Mateo 11:9 - Dios Iwene

⁹ ¿Tajawedö jojodö deobe kwi̧'yinaduwobeda chömöledö? Dios yöawi̧ yöbawo̧nö edö kwi̧'yinaduwobe, ¿jö̧tö? Jau chömöledö, isabenö Dios yöawi̧ yöbawina Juanma, jo̧kwaijayonö ja̧damaökö.

Mateo 11:9 Referans Kwoze

Lucas 1:76

Ja̧danö chitji̧ Juan, ökwönö okobe jwiinö juluwo̧ Dios yöawi̧ yöbawo̧ jö̧ba̧lö ötjabikwo̧ja, Duluwo̧ jweinö i̧'yakwa̧ otidö jo̧ba i̧'yakwa̧ abönö kwi̧'yakobetjö̧.

Mateo 14:5

Herodesma Juannö kwabö loobö jö̧a̧linobe, jo̧kwaijayonö jojodöma Juannö isabenö Dios yöawi̧ yöbawo̧ jö̧ba̧lö tjomukwatiökwe, kwabö looböma yeabinobe, Jo̧banö kwabö lotitjö̧ma, jojodö tjölabena, jö̧ba̧lö.

Mateo 11:8

¿Otiwado̧ 'dubawo̧nö edö kwi̧'yinaduwiji̧? Ja̧maökö. Otiwado̧ 'dubawadöma, la'aka luwedö tjejubiyanö ja̧dö, ¿jö̧tö?

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.