Mateo 10:41 - Dios Iwene

⁴¹ Ja̧danö, Dios yöawi̧ yöbawo̧nö, bitema isabenö Dios yöawi̧ yöbawo̧ jö̧ba̧lö ösödadöma, Dios jo̧ba yöbawo̧nö iyi̧danö bakwainö tjemakwedö, ja̧danö bidöma otiwanö ja̧badö jö̧ba̧lö tjichobö ösödadöma, jobadö otiwanö ja̧badö Dios iyi̧ tjemi̧danö bakwainö Dios iyi̧ tjemakwedö.

Mateo 10:41 Referans Kwoze

Hebreos 6:10

Chömöledö ja̧ baledakwa̧ma chöwaisa, Dios, jweinö omukwato̧ma, ökwödö otiwanö jo̧banö ösödö kwuju̧kwaduwi̧ omukwato̧obetjö̧. Chömöledö, jo̧banö kwösödaduwi̧ma wajuwanö kwi̧sebaduwobe ju'wedö jo̧ba i̧tji̧mu babibinadönö pjakataduwobetjö̧. Ajayitjö Jesúsnö do̧batö kweminaduwa baikwö kwö̧ja̧wo̧dönö dösölö̧jinö pjakataduwobe, jo̧ba i̧tji̧mu babibinadönöma.

2 Juan 1:8

Jo̧kwaobetjö̧ chö̧ja̧wo̧dö, tjöbeba̧lö̧jönö kwite'ada̧laduwo ökwödö yödawina kakatibaduwapji jö̧ba̧lö, jobadö yötjawi̧ ösödö. Jejenö jelobekwö omukwatö kwi̧'yaduwitjö̧ma Dios ju'winö iyakwa̧, jo̧banö kwo̧'wo̧duwi wana̧lö kwö̧jaduwina mikwa iyakwa̧tjö okobe jwiinö kwemaduwökena. Jo̧kwaobetjö̧ chö̧ja̧wo̧dö, tjöbeba̧lö̧jönö kwite'ada̧laduwo, ju'winö okobe jwiinö Dios otiwi̧ iyakwa̧tjö okobe jwiinö kwemaduwobö.

Génesis 20:7

Ja̧danö, babema jilekwekwö tjebatijö. Jilekwema ötjö yötawi̧ yöbawo̧. Jo̧bama ökwönö aebakobe ötjönöma. Ja̧danö ötjönö aebobetjö̧ 'yaka̧lakwo̧ja. Jo̧kwaijayonö, jobujunö tjekatökötjö̧ma ökwöbi, kwömöledöbi, kwejunö ju̧kwadöbi debö kwi̧'yaduwakobe— jö̧ba̧lijetö Diosma Abimelecnöma.

1 Corintios 9:17

Jau chömöledö, ötjöda otiwanö omukwatö yöbawö chö̧jitjö̧ma, Aaa, Dios, kwimidotjö jö̧ba̧lö atebo jö̧ta̧lena. Jo̧kwaijayonö, ötjöda omukwatö yötawokobe chömöledö, Diosda ötjönö weinobe, ju'wedönö yökawo jö̧ba̧lö. Ja̧danö, chuluwo̧ wei̧da ja̧bö chö̧jobetjö̧, chotido jö̧ta̧li̧da chotidobe chömöledö.

Mateo 16:27

Jau chömöledö, ötjö jojo baibanö jeminökwema, Chabe'do Dios ujulunö chömöayedö ángelesdökwö yemidanö chichocha, ja̧danö jejenö chichenama, lȩbebö chichocha, jojodö ja̧tjaja̧ mikwa baibanö.

Mateo 6:18

Jejenö ja̧köbaduwiawö̧, edadöma wajwitjena ö̧tö̧chö kwö̧jaduwi̧ma. Sule Kwabe'doduwi, jojodö tjedokonö ja̧köbaduwi̧ waiso̧ Kwabe'doduwima ö̧tö̧chö kwö̧jaduwi̧ öwaisakobe. Ja̧danö, Kwabe'doduwi okobe jwiinö edo̧ma, jo̧bada mikwa baibanö ökwödönö iyakobe— jö̧ba̧lö yöawinobe Jesúsma.

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.

Mateo 6:6

Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.

Hechos 16:15

Ikenama jobujunöbi, jobujukwö jejunö ju̧kwadönöbi ojwenö tjubu̧datijatö. Ikenama Lidiama ökwödönö jö̧ja̧lijatö: —Babema ötjönöma kwöwaisaduwa, Jesúsnö chösödi̧ma. Jejenö ötjönö otiwanö kwedaduwitjö̧ma ötjö chejunö kwuju̧kwaduwo, bemi yöbawöma— jö̧ja̧lijatö. Ikenama jobujuma jejunö duju̧kwobö jwiinö ösödö ajebitjö̧, Jau kwatjö̧ma, jö̧ba̧lö, di̧'yijatö jejube duju̧kwobö.

Mateo 6:4

Jau chömöledö, jojodö wajwitjonö kwiyaduwo. Ja̧danö baikwö yötawa: Ju'wedö wajwitji̧ jawa edo̧ Kwabe'doduwida kwiyaja̧ mikwa baibanö ökwödönö otiwanö iyakwo̧— jö̧ba̧lö yöawinobe Jesúsma.

Mateo 6:1

Tupakwö yöawinobe Jesúsma: —Chömöledö, ökwödö otiwanö ja̧köbaduwenama, sule jojodöda tjedo jö̧ba̧löma ja̧bökönaduwi. Jau chömöledö, jojodöda ökwödönö ösödö tjedobö ja̧köbaduwiökwe, mölejȩbe jo̧ Kwabe'doduwima otiwanö ja̧köbaduwaja̧ mikwa baibanöma iyökakobe, ida̧ökö jojodötjö ja̧tjaja̧ mikwa baibanö emajadö jö̧ba̧lö.

Isaías 3:10

Dios wei̧ a̧ja̧kwö ja̧dönö yökawaduwo, —Kwö̧jaduwi̧ma, isabenö otiwanö kwö̧jaduwakwedöja, —jö̧ba̧lö. Jau, jobadöma otiwanö Dios wei̧ a̧ja̧kwö tjö̧jobetjö̧, a̧ja̧kwö tjö̧ji̧ mikwa isabenö otiwanö tjemakwedö, tjo'wo ösöwachibanö.

Mateo 7:8

Jau chömöledö, okobe deinö abebadö atjebiökwe iyo̧ Diosma, ja̧danö okobe deinö isakwadöma badekwajadö, ja̧danö okobe deinö tetjachobö abebadönöma, apjudema po̧ekwakobe. Jau chömöledö, Kwabe'doduwima otiwanö ökwödönö te'ada̧lo̧.

Mateo 25:44

Jö̧ta̧lawö̧, tjatadakwedö: Duluwo̧, ¿dianö ökwönöma a̧wi̧chi̧lö̧jökwenö edöma pjadatinöködaja? Ja̧danö, ¿dianö ökwönöma ojwiyo o̧ti̧ tjököbobe edöma pjadatinöködaja? Ja̧danö, ¿dianö ökwönöma jelobetjö ichajo̧, ja̧danö kamijido̧ jwibo̧, ja̧danö ö'wöcho̧, ja̧danö ka̧lena bo̧nö edöma pjadatinöködaja? jö̧ba̧lö.

Mateo 25:45

Atjebitjö̧, jobadönö chatadocha: Isabenö yötawaduwakwö, bidö ötjönö ösödadötjö bakwo̧ ju'wedötjö nijakwönönö mikwawö̧kö̧nö pjakataduwobö kwöpöjödaduwinenama, ötjönöda pjakataduwobö kwöpöjödinaduwobe, jö̧ba̧lö.