Mateo 16:16 - Dios Iwene

¹⁶ Aebökwe Simón Pedroma atadinobe: —Ökwöma Dios weakwo̧ jö̧a̧linökweja, 'yaba̧lo̧ Dios itji̧ja— jö̧ba̧lö atadinobe.

Mateo 16:16 Referans Kwoze

Mateo 14:33

ja̧danö jejenö balediawö̧, Jesús öba̧ja̧di̧ waisachadöma Jesúsnö ösödö yötja̧linobe: —Isabenö ökwöma Dios itji̧köba— jö̧ba̧lö yötja̧linobe.

Juan 11:27

Jejenö abebö a̧ja̧kwoko jatadinobe: —Jau Duluwo̧, yöka̧li̧ma jweinö yöka̧la. Ötjöma ökwönö ösödujusa, Ökwöma dö̧jibinö pjabato̧ja, jö̧ba̧lö. Waisujusa ökwönöma, Dios ajayinö wetakwo̧, jö̧ba̧lö, yöbawö ujuninökweja. Ökwöma Dios Itji̧ja, böjȩkwö ichakwo̧ yötjawinökweja, jö̧ba̧lö, waisujusa ökwönöma— jö̧ja̧linobe Martama.

1 Juan 4:15

Jo̧kwaobetjö̧ Jesúsnö ösödadöma, Jesúsma Dios Itji̧, jö̧ba̧lö, Dioskwö dötewinö 'ya̧dö. Ja̧danö, Diosma jobadö Jesúsnö ösödadökwö dötewinö 'yo̧.

Mateo 27:54

Jesúsnö te'ada̧lo̧ guardia luwo̧bi ömöayedö jo̧bakwö ju̧kwadö guardia jojodöbi niji tjö̧awobe tjedinobe, ja̧danö ju'wi baledi̧ tjedinobe. Jejenö edajadö jwiinö yetjaibinobe, ja̧danö yötja̧linobe: —¡Isabenö bitema Dios itji̧!— jö̧ba̧lö.

1 Timoteo 4:10

Ja̧danö, Dios wei̧ jawa ja̧bö dotidobe, usula emawö dotidobe, ba̧kwȩlö̧jatebö jo̧ Diosnö do̧'wo̧ döwana̧lobetjö̧, isabenö dö̧jibinö ja̧akwo̧ jö̧ba̧lö. Jau, Diosma okobe deinö böjȩ jojodö tjö̧jibobö ja̧bo̧, ja̧danö isabenö dö̧jibinö ja̧bo̧, ökwödö Jesúsnö ösödadönöma.

Hechos 9:20

Ikenama Sauloma te'ada̧lökönö jobetjö judío jojodö yötjaweju okwa Jesús jawa yöbawijetö. Jo̧ba Jesúsma, Dios Itji̧, jö̧ba̧lö, yöbawijetö.

1 Tesalonicenses 1:9

Jau chömöledö, ökwödödama jobadönö yödawököjayonö, ökwödönö yöbawö di̧'yina wene yötjawobe. Baikwö yötjawobe chömöledö: Tesalónicabe yöbawö di̧'yenama, ökwödönö kwösödinaduwobe, jö̧ba̧lö, ja̧danö o̧'wo̧ jawa kwösödinaduwawö̧nö kabatibö, Diosnö kwösödinaduwobe, jö̧ba̧lö. Jau chömöledö, ökwödönö yötjawobe, Tesalónicanö ju̧kwadöma o̧'wo̧ jawa kabatibö, isabenö Dios jo̧, 'yaba̧lo̧ Dios jo̧ wei̧ ja̧bö ju̧kwadötö, jö̧ba̧lö.

Mateo 26:63

Jo̧kwaijayonö, Jesúsma atadökönö ö̧jinobe. Atadökönö ö̧jiökwe, ö'weje pjabatadö la'aka tjuluwo̧ma Jesúsnö weinobe: —'Yaba̧lo̧ Dios iminö jweinö kwatadobö wetakwö: ¿Ökwöma Dios weakwo̧ jö̧a̧linökwe, Dios itji̧köbiji̧?— jö̧ba̧lö.

Hebreos 10:31

¡Ayö! 'Yaba̧lo̧ Dios lȩebakwa̧ma jwiinö labi̧ ja̧kobe. Dios lȩebawö̧nö omukwatö yebabidösa, ¡Ayö jobadöwe! jö̧ba̧lö.

Romanos 1:4

Jojo baibanö jeminökwenöma, Diosma iteda ujulunö i̧sebinobe, Bitema ötjöda chitji̧, jö̧ba̧lö. Baikwö i̧sebinobe chömöledö: Yemidanö woawatjö tjeachajinö ja̧böda i̧sebinobe, Jesúsma ötjöda chitji̧, jö̧ba̧lö. Jau chömöledö, ökwödö Duluwo̧ Jesucristonöda tjeachajinö ja̧inobe Diosma: Bitema ötjöda chitji̧, jö̧ba̧lö.

Marcos 14:61

Jejenö abebö a̧ja̧kwijayonö Jesúsma atadijökötö. Ikenama ö'weje la'aka pjabato̧ma ju'wi abebö a̧ja̧kwijetö Jesúsnöma: —¿Ökwödaji̧ Dios wetakwo̧ jö̧a̧linökwema? ¿Ökwödaji̧ jojodö tjösödökwe Dios Itji̧köbiji̧?—abebö a̧ja̧kwijadötö Jesúsnöma.

Daniel 6:26

Ja̧danö, ökwödönö wȩyudö weta, yöbawö wetena bakwameachibanö okobe deinö jojodöma Daniel ösödökwe Dios öba a'otjö yebabinö tjö̧bawö tjösödobö jo̧be jö̧ba̧lö. Jo̧bama isabenö okobe jwiinö juluwo̧ Dios, ja̧danö ba̧kwȩlö̧jatebö ö̧jakwo̧. Jo̧ba yöbawö wei̧ma, ba̧kwȩlö̧jatebö yöbawö weakobe, la'akatjöda yöbawö wei̧ söbebö lötjökakobe, ja̧danö ba̧kwȩlö̧jatebö inesö la'aka luwo̧ ja̧nö yöbawö weakobe Diosma.

Deuteronomio 5:26

Jau Moises, okobe deinö bö̧jȩ jojodötjö bakwo̧bi deobe, 'yaba̧lo̧ Dios yöawobe ökwöi̧ a̧ja̧kwina, ina 'yaba̧lo̧ma, jo̧kwajabetjö̧ tupakwö Dios iwene ökwöi̧ da̧ja̧kwitjö̧ma, dedemi ö'wö badibena.

Juan 20:31

Biya̧ chiwȩyudi̧ma ökwödönö pjabatö chiwȩyuda, kwöwaisaduwobö, Jesúsma Dios weinökwe jojodö tjö̧jibinö pjabatö, jö̧ba̧lö. Ja̧danö, Jesúsma Dios Itji̧, jö̧ba̧lö, kwöwaisachibaduwobö chiwȩyuda bi'yema. Jejenö waisinö, Jesúsma jojodö dö̧jibinö pjabato̧, jö̧ba̧lö, jo̧banö kwösödaduwobö chiwȩyuda bi'yema. Ja̧danö, Jesúsnö ösödö do̧batö kwemaduwobetjö̧, ba̧kwȩlö̧jatebö ja̧kwawa kwujuna̧laduwobö chiwȩyuda biya̧ jawama.

Juan 1:49

—Ba̧ja̧dakwawa jojo, ökwöma Dios Itji̧ja. Ökwöma Israel jojodö tjuluwo̧ja— jö̧a̧linobe Natanaelma.

Hebreos 12:22

Jejenö ji̧nobe da'dödömine Dios ö̧jobekwö tjichibinama. Ja̧danö, ja̧ baledina ökwödönö i̧sebobe Dios ajayinö yöbawö ujunina wei̧ jamatö 'yi̧na, Dios wei̧ Moisés iwȩyudinama. Jo̧kwaijayonö chömöledö, jejenö baledinokobe ökwödö, Jesúsnö ösödadönöma. Dios 'yayi̧ balekwa yöbawö ujuni̧ma jejenöma jamatö 'yi̧nokobe, ökwödö Dios ö̧jobekwö kwichibinaduwama. Ökwödö Dios ö̧jobekwö kwichibinaduwama, da'dödömine ja'o mö'ösa'o yebabinö tjichibinadanömaökö. Ökwödöma jele'o, Sión mikwa'o, ja̧danö mölejȩbe Jerusalén mikwa'o jo̧bekwö ichibinadöja, 'yaba̧lo̧ Dios ö̧jobe wanekwacha'o jo̧bekwö. Chömöledö jobe kwo̧'wo̧ luwo̧duwinö ichibö Dioskwö ju̧kwadöja. Ja̧danö, jobema ángelesdö ba̧jekwadö ko̧ko̧kwa̧lö, tjo̧'wo̧ ösöwö, Diosnö jwiinö ösödö tjö̧jobe.

1 Timoteo 3:15

Ja̧danö, chi̧'yobö chomukwati̧ waekwitjö̧ma, böja kwialusöja chiwȩyudobetjö̧, Dios ömöledö otiwanö ja̧bö tjö̧ji̧ma kwöwaisena. Jau Timoteo, ökwödö Jesúsnö ösödadöma Dios ömöledöbedösa, ja̧danö isabenö wene te'ada̧ladösa, ju'wedö sulabenö yötja̧lapji jö̧ba̧lö.

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.

2 Corintios 6:16

Diosnö ösödakwawejutjö, Diosböködö o̧'wo̧ jawa tjösödobö ¿Diosma weenaji̧? Kwöwaisaduwa chömöledö, jejenömaökö, ¿jö̧tö? Jau chömöledö, isabenö Cristonö öpöjödadökwö bakibaduwoko, ökwödö Cristonö ösödadöda 'yaba̧lo̧ Dios ejubedö dö̧jobetjö̧. Jau chömöledö, isabenö Dios eju babibinadösa, Dios iwene laebi̧danö. Baikwö laebobe Dios iwene chömöledö Dios yöawinama: Ötjöma ötjö chömöledö tjo̧'wo̧ luwo̧nö chö̧jakwo̧sa, ja̧danö jobadö tjö'da̧de kwetachocha, ja̧danö ötjöma jobadö tjuluwo̧ Dios chö̧jakwo̧sa, ja̧danö jobadöma ötjö chömöledö tjö̧jakwedö, jö̧ba̧lö laebobe.

2 Corintios 3:3

Jau chömöledö, ökwödöma Cristo iwȩyudinöja kwialusöjadanö ichejekwadöja, ja̧danö wanedö yötawa, ja̧ kwialusöjada di̧sebobedanö ichejekwa, isabenö dotidinama otiwa jö̧ba̧lö. Ja̧ wȩyukwi̧ma, lapisö'i bajalesobunöma wȩyukwokobe chömöledö, Yabalo̧ Dios O̧'wo̧ Luwo̧da wȩyukwobudanö ichejekwo̧ma, kwo̧'wo̧ luwo̧duwinö ö̧jobetjö̧ chömöledö. Ja̧danö ja̧ wȩyukwi̧ma, inawanö wȩyukwokobe chömöledö, Moisésnö iyina inabiyadanöma, jojodö tjomajadenöda wȩyukwobe chömöledö. Jau chömöledö, ökwödö Corintio jojodöda otiwanö otido̧ chö̧ji̧ wȩyukwöjadanöbedöja, Cristonö kwösödaduwi̧ma otiwanö chotidina wene öwaetjöda i̧sebobetjö̧, wȩyukwöja i̧sebi̧danö.

Hechos 14:15

—Ökwödöma ¿tajawedö jejenö kwösödaduwa ökwödönöma? Ökwödöma woawedösa, ökwödödanö. Kwo̧'wo̧ kwöwana̧laduwawö̧böködösa. Ökwödöma otiwa jawa wene yöbawö dichajabe baima, ökwödönöma yöbawö. Mikwa jwii̧ jawa kwösödaduwi̧ma kabatibö Diosnö kwösödaduwobö yöbawö dichajabe. ¿Wajwiköbaduwiji̧? Diosma 'yabayo̧. Jo̧banöda kwösödaduwo, mikwa jwii̧ jawa kwösödaduwi̧ma kabatibö. Jo̧bama mölejȩbi, mölejȩnö köba̧ladönöbi, ojwe nöödöbi, ojwe okwa ju̧kwadönöbi, böjȩbi, böjȩnö ju̧kwadönöbi otidina. Okobe jwiinö böjȩnö ju̧kwi̧ma Diosda otidijetö—yöbawijetö Pabloma.

Mateo 4:3

Ja̧danö, a̧wi̧chi̧lö̧jökwe Jesús ö̧jobekwö ichinobe sulabenö ja̧ojobö jö̧ba̧lö ja̧bo̧ Awetjama, ja̧danö jo̧banö weinobe: —Isabenö Dios itji̧köbitjö̧ma, biwa inawiyatjö pan baibanö otidö kwidi— jö̧ba̧lö.

Hechos 8:36

Ikenama, 'ya̧nö Etiopía jojoma edijetö ojwe se'do. Je'do edö jö̧ba̧lijetö: —¡Edi! Ojwese'do be'do. ¿Ojwe okwa kwubu̧datobö jo̧beji̧?— abebijetö.

Juan 6:69

Ökwö yökawi̧ a̧ja̧kwö dösödijatö, Jweinö yöbawo̧, jö̧ba̧lö. Döwaisachibijatö, Ökwöma suli̧ jwibo̧ja, Dios weinökweköbobetjö̧, jö̧ba̧lö— jejenö atadinobe Simón Pedroma.

Mateo 1:16

Jacobma José mikwo̧ abe'doinobe, ja̧danö Joséma María mikwujunö eminobe, ilekwo bajibanö. Jobuju Maríama jitji̧ Jesúsnö jeminobe, ja̧danö Jesúsma, Cristo jö̧ba̧lö ötjabökwe, Dios weakwo̧ jö̧a̧linökwe jö̧ba̧lö.

Mateo 16:15

Yötja̧lökwe, abebö a̧ja̧kwinobe: —¿Ökwödöja? ¿Kwedaduwemi tichobeda ötjöma?— jö̧ba̧lö.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Juan 6:57

Dabe'do Dios, ötjönö webinama, ba̧kwȩlö̧jatebö ja̧kwawa iyo̧. Ja̧danö jo̧bama, ba̧kwȩlö̧jatebö ja̧kwawa iyo̧obetjö̧ ötjöbi ba̧kwȩlö̧jatebö ja̧kwawa iyo̧sa. Ja̧danö, ötjö chiteba'o kwadöbi ba̧kwȩlö̧jatebö ja̧kwawa juna̧ladö batjibakwedö, jobadönö ba̧kwȩlö̧jatebö ja̧kwawama chiyobetjö̧.

Juan 6:68

—Chuluwo̧ kadatibokobe. ¿Ti yöawi̧ da̧ja̧kwobö di̧'yobö? Ökwöda ba̧kwȩlö̧jatebö ja̧kwawa wene yöbawo̧ma.

2 Corintios 1:19

Jau chömöledö, Jesús webawo̧ chö̧jobetjö̧, jo̧ba jweinö jö̧a̧li̧danö yöta̧lobö jo̧be. Baikwö yötawa: Jesús jawa wene ökwödönö yödawina wenema dötölatajanö laebokobe, ¿jö̧tö? Jau chömöledö, ötjöbi, Silasbi, Timoteobi Dios itji̧ Jesucristonö yödawijatö ökwödönö, ¿jö̧tö? Jo̧bama jweinö jö̧a̧li̧danö ja̧bo̧, dötölatajanöma yöba̧lö̧kö̧, ¿jö̧tö?

Hebreos 3:12

Jo̧kwaobetjö̧ chö̧ja̧wo̧dö, ökwödö bakwo̧nökwena tjöbeba̧lö̧jönö kwite'ada̧laduwo kwo̧'wo̧ luwo̧duwinö, ökwödötjö ju'wedöbi da'dödömine sulabenö tji̧'yinadanö kwi̧'yaduwapji jö̧ba̧lö, kwomajadeduwinö Diosnö jwiinö öpöjödö, yaba̧lo̧ Diosnö kabatibö.

Apocalipsis 7:2

Jemi ikenama jelo̧ ángelnö chedijatö, ja̧wo̧ ichobetjö labebö mölejȩbekwö kabekwajo̧nö. Jo̧bama seyu dobö wȩyukwa jawa do̧ba̧lö kaekwachajobe chedijatö, Ba̧kwȩlö̧jatebö 'Yaba̧lo̧ Dios u̧kwa seyu dobö wȩyukwa jawama. Kabekwachajo̧ mölejȩbe ichibö ángelesdönö, jwa̧lȩ'epjo tjöbeba̧ladönöma, böjȩbi, ojwebi, sulabenö baibanö ja̧tjobö webawedönöma labinö jwöi̧ cha̧ja̧kwijatö .