Mateo 13:21 - Dios Iwene

²¹ Jobadöma ajayinö tjo̧'wo̧ ösöwachibanö tja̧ja̧kwijayonö, okwanö söibokobe a̧ja̧kwadö, ja̧danö lekwema ösödöködö. Wene baibena, ja̧danö usula tjemawenama, juluwanö kabatibadö.

Mateo 13:21 Referans Kwoze

Mateo 11:6

Ja̧danö tupakwö yökawaduwonö Juannö: Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö jö̧ba̧lö— atadinobe Jesúsma.

Efesios 3:17

Ja̧danö, Diosnö atebobe, Cristo otiwanö ö̧jobö kwo̧'wo̧ luwo̧duwinö, jo̧banö kwösödinaduwobetjö̧. Ja̧danö Diosnö atebobe chömöledö, ökwödönö pjaatobö tupakwö, ba̧kwȩlö̧jatebö ösödabikwawö kwö̧jaduwobö ju'wedökwöbi Dioskwöbi.

Proverbios 12:3

Ja̧danö, ju'wibi yötawa, wanedö: Dios wei̧ a̧ja̧kwö jo̧ma 'diinö ö̧jobe, yebabökönö. Jo̧bama towi bö'diya niji teebe okwa dötewowidanö jo̧, 'diinö ja̧nö, 'yeawaöködanö. Ja̧danö, sulabenö omukwatö jo̧ma jobekwö, 'diinö ö̧jokobe. Jo̧bama sulabenöda omukwatö ö̧jobetjö̧ yebabinö, o̧'wo̧ tjo̧bekwö jo̧.

Diosnö ösödo̧ Job mikwo̧ usula emawina jawa 19:28

Tupakwö yöa̧linobe Jobma, ömöledönö: —Ja̧danö, ökwödö chömöledönö baikwö yötawaduwakwö: Jweinö kwomukwataduwo chömöledö. Kwomukwataduwoko, –Jobma iteda wene ujuna̧lobetjö̧, tupakwö usula emawinö ja̧do, –jö̧ba̧lö, baikwö yötawa:

2 Timoteo 1:15

Timoteo, kwöwaisa, ba̧jekwadö Asia nijitjö Jesúsnö ösödadöma ötjönö katjatibinobe, ja̧danö jobadötjö Figelobi, Hermógenesbi ötjönö katjatibinobe.

Filipenses 1:6

Jau chömöledö, Diosda ökwödönö otiwa jawa kwo̧'wo̧ luwo̧duwi jawa jamatö otidinama, ¿jö̧tö? Ja̧danö chöwaisa, jamatö otidina jawama, Diosma okobe jwiinö otidö kaatakobe jö̧ba̧lö. Ja̧danö, Jesucristo yemidanö ichakwa̧ möle baibenama ja̧ okobe jwiinö kwo̧'wo̧ luwo̧duwinö otidi̧ma kaatakwawakobe chömöledö.

Gálatas 6:15

Chömöledö, dötade bajalesado̧ 'wibekwadö dö̧ji̧bi, 'wibekwöködö dö̧ji̧bi ja'yubebi mikwawokobe chömöledö, ju'wida mikwawi̧ma, 'yabayedö dö̧ji̧da.

Gálatas 6:12

Ökwödönö kwötadeduwi bajale o̧di̧ju 'wibekwö loköbaduwobö weba̧ladöma, sule wame jawada omukwatö wetja̧lobe chömöledö, ökwödönö yötjawobö, Otiwanö wedi̧danö bidöma tjötade bajale o̧di̧ju 'wibekwö lotjajabe, jö̧ba̧lö. Ja̧danö, ju'wibi Cristo midawö woina wene yötjawenama, usula tjemawapji jö̧ba̧lö jejenö wetja̧lobe chömöledö.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

Romanos 2:7

Bakwainö otiwanö ja̧badönöma, jwaikwöda Dios ösödi̧da ja̧badönöma, ba̧kwȩlö̧jatebö ja̧kwawa iyakwo̧ Diosma. Jobadöma jwaikwöda Dios ösödi̧ jawada ja̧badö, Diosma jobadönö jö̧a̧lakobetjö̧, Bidöma otiwadö, suli̧ jwibadö, jö̧ba̧lö. Ja̧danö, Dios ösödi̧ jawada ja̧bö ba̧kwȩlö̧jatebö ja̧kwawa isakwadö jobadöma. Ja̧danö, Dios ösödi̧ jawa ja̧bö ba̧kwȩlö̧jatebö ja̧kwawa tjisakwobetjö̧, ja̧da iyakobe Diosma, jwaikwöda tjisakwobetjö̧.

Juan 6:26

—Isabenö yötawaduwakwö. ¿Tajawedö kwisakwaduwa ötjönöma? Chujulu chi̧sebobe kwedinaduwa omukwatö ¿kwisakwaduwiji̧? Ja̧maökö. Ökwödöma pan kwukwinaduwada kwomukwataduwobe. Kwomeawaduwinö kwukwinaduwada omukwatö ötjönö kwisakwaduwobe—yöawinobe Jesúsma—.

Lucas 8:13

Ja̧danö inakoena meaja̧ ödebiyama baikwö badekwachobe, Dios iwene tja̧ja̧kwenama, tjo̧'wo̧ ösöwachibanö tja̧ja̧kwobe, otiwa jawa wene jö̧ba̧lö. Jo̧kwaijayonö, bö'dia jwibadödanö tjichejekwobe, tjomajade okwanö söibokobetjö̧, ja̧danö lekwema ösödöködö. Usula tjemawenama, juluwanö kabatibadö, tjösödi̧ la'aka jawa jwiobetjö̧.

