Mateo 14:23 - Dios Iwene

²³ Jojodö tjȩwa̧jobö weaja̧ ikenama, Jesúsma jo̧dawa'ye mö'ösa'obe önöchinobe, jo̧dawa'ye Diosnö aebobö. Yö̧te baibanö, Jesúsma jobe jo̧dawa'ye ö̧jibinobe,

Mateo 14:23 Referans Kwoze

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Marcos 6:46

Ikenama öba̧ja̧di̧ waisachadö tji̧'yajabe okobe jojodönö: —Tjo̧wi̧ta. Ötjöma chi̧'ya— jö̧a̧laja̧ ikena, Jesúsma mö'ösa'obe 'yi̧jetö abe'donö abebö.

Mateo 26:36

Ikenama, Jesúsma iteda öba̧ja̧di̧ waisachadökwö Getsemaní mikwobe i̧'yinobe. Jobe ichibö, iteda öba̧ja̧di̧ waisachadönö weinobe: —Bena ba̧nö te'ada̧laduwi, ötjöma yai tupakwö 'ya̧nö Diosnö atebonö— jö̧ba̧lö.

Mateo 6:6

Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.

Hechos 6:4

Ja̧danö, ökwödöma kabatökönö Diosnö abeböda, Dios iwene yöbawöda duju̧kwakwedösa.

Lucas 9:28

Jejenö yöawaja̧ ikena jelemutjö wa̧pötakwa möle jenanö baledibajenama, Jesúsma Pedronöbi, Juannöbi, Jacobonöbi öbibö mö'ösa'obe önöchinobe, jobetjö Diosnö aebobö.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

Lucas 3:21

Ka̧lena ö̧bakwa̧ abönö, Juanma jojodönö ojwenö ubu̧datinobe, ja̧danö ju'wi möle jejenö ubu̧datenama, Jesúsnöbi o̧jwenö ubu̧datinobe Juanma. Ja̧danö, ojwenö ubu̧dataja̧ ikena, Jesúsma Diosnö aebinobe, ja̧danö Diosnö aebemi ja'ötjö, mölejȩma po̧ekwachinobe.

Lucas 5:16

Jejenö tjichibiökwe, Jesúsma otiwanö pjaatinobe jobadönö, jo̧kwaijayonö ju'wikwenama Jesúsma jojodötjö 'da̧bachibö, deobekwö i̧'yinobe, Diosnö aebobö.

Lucas 9:18

Ja̧danö, ju'wi möle Jesúsma iteda öba̧ja̧di̧ waisachadökwöda jojodötjö 'da̧bachibö i̧'yinobe, Diosnö aebobö. Ja̧danö, iteda öba̧ja̧di̧ waisachadökwöda ja̧nö, Jesúsma jobadönö abebö a̧ja̧kwinobe: —Ju'wedö jojodö ötjönö yötja̧li̧ma, ¿dakwö omukwatö yötja̧lobeda? Tjedemi ¿tichobeda ötjöma?— jö̧ba̧lö.