Mateo 12:50 - Dios Iwene

⁵⁰ Jau chömöledö, okobe deinö mölejȩbe jo̧ Chabe'do ösödi̧danö ja̧badöma, yöne chömöledö chö̧ja̧wo̧dö ömadöbi, chöjawujudö ya̧döbi, chojo'dobi tjö̧jobe— jö̧ba̧lö yöawinobe Jesúsma.

Mateo 12:50 Referans Kwoze

Lucas 8:21

Jejenö yöa̧liökwe, Jesúsma atadinobe: —Baikwö yötawaduwakwö ötjö isabenö yöne chömöledönöma chömöledö: Dios iwene a̧ja̧kwö, laebi̧danö ja̧bö ju̧kwadöma yöne chömöledö tjö̧jobe. Jau chömöledö, Dios iwene a̧ja̧kwö ja̧badöda chojo'dobi chö̧ja̧wo̧döbi tjö̧jobe— jö̧ba̧lö atadinobe Jesúsma.

Marcos 3:35

Jau chömöledö, okobe deinö Dios ösödi̧danö ja̧bö ju̧kwadöma chö̧ja̧wo̧döbi, chöjawujudöbi, chojo'dobi tjö̧jobe— jö̧ba̧lö yöawinobe Jesúsma.

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Juan 6:29

—Dios ösödi̧danö kwö̧jaduwi̧ma biya̧da: Jo̧ba weinökwenö ösödaduwi, Diosma otiwanö weinobe, jö̧ba̧lö. Ja̧da Dios ösödi̧danö kwö̧jaduwi̧ma— atadinobe Jesúsma jojodönöma.

Mateo 28:10

Ikenama Jesúsma jobadönö yöawinobe: —Yekabiduwa chömöledö. Chö̧ja̧wo̧dönö yöbawaduwi, Galilea nijibe tji̧'yobö, ja̧danö jobetjö ötjönö tjedakwedö, jö̧ba̧lö yökawaduwodönö— jö̧ba̧lö yöawinobe Jesúsma.

Romanos 8:29

Jau chömöledö, Diosma la'akatjöda öwaisinobe jo̧banö tjösödakwedönöma, iteda ömöledö batjibakwedönöma. Ja̧danö, jejenö waisö, jobadönö 'da̧batö ujuninobe, iteda itji̧ Jesúsdanö ichejekwadö batjibo jö̧ba̧lö. Ja̧danö, weinobe, Jesúsda iteda i̧tji̧mutjö abönö pöe baibobö, ökwödö döpöe baibobö chömöledö.

Juan 6:40

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.

1 Juan 2:17

Ja̧danö chö̧ja̧wo̧dö, jobadö Diosnö öpöjödadö sulabenö omukwatö tjö̧ji̧ma 'dö̧ibaji̧ ja̧kwawada. Ba̧kwȩlö̧jatebö ja̧kwawamaökö jejenö sulabenö omukwatö tjö̧ji̧ma. Jo̧kwaijayonö Dios wei̧ a̧ja̧kwö tjö̧ji̧ma ba̧kwȩlö̧jatebö ja̧kwawa, 'dö̧ibajökönö. Ja̧danö, Dios wei̧ a̧ja̧kwö ja̧döma ba̧kwȩlö̧jatebö tjö̧jakwedö.

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

1 Timoteo 5:2

Ja̧danö, ya̧dö damöbedönö kwojo'donö kwöba̧ja̧di̧danö kwöba̧ja̧dodönö. Ja̧danö ya̧dö ina damöböködönö kwöjawujunö kwöba̧ja̧di̧danö kwöba̧ja̧dodönö. Jau Timoteo, ya̧dönö lȩkebenama, bakwainö otiwanö omukwatö obökönö lȩkebodönö.

1 Pedro 4:2

tupakwö diteba'onö dö̧jakwa̧ma jojodö ösödö ja̧tji̧danö ja̧bökönö, Diosda ösödi̧danö ja̧bö dö̧jakobetjö̧.

Gálatas 6:15

Chömöledö, dötade bajalesado̧ 'wibekwadö dö̧ji̧bi, 'wibekwöködö dö̧ji̧bi ja'yubebi mikwawokobe chömöledö, ju'wida mikwawi̧ma, 'yabayedö dö̧ji̧da.

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

Apocalipsis 22:14

Ina jö̧a̧lijatö: —Ötjö chömöledö, tjökamisi dichadöma, suli̧ jwibadödanö babibö, otiwanö tjo̧'wo̧ ösöwanö tjö̧jakwedö. Jobadöma 'yayi̧ Jerusalén comunidad apjude po̧bebö tetjachakwedö, ba̧kwȩlö̧jatebö ja̧kwawa towi wa̧ji̧tjö tjukwobö.

Colosenses 3:11

Ja̧danö, babema 'yabayedö dö̧jobetjö̧, judío jojodöbi, judío jojodöböködöbi bakwayedöda dö̧jobe babema. Ja̧danö tjötade bajalesado̧ 'wibekwadöbi, 'wibekwöködöbi bakwayedöda dö̧jobe babema. Ja̧danö jelobetjö ichajadö ötjabiwö̧bi, labidö Escita jojodö ötjabiwö̧bi, tjömöayedö batjibanö midö tjeminawö̧bi, tjömöayedöböködöbi bakwayedöda dö̧jobe babema. Jau chömöledö, Cristoda inesö mikwawo̧ma, ja̧danö Cristo O̧'wo̧ Luwo̧ okobe deinö ökwödö jo̧banö ösödadö do̧'wo̧ luwo̧nö ö̧jobetjö̧, okobe deinö bakwayedöbedösa.

Gálatas 5:6

Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.

Hechos 17:30

¿Kwöwaisaduwiji̧? Diosma lekwe omukwatijökötö jo̧banö wajwibadö sulabenö ja̧tjinama, Ina lȩtebökö, jö̧ba̧lö. Jo̧kwaijayonö babema jejenömaökö. Babema Diosma weobe jojodönö, Sulabenö tjomukwati̧ kabatibö tjöbalewacho, jö̧ba̧lö.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Hebreos 5:9

Ikena Jesúsma, usula emawö okobe jwiinö Dios wei̧ a̧ja̧kwö kaatinobe, ja'yubebi junibökönö. Chömöledö, Jesús jejenö okobe jwiinö Dios wei̧ a̧ja̧kwö kaati̧ma i̧sebinobe, Tjo̧wi̧, Jesúsma okobe deinö jojodö, jo̧banö ösödadö tjö̧jibinö pjabato̧ baibajabe, jö̧ba̧lö.

Hechos 26:20

Ja̧ ötjönö baledinama abönö yötawijatö Damasconö ju̧kwadönö. Ikenama Jerusalénbe 'ya̧jo̧ yötawijatö jobe ju̧kwadönö. Ikenama okobe jwiinö Judea nijinö ju̧kwadönö yötawijatö, judío jojodöböködönöbi. Sulabenö kwomukwataduwi̧ kabatibö balewachaduwi, jö̧ba̧lö, yöbawiachijatö. Jejenö kwomukwataduwi̧ balewachajadö, kwöbalewachaduwi̧ i̧sebö, Diosnö ösödö ju̧kwaduwi, jo̧ba ösödi̧da ja̧bö, jö̧ba̧lö, yöbawiachijatö.

Mateo 25:45

Atjebitjö̧, jobadönö chatadocha: Isabenö yötawaduwakwö, bidö ötjönö ösödadötjö bakwo̧ ju'wedötjö nijakwönönö mikwawö̧kö̧nö pjakataduwobö kwöpöjödaduwinenama, ötjönöda pjakataduwobö kwöpöjödinaduwobe, jö̧ba̧lö.

1 Corintios 9:5

Ju'wibi yötawa: Ju'wedö Duluwo̧ webawedö, Duluwo̧ Jesús böjȩtjö yöne ö̧ja̧wo̧döbi, Pedrobi, yöbawö kwetjachenama, tji̧lȩkwa̧mukwö kwetjachobe, ¿jö̧tö? Ja̧danö, ötjöbi jejenö ötjökwö kwejacho jö̧ba̧lö Jesúsnö ösöduju chilekwonö chemobö jö̧ta̧litjö̧ma, otiwo jö̧a̧lena chömöledö, sulökena.

Mateo 12:49

Ja̧danö öba̧ja̧di̧ waisachadönö debö yöawinobe: —Bidöma ötjö chojo'do, ja̧danö chö̧ja̧wo̧dö.

Mateo 13:1

Iya̧da möle, Jesúsma jejutjö labebö, o̧pesobu ö'öböbe 'ya̧nö öbamatinobe.