Mateo 12:40 - Dios Iwene

⁴⁰ Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

Mateo 12:40 Referans Kwoze

Juan 2:19

Jejenö wetjiökwe, Jesúsma atadinobe: —Jau, chujulu chi̧sebakwo̧sa— jö̧a̧linobe—. Beju Dios ejuma 'dobö loköbaduwitjö̧ma yemidanö baibanö chotidocha, wa̧pötakwa möle o̧penö— jö̧a̧linobe Jesúsma judío jojodötjö la'aka luwedönöma, wanedö yöbawö.

Mateo 17:23

ötjönö kwabö lotjobö, jo̧kwaijayonö ötjönö kwabö lotjaja̧ ikenama, wa̧pötakwa möle baledibajenama, 'yabibajö wobajaletjö tjetachajakwo̧sa— jö̧ba̧lö. Jejenö ö'wö baibakwa̧ yöawawö̧, Jesús öba̧ja̧di̧ waisachadöma nöinö tjo̧'wo̧ tjo̧achinobe.

Mateo 27:40

—Dios eju söbebö lobajo̧, wa̧pötakwa möle baledibajena yemidanö chotidakwo̧sa jö̧ba̧lö yöka̧linajayonö, juluwö̧kö̧ja. Isabenö yöka̧linadanö kwujuluwitjö̧ma, towisa'otjö kwö̧jibanö yutubaji, isabenö Dios itji̧köbitjö̧ma, towisa'otjö yutubaji— jö̧ba̧lö otjinobe.

Mateo 16:21

Ja̧ möle jamatö, tupakwö bajalenö Jesúsma iteda öba̧ja̧di̧ waisachadönö jweinö yöawinobe: —Jerusalénbe chi̧'yobö jo̧be. Ja̧danö, jobetjö Israel jojodötjö damötjöbi, Diostjö jojodötjö ö'weje pjabatadö la'aka tjuluwedötjöbi, Moisés iwȩyudina ba̧ja̧dadötjöbi usula chemawobö ja̧kobe, ja̧danö ötjönö kwabö lotjobö ja̧kobe. Ja̧danö, jemi tupakwö wa̧pötakwa möle baledibajenama wobajaletjö tjetachajobö ja̧kobe— jö̧ba̧lö.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

2 Reyes 14:25

Isabenö Jo̧, Israel jojodö tjösödökwe Dios yöawi̧ yöbawo̧ Gat-hefer comunidad jojo Jonasma yöawinobe, —Diosma pjaatakobe, israel niji 'dötjebinemi nijitjö, yemidanö israel niji baibanö tjemobö, —jö̧ba̧lö. Ja̧danö, ja̧ Jonas yöawina badekwachinö, ja̧ 'dötebinemi niji yemidanö ujuluwinobe Jeroboanma, Lebo-hamat comunidadtjö, Mar Muerto jwaibalawabe ichibanö, ja̧danö ja̧ nijima yemidanö Israel niji baibinobe.

Mateo 12:8

Jau, ötjö jojo baibanö jeminökwema, otikwökö möle jawa luwo̧sa, jo̧kwajabetjö̧ juluwo̧sa otikwökö möle jojodö ja̧tji̧ otiwojobö, sulojobö jö̧ba̧lö yötawobö— jö̧ba̧lö yöawinobe Jesúsma.

Mateo 28:6

jo̧kwaijayonö dea baima. Ökwödönö yöawinadanö wobajaletjö tjeachajajabe ida̧ökö. Ichö edaduwi, ajayinö i̧lȩdo̧nö ö̧binemima— jö̧ba̧lö.