Mateo 11:24 - Dios Iwene

²⁴ Isabenö yötawaduwakwö, Dios lȩebakwa̧ möle baibenama, Sodoma jojodönö lȩebi̧tjö bajalekwönönö labinö lȩebakwo̧ ökwödö Capernaúm jojodönö— jö̧ba̧lö yöawinobe Jesúsma.

Mateo 11:24 Referans Kwoze

Mateo 10:15

Isabenö yötawaduwakwö chömöledö, Dios lȩebakwa̧ möle baibenama, ja̧ comunidad jojodönö isabenö lȩebakobe. Jau chömöledö jobadönö lȩebakwa̧ma, Sodoma jojodönöbi, Gomorra jojodönöbi labinö lȩebakwa̧tjö bajalekwönönö jwiinö lȩebakobe ökwödö pjakataduwobö öpöjödadönöma— jö̧ba̧lö yöawinobe Jesúsma.

Mateo 11:22

Isabenö yötawaduwakwö, Dios lȩebakwa̧ möle baibenama, Tirobi Sidónbi ju̧kwadönö lȩebitjö̧ bajalekwönönö labinö lȩebakwo̧ ökwödö Corazínnö ju̧kwadönöbi, Betsaidanö ju̧kwadönöbi.

Marcos 6:11

Jo̧kwaijayonö comunidadbe kwichibaduwena jobe ju̧kwadöma ökwödönö teatakwawabi a̧ja̧kwakwawabi tjöpöjöditjö̧ma, kwömasapaduwitjö kwupjusawaduwo, letiya. Ja̧ kwupjusawaduwi̧ma jobadönö i̧sebakobe, Ökwödöma Dios iwene kwa̧ja̧kwaduwobö kwöpöjödaduwitjö̧ma tjo̧wi̧ta, ökwödönöma kadatiba, jö̧ba̧lö— webijetö Jesúsma iteda öba̧ja̧di̧ waisachadönö jelobe tji̧'yakwa̧ abönö.

Lucas 10:12

Ja̧danö, isabenö yötawaduwakwö chömöledö, Dios lȩebakwa̧ möle baibenama, ja̧ comunidad jojodönö isabenö lȩebakobe. Jau chömöledö jobadönö lȩebakwa̧ma, Sodoma jojodönö labinö lȩebakwa̧tjö bajalekwönönö jwiinö lȩebakobe ökwödö pjakataduwobö öpöjödadönöma— jö̧ba̧lö yöawinobe.