Mateo 10:30 - Dios Iwene

³⁰ Ja̧danö, Diosma isabenö ökwödönö waiso̧ otiwanö ökwödönö ite'ada̧lakobetjö̧. Jau chömöledö, isabenö otiwanö waiso̧ Diosma ökwödönö, okobe jwiinö kwöwö'yebi