ tjedakwedöma— jö̧ba̧lö yöawinobe Jesúsma.

Marcos 9:1

Ja̧danö, ju'wibi jö̧ba̧lijetö jobadönö: —Isabenö jö̧ta̧la. Bena ju̧kwadötjö ju'wedöma ina 'yatja̧layi tjedakobe Dios La'aka Luwo̧ ö̧ji̧ baledakwa̧ma. Tjedakobe, Dios iteda ujulunö ichajo̧ La'aka Luwo̧ ö̧jobema— jö̧ba̧lijetö Jesúsma.

Juan 8:52

Jejenö yöawiawö̧: —¡Ayö, tjo̧wi̧ döwaisa! Awetja ömöayo̧ teachibinökweja ökwöma. ¿Dakwö yöka̧la, ötjö yötawi̧ a̧ja̧kwadö la'akatjöda wotjökakwedö, jö̧ba̧lö? Da'dömine Abraham wobijetö. Dios yöawi̧ yöbawinadöbi wobijadötö. Jo̧kwaobetjö̧ ¿dakwö yöka̧la, ötjö yötawi̧ a̧ja̧kwadö wotjökakwedö, jö̧ba̧lö?

Mateo 26:64

Jejenö weökwe, Jesúsma atadinobe: —Jau, ökwöda yöka̧laja̧danö jo̧be. Ja̧danö, baikwö yötawaduwakwö: Tupakwö ötjö jojo baibanö jeminökwenö kwedaduwakwedöja, okobe jwiinö juluwo̧ Dios öwaisobekwöchobe chö̧bobema, ja̧danö mölejȩbetjö ojwiyo'wonö chichobe kwedaduwakwedöja— jö̧ba̧lö atadinobe.

Mateo 10:23

Jau chömöledö, bakwöta comunidadtjö ökwödönö usula kwemawaduwinö ja̧tjenama, jobetjö döbibajö ju'wi comunidadbe 'ya̧duwi. Ja̧danö, isabenö yötawaduwakwö, okobe jwiinö Israel niji comunidadtenia jojodönö yöbawö kakataduwakwa̧ abönö, ötjö jojo baibanö jeminökwema yemidanö chichocha.

Lucas 2:26

ja̧danö Simeonkwö ja̧nö, Dios O̧'wo̧ Luwo̧ma jo̧banö ba̧ja̧dö yöawinobe: —Duluwo̧ weakwo̧ jö̧a̧linökwenö isabenö kwedakwo̧ja Simeón. Kwedenanö kabatö ökwöma woköbökakwo̧ja— jö̧ba̧lö.

Marcos 13:26

Jejenö baibena ötjö, jojo baibanö jeminökwema chujulunö dewinö dejatinö ojwiyo'wonö chichakobe. Ja̧danö, jojodöma ötjö chichobe tjedakwedö.

Hebreos 2:9

Jo̧kwaijayonö döwaisa, Ida̧ökö bakwo̧ inesö jo̧ ö̧jobe, jö̧ba̧lö, Jesúsda, Dios Itji̧. Ja̧danö, Diosma jo̧banö weinobe böjȩkwö jojo baibanö öbötjachobö. Jejenö Jesúsma böjȩnö ja'yubeda lekwe ö̧jinobe, ángelesdönötjö ja'yubeda baikwönöda ja̧nö, jojodö tjö̧ji̧danö. Isabenö chömöledö, Dios ökwödö jojodönö lȩlö̧jino edobetjö̧ iteda Itji̧ Jesúsnö weinobe usula emawobö, dumusidi̧ midawö. Jejenö Jesúsma jojodö tjowobalema balekwo̧da woinobe, jojodö tjo̧'wo̧ luwo̧nö wotjokobö. Ja̧danö, Jesús usula emawö midawö ö'wö baibiökwe Diosma jo̧banö edinobe, Bitema jwiinö otiwo̧, ötjö chö̧bemi chöwaisobekwöchobe inesö ö̧bena öbamatakwo̧, jö̧ba̧lö. Isabenö chömöledö, ökwödö jojodö böjȩnö inesö jojodöböködö dö̧jijayonö do̧'wo̧ luwo̧ okwanö döwaisa bakwo̧nö, jwiinö inesö jo̧nöma. Jo̧bama Jesúsda, midawö wobinama. Isabenö, jo̧bama inesö la'aka luwo̧.

Mateo 24:3

Jesús mösa'o Olivos mikwa'otjö öbamatenama, iteda öba̧ja̧di̧ waisachadö jo̧dawa'ye ichö Jesúsnö abebö tja̧ja̧kwinobe: —Ja̧ yökawaja̧ma, ¿dianö badekwachakwa̧da? Ja̧danö yemidanö kwichakwa̧ abönö, ja̧danö 'dö̧ibaji̧ möle baibakwa̧ abönö, ¿taji baledakwa̧da, baledi̧ edö, Aaa, juluwanö Jesús ichakobe, juluwanö 'dö̧ibaji̧ möle baibakobe, jö̧ba̧lö döwaisoböma?— jö̧ba̧lö abebö tja̧ja̧kwinobe.

1 Tesalonicenses 1:10

Ja̧danö, Dios Itji̧ mölejȩtjö ichakwa̧ te'ada̧lö ju̧kwadötö jö̧ba̧lö yötjawobe. Jau chömöledö, Diosma iteda Itji̧ Jesúsnö woawatjö tjeachajinö ja̧inobe, ja̧danö jo̧ba Jesúsda Dios lȩebakwa̧tjö dö̧jibinö ja̧bo̧ma.

Mateo 24:42

Jo̧kwajabetjö̧, te'ada̧lönö kwö̧jaduwo chömöledö, kwuluwo̧ yemidanö ichakwa̧ möle wajwiköbaduwobetjö̧.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

Mateo 16:13

Cesarea de Filipo ötjabi̧ nijibe ichibajadö, Jesúsma iteda öba̧ja̧di̧ waisachadönö abebö a̧ja̧kwinobe: —Chömöledö, ¿dakwö yötja̧lobe jojodöma ötjö jojo baibanö jeminökwenö, tijö jö̧ba̧lö?—

Mateo 24:34

Isabenö yötawaduwakwö chömöledö, okobe jwiinö ökwödönö yötawaja̧ jawa isabenö baledakobe, babe möle jojodö okobe deinö wotjakwa̧ abönö.

Marcos 8:38

Isabenö yöta̧la, babe ju̧kwadö sulabenö ja̧bö tjuju̧kwobe, Diosnö öpöjödö böjȩ jawada ösödö. Bakwo̧, ötjönö öpöjödinö jo̧ma baikwö baledakwo̧. Ju'winö ötjöma, jojo babibö öwabachinama, yemidanö böjȩkwö chichenama ötjönö öpöjödo̧nö ötjöbi chöpöjödakobe. Isabenö ju'winö, Dios dewinö dejatinö böjȩkwö yemidanö chichena, suli̧ jwibadö ángelesdökwö chichenama, ötjöbi jo̧banö edö chöpöjödakobe— yöbawijetö Jesúsma iteda öba̧ja̧di̧ waisachadönö.

Juan 8:51

Isabenö yötawa. Ötjö yötawi̧ a̧ja̧kwadöma la'akatjöda wotjökakwedö.

Juan 21:22

—¿Tajawedö jejenö abebö kwa̧ja̧kwada? Ökwö jawamaökö Pedro. Yemidanö chichenama, ite Juanma, ina ö'wö baibökönö ö̧jobö chösöditjö̧ma jejenö ja̧tena. Jo̧kwaijayonö ja̧ma ökwö jawamaökö. Ötjökwö ichi. Di̧'yaduwo— jö̧a̧linobe Jesúsma Pedronöma.

Hechos 1:11

Jobadöma jö̧ba̧lijadötö: —Ökwödö Galilea jojodö ¿Tajawedö mölejȩbema eda̧lö kwuju̧kwaduwa? Jo̧ba Jesús tjo̧wi̧ mölejȩbe kaekwajabe. Ja̧danö, ökwödö kwuju̧kwaduwelö ȩwa̧jo̧ma yemidanö jejenö ichakwo̧—jö̧ba̧lijadötö jobadöma Jesús öba̧ja̧di̧ waisachadönöma.

1 Corintios 15:23

Jo̧kwaijayonö, okobe deinö bakwo̧nökwena tjetjachajo jö̧tja̧lenada tjetjachajakwedö chömöledö. Cristoma abönö tjeachajinobe, ja̧danö jo̧ba yemidanö ichenama, jo̧ba ömöledöbi 'yabibajö tjetjachajakwedö chömöledö.

Santiago 5:7

Jo̧kwaobetjö̧ chö̧ja̧wo̧dö, juna̧ladöma ökwödönö usula kwemawaduwobö wetjijayonö kwo̧'wo̧duwi 'dibachibö ja̧nö kwite'ada̧laduwo Duluwo̧ Jesucristo yemidanö ichenanö kabatö. Wanedö yötawaduwakwö, batjo junawanö wanedöma: Bakwo̧ batjo ujunaja̧ ikena ite'ada̧lobe ujunaja̧ma pokwobö, ju'wi möle otiwanö tjukwakwa̧ma. Ite'ada̧lobe ajayinö ojwiyo o̧bakwa̧ma. Ja̧danö, ite'ada̧lobe jemi ikenabi ojwiyo o̧bakwa̧ma. Jo̧bama ite'ada̧li̧da ite'ada̧lobe. Omukwatokobe, Ayö lekwobe, dakwö chite'ada̧la, Chite'ada̧lökena, jö̧ba̧lö. Jejenömaökö. Jo̧bama te'ada̧löda ite'ada̧lobe, öpödawökönö.

2 Pedro 1:16

Chömöledö, ökwödönö Duluwo̧ Jesucristo iteda ujulu i̧sebö ichakwa̧ wene yödawijatö, ¿jö̧tö? Jau chömöledö, Jesús yemidanö ichakwa̧ yödawijatö, ja̧danö jejenö yödawenama, jojodö omöna yötjawi̧dama yödawinokobe chömöledö. Jau chömöledö, isabenö duluwo̧ Jesucristo ujulu waisadösa, ja̧danö Jesucristo inesö ujulu döbajalenö edinadöda yödawijatö chömöledö.

1 Juan 2:28

Jo̧kwaobetjö chi̧tji̧mu chösödawö̧, ökwödönö yemidanö yötawa. Jwaikwöda tupakwö kwi̧'yaduwo Cristokwö dötewinö. Jejenö kwi̧'yaduwo, Cristo yemidanö ichenama yöka̧laduwakobetjö̧, Chuluwo̧ ökwökwö dötewinö 'ya̧dösa, jö̧ba̧lö. Jejenö Cristokwö dötewinö kwi̧'yaduwobetjö̧ ju'winö jo̧banö kwedaduwena taba jwiinö kwedaduwakwedöja, yemidanö böjȩkwö ichenama.