Chömöledö, babema Diosma iteda ja̧i̧ma i̧sebinobe, suli̧ jwibadö badibobö. Ja̧ suli̧ jwibadö baibakwawama, Moisés iwȩyudina ja̧bö ichikwokobe chömöledö. Jo̧kwaijayonö, Moisés iwȩyudina ja̧bö ichikwököjayonö, Moisés iwȩyudinabi, ju'wedö Dios iwene yöbawadö tjiwȩyudinabi yöawinobe Dios jejenö jojodö suli̧ jwibadö badibanö ja̧akwa̧ma.
Mateo 11:13 - Dios Iwene13 Jau chömöledö, Juan yöawakwa̧ abönö Moisésbi, okobe deinö ju'wedö Dios yöawi̧ yöbawadöbi baledakwa̧ wene, Dios la'aka luwo̧ ö̧jakwa̧ wene yötjawinobe. Gade chapit la |
Mateo 11:13
10 Referans Kwoze
Ajayinö, Jerusalénnö ju̧kwadöma, jo̧kwadabedöbi, tjuluwedöbi Dios weinökwenöma wajwibijadötö. Jobadöma ba̧kwȩlö̧jatebö, judío jojodö tjotidökö mölekwena Dios yöawi̧ yöbawinadö tjiwȩyudina tja̧ja̧kwijayonö waisachibijöködötö. Dios yöawi̧ yöbawinadö tjiwȩyudinökwema, Jesúsda, jö̧ba̧löma, yelösöda waisachibijöködötö, Biteda, jö̧ba̧lö. Jo̧kwaobetjö̧ Jesúsnö öpöjödö abebijadötö romano jojodö tjuluwo̧nö, Jesúsnö kwabö lotjobö weobö. Ja̧danö, jobadöma Dios yöawi̧ yöbawinadö tjiwȩyudinadanö abebijadötö, Jesúsnö kwabö lotjobö abeböma. Ja̧danö chömöledö, Jesúsnö kwabö lotjobö atjebenama Dios yöawi̧ yöbawinadö tjiwȩyudinama badekwachijetö.
Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.
Ja̧danö jemi ikenama Moisés iwȩyudinatjö jamatö, okobe jwiinö ju'wedö Dios yöawi̧ yöbawinadö Dios weakwo̧ jö̧a̧linökwenö tjiwȩyudinakwö bajalenö, okobe jwiinö Dios weakwo̧ jö̧a̧linökwenö tjiwȩyudina jawa labebö lobö yöawinobe, tjiwȩyudinama baikwö badekwachobe jö̧ba̧lö. Jejenö labebö lobö öwaetjöda i̧sebinobe, Jesúsnö baledinama jwaikwöda ajayinö tjiwȩyudinadanöda badekwachinobe jö̧ba̧lö.
Piblisite