Mateo 13:41 - Dios Iwene

⁴¹ ötjö jojo baibanö jeminökwema chömöayedö ángelesdönö wetocha. Ja̧danö, jobadöma yöbawö wetena jojodötjö okobe deinö jojodö sulabenö ja̧tjobö ja̧badönöbi, okobe deinö ju'wedö sulabenö ja̧badönöbi ko̧ko̧dö,

Mateo 13:41 Referans Kwoze

Mateo 24:31

Ja̧danö asabikwawa jawa trompeta labinö ökwöakobe, ja̧danö chömöayedö ángelesdönö wetocha, böjȩ bakwameachibanö 'ya̧nö, omudawö chujuninawö̧nö ko̧ko̧dö tjichejebobö.

Apocalipsis 21:27

Jo̧kwaijayonö suli̧ jawama teatakwawokobe, jwiinö otiwi̧ jawada. Jobema, 'yayi̧ Jerusalénöma, otiwakwö sulabekwö pjaacha̧lokobe. Ja̧danö, ba̧kwȩlö̧jatebö omöna yöba̧ladöbi tebachöködö. Tjimibiya wȩyukwadöda tetjachobe, Bidöma Dios ö̧jobe tebachö ja̧dö, jö̧ba̧lö, jö̧tja̧lawö̧da. Jobadöma, tjimibiya ba̧jadö, Obeja Itji̧danö Jo̧ u̧kwa kwialu'ye okwa.

Mateo 18:7

Jau chömöledö, böjȩ jojodöma isabenö Dios lȩebakwa̧ tjemakwedö, jojodö sulabenö ja̧tjobö wetjobetjö̧. Isabenö yötawaduwakwö chömöledö, jojodö sulabenö ja̧tjobö wetji̧ma isabenö baledakobe, jo̧kwaijayonö ju'wedö sulabenö ja̧tjobö webo̧ma, isabenö nöinö usula emawakwo̧— jö̧ba̧lö.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Romanos 2:16

Jejenö jo̧be chömöledö, ja̧danö ju'winö Diosma yemidanö Cristo Jesúsnö weakobe, inesö lȩekwa luwo̧ baibanö. Ja̧danö, Cristo Jesúsda domajadenö domukwatina yöawakobe, sulojobö, otiwojobö, jö̧ba̧lö. Ja̧danö ja̧ möle baibenama, okobe deinö sulabenö ja̧badönö lȩebakobe, Moisés iwȩyudina junaladötjö sulabenö ja̧badönöbi, Moisés iwȩyudina jwibadötjö sulabenö ja̧badönöbi. Biya̧ wene yötawaduwakwö chömöledö, Dios yöawi̧ma.

Mateo 13:49

Jobekwö baledakobe 'dö̧ibaji̧ mölema. Ángelesdöma jojodö otiwadötjö sulabedönö böjö 'da̧batö tjujunakobe,

Marcos 13:27

Ja̧danö, chömöayedö ángelesdönö wetocha böjȩ okobe jwiinö kwetjachobö, Dios i̧tji̧mu batjibanö 'da̧batö ujuninawö̧nö bakobe tjoko̧ko̧dobö. Ja̧danö, Dios i̧tji̧mu batjibanö 'da̧batö ujuninawö̧nö a̧li̧tjöbi, u'datjöbi, ja̧wo̧ ichobekwötjöbi, ja̧wo̧ meajobekwötjöbi tjoko̧ko̧dobö wetocha chömöayedö ángelesdönö— jö̧ba̧lö yöbawijetö Jesúsma öba̧ja̧di̧ waisachadönö.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

2 Samuel 23:6

Ja̧danö ökwödönö pjaatonö, sulabedö Diosnö öpöjödadönöma ikwö loakobe. Jobadö sulabedöma sȩaka sulabakadanö labidö, jojodö matjoko jö̧tja̧lakadanö.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.