Mateo 16:25 - Dios Iwene

²⁵ Jau chömöledö, baikwö yötawa: Bakwo̧ iteda otiwanö ö̧jobö isakwitjö̧ma, waekwena, isabenö ja̧kwawama öbadekwajökena. Jo̧kwaijayonö ötjönö ösödobetjö̧ ö'wö babibo̧ma, jo̧bama isabenö ja̧kwawa öbadekwajakwo̧.

Mateo 16:25 Referans Kwoze

Mateo 10:39

Jau chömöledö, okobe deinö idöda otiwanö tjö̧jakwa̧ isakwadöma, ja̧ ja̧kwawa jwitjakwedö, jo̧kwaijayonö okobe deinö ötjönö tjösödobetjö̧ ö'wö babibadöma, isabenö ja̧kwawa tjöbadekwajakwedö.

Apocalipsis 12:11

Dios ömöledö babibinadö wobinadöma Awetja weelö ji̧binadö, Obeja Itji̧danö Jo̧ ökwösobutjö tjidichawobetjö̧. Ja̧danö, Dios iwene yötjawinobetjö̧ Awetjanö juluwinadö. Jobadöma tjo̧'wo̧ 'dibachibö ja̧nö yöbawinadö, jobadönö kwabö lotjenabi.

Marcos 8:35

Jau chömöledö, kwomukwataduwena, Aaa, Jesús ökömanö chi̧'yökena, debö chi̧'yapji jö̧ba̧lö. Jo̧kwaijayonö isabenö mikwawobe chökömanö kwichaduwobö chömöledö. Jau chömöledö, bakwo̧ iteda debö i̧'yokobö isakwitjö̧ma, waekwena, isabenö ja̧kwawama ujuna̧lökena. Jo̧kwaijayonö ötjönö ösödö, ja̧danö, jojodö otiwa jawa wene tja̧ja̧kwo jö̧a̧lobetjö̧ ö'wö babibo̧ma, jo̧bama isabenö ja̧kwawa ujuna̧lakwo̧.

Juan 12:25

Ina yöawinobe: —Ja̧danö, jojodö, böjȩ jawada omukwatö ju̧kwadöma, Diosnö ichibökönö wotjakwedö. Jo̧kwaijayonö böjȩ jawa omukwatökönö, Diosnö omukwatö ju̧kwadöma Diosnö ichibö ba̧kwȩlö̧jatebö Dioskwö tjuju̧kwakwedö— yöawinobe—.

Lucas 17:33

Jau chömöledö, bakwo̧ juluwanö döbibajökönö iteda otiwanö ö̧ji̧ jawa ujuna̧lobö isakwitjö̧ma, waekwena, jo̧kwaijayonö otiwanö ö̧ji̧ jawa okobe junibö döibajitjö̧ma, döbibajö ö̧jibena.

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.