Marcos 4:17

Tjösödijayonö inakoena niji ja'yubeda jenadanö, bö'diya okwa dötewöködanö, tjomajade okwanö do̧batiböködö. Dios iwenetjö ja'yubeda, wame jawada tjomukwatobetjö̧ tjomajade okwanö do̧batiböködö. Jo̧kwaobetjö̧ ju'wi möle, wene baibena, ja̧danö Dios iwene tjösödobetjö̧ usula tjemawenama, juluwanö kabatibadö Diosnöma—labebö lobö yöbawijetö—.

Mateo 26:33

Jö̧a̧lökwe, Pedroma Jesúsnö yöa̧linobe: —Ju'wedö okobe deinö ökwönö le'dedibö dötjibajijayonö, ötjöma la'akatjöda le'dediböma dötibajökakwo̧sa— jö̧ba̧lö.

Mateo 26:31

Ikenama Jesúsma iteda öba̧ja̧di̧ waisachadönö yöawinobe: —Chömöledö, makö yö̧te ökwödö okobe deinö ötjönö le'dedibö dökibajaduwakwedöja, Dios iwene laebi̧danö. Baikwö laebobe Dios iwene: Diosma o̧bȩja̧dönö te'ada̧lo̧nö kwabö loakobe, ja̧danö o̧bȩja̧döma wainökwena dötjibajakwedö, jö̧ba̧lö laebobe.

Mateo 24:13

Jo̧kwaijayonö chömöledö, jejenö sulabenö baledijayonö, tjo̧'wo̧ 'dibachibö baledadöma, isabenö tjö̧jibakobe.

Mateo 13:57

Jejenö tjöpöjödiökwe, Jesúsma jobadönö yöawinobe: —Okobe deinö jelobetenia jojodöma otiwanö tjomukwatobe Dios yöawi̧ yöbawo̧nö, sule iteda a̧dekwanö itebo jojodöda, ja̧danö yöne ömöledöda jo̧banö otiwanöma omukwatöködö, Dios yöawi̧ yöbawö̧kö̧, jö̧ba̧lö— yöawinobe Jesúsma.

Mateo 13:6

jo̧kwaijayonö ja̧wo̧ laebenama, ja̧ pokwaja̧ma tubetjö, ja̧danö bö'dia okwanö yutokobetjö̧, juluwanö kököachibinobe pokwaja̧ma.

Mateo 10:22

Jau chömöledö, okobe deinö jojodöma ökwödönö tjöpöjödakobe, chöba̧ja̧di̧ waisachadö kwö̧jaduwobetjö̧, jo̧kwaijayonö ja̧ jawa tjo̧'wo̧ 'dibachibö baledadöma isabenö tjö̧jibakobe.

Proverbios 12:12

Ju'wibi yötawa: Naukwabidöma ju'wedö naukwabidö tjö̧naukwinatjö̧ dönaukwaduwo, jö̧ba̧lö isakwadö, idödada tju̧juna̧lobö. Jobekwö tjö̧jokobe Dios wei̧ a̧ja̧kwö ju̧kwadöma. Dios wei̧ a̧ja̧kwö ju̧kwadöma idöda tjotidinatjö̧da juna̧ladö. Idöda tju̧juna̧lobö dösölöjinö tjotidobetjö̧ juna̧ladö.

1 Pedro 1:5

Jau chömöledö, Dios yöawi̧ kwösödaduwiökwe, Diosma ökwödönö tjöbeba̧lönö ite'ada̧lobe, ja̧danö jejenö ite'ada̧lakwo̧, 'dö̧ibaji̧ möle kwö̧jibinaduwa wene i̧sebenanö kabatö. Jau chömöledö, ja̧ möle baibenama, ökwödö iteda i̧tji̧munö otiwa jawa iyakobe, ja̧danö jejenö iyö, kwö̧jibinaduwa wene öwaetjöda i̧sebakobe.

2 Timoteo 4:10

Jau Timoteo, ajayinö ötjökwö otidina Demas mikwo̧ma, böjȩ jawa ösödobetjö̧ ötjönö le'dedibö i̧'yajabe, ja̧danö böjȩ jawa ösödobetjö̧ Tesalónicabe i̧'yajabe. Ja̧danö, ju'wibi Crescentema Galacia nijibe i̧'yajabe, ja̧danö Titoma Dalmacia nijibe i̧'yajabe,

Apocalipsis 2:13

Jo̧bama baikwö yöawobe ökwödö Pérgamo jojodönö, jo̧banö ösödadönöma: Ötjöma chöwaisa, jobe kwiteboduwima Awetja ba̧nö wei̧danö jo̧be. Jo̧kwaijayonö chedemi ökwödöma jweinö omukwatö, otiwanö kwö̧jaduwobe, Jesúsnöda ösödadösa, jö̧ba̧lö. Ja̧danö, bakwo̧, ötjönö ba̧kwȩlö̧jatebö yöbawo̧, Antipas mikwo̧nö, kwabö lotjenabi ökwödöma kwo̧'wo̧duwi 'dibachibö kakatibinaduwokobe ötjönöma.

Mateo 13:20

Ja̧danö, inakoena meaja̧ ödebiya badekwachi̧ma, ja̧ wene tjo̧'wo̧ ösöwachibanö a̧ja̧kwadönö badekwachobe.