Mateo 12:45 - Dios Iwene

⁴⁵ Jejenö badekwajo̧, ömöledö ju'wedö tjo̧'wo̧ luwo̧nö sulabedönö jelemutjö du̧ju̧tajabedönö isakwena, itedatjö bajalekwönönö sulabedönö, ja̧danö jobadönö öbibö, yemidanö ajayinö ö̧jinökwe o̧'wo̧ luwo̧nö teachibena. Jejenö baibitjö̧ma, jejenö tjö̧jökwema ajayinö usula emawö ö̧jinatjö bajalekwönönö yelösöda nöinö usula emawakwo̧, ¿jö̧tö? Ökwödö babe möle sulabedöbi ja̧danö. Yötawi̧ kwöpöjödaduwobetjö̧, ajayinö usula kwemawaduwinatjö bajalekwönönö nöinö usula kwemawaduwakwedöja— jö̧a̧linobe Jesúsma.

Mateo 12:45 Referans Kwoze

Lucas 11:26

Jejenö badekwajo̧, ömöledö ju'wedö tjo̧'wo̧ luwo̧nö sulabedönö jelemutjö du̧ju̧tajabedönö isakwena, itedatjö bajalekwönönö sulabedönö, ja̧danö jobadönö öbibö, yemidanö ajayinö ö̧jinökwe o̧'wo̧ luwo̧nö teachibena. Jejenö baibitjö̧ma, jejenö tjö̧jökwema ajayinö usula emawö ö̧jinatjö bajalekwönönö yelösöda nöinö usula emawakwo̧, ¿jö̧tö?— Jejenö wanedö yöawinobe Jesúsma jo̧banö öpöjödadönö, Isabenö ajayitjö bajalekwönönö usula tjemawakwedö, jö̧ba̧lö.

Marcos 5:9

Jejenö aebökwe, Jesúsma abebö a̧ja̧kwijetö: —Ökwöma ¿dakwö kwimikwa?— abebö a̧ja̧kwökwe, jo̧bama atadijetö: —¿Ötjöka? Ötjöma Ba̧jekwadö mikwo̧sa. Ökwödö, bite o̧'wo̧ luwo̧nö sulabedö ja̧döma ba̧jekwadö dö̧jobetjö̧ jejenö ötjabiwö̧sa, Ba̧jekwadö, jö̧ba̧lö— atadijetö.

Marcos 16:9

Ikenama Jesúsma, ajayinö möle, domingo möle yȩayi, jo̧ba tjeachaja̧ ikena, María Magdalenanöda öwawachijetö. Jobujuma ajayima jelemutjö du̧ju̧tajanö jo̧'wo̧ luwo̧nö sulabedö tjö̧jinoko. Jesúsma, ajayima, jobadö jo̧'wo̧ luwo̧nö sulabedönö a'dewö lobijetö, jobujunö pjabatö. Ja̧danö, jobujunöda öwawachijetö Jesúsma, tjeachaja̧ ikena, ju'wedönö ina öwawachökönö.

Hebreos 10:39

Jo̧kwaijayonö chömöledö, yötawaduwakwö. Ökwödöma ajayinö dö̧jinama tjebachinöködösa, Dios lȩebakwawö̧da babibö. Ökwödöma Diosnö do̧'wo̧ wana̧ladösa. Ja̧danö, dö̧jibinö pjaatawö̧sa ökwödöma. Chömöledö biya̧ yötawi̧ma pjabatö yötawa.

Mateo 23:24

jo̧kwaijayonö ökwödö kwöbajaleduwi tjewawadö jojodönö öbibadöma, Dios weina jawatjö ju'wi jaye otiwanö ja̧köbaduwijayonö, inesö mikwawi̧ weawa junibadöja. Ja̧bö kwö̧jaduwi̧ma baikwö wanedö yötawa: Kwowaduwakwa̧ abönö ojwiyoma te'ada̧lönö pjebatadöja, 'do̧jwiyanö kwö̧kataduwapji jö̧ba̧lö, jo̧kwaijayonö 'do̧jwiyanö kwö̧ka̧taduwököjayonö, omukwatökönö nöbo̧nö kameyunö ö̧katadöja ichejekwa, inesö mikwawi̧ Dios weina jawa ja̧bö kwö̧jaduwokobetjö̧— jö̧ba̧lö yöawinobe Jesúsma.

Mateo 12:24

Jo̧kwaijayonö fariseo jojodö ja̧ wene tja̧ja̧kwenama, jobadöma yötja̧linobe: —Jesúsma tjo̧'wo̧ luwo̧nö sulabedö la'aka tjuluwo̧ Awetja ujulunöda tjo̧'wo̧ luwo̧nö sulabedö ja̧dönö a'dewö lobo̧— jö̧ba̧lö.

Efesios 6:12

Chömöledö, ökwödönö tjujuluwo jö̧ba̧ladöma böjȩ jojodöböködö. Awetja ömöayedötjö la'aka luwedö, mölejȩbe ju̧kwadö öwawöködö. Jobadöma ba̧jekwadö. Yelösöda juluwadö. Jojodö, böjȩtjö yȩa'wo okwa kwebachadö tjuluwedö.

Mateo 23:15

¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma ojwenö kwebachö, ja̧danö niji bakwameachibanö kwebachö isakwadöja, bakwo̧nö ökwödö yökawaduwi̧ ösödo̧nö kwöba̧ja̧di̧ waisacho̧ baibanö ja̧köbaduwobö. Ja̧danö, jejenö badekwajadö, jo̧banö ba̧ja̧dadöja, ökwödö sulabenö ja̧köbaduwi̧tjö nöinö bajalekwönönö jwaikwöda sulabenö ja̧bö ö̧jobö.

Mateo 12:44

omukwatena, Aaa, yemidanö ajayinö chö̧jinejube chȩwa̧jo, ajayinö chö̧jinökwekwö, jö̧ba̧lö. Jo̧kwajabetjö̧, wanedö yötawa: Ȩwa̧jö, ajayinö ö̧jineju edena, deeju, otiwachibanö tjojwodatajejuma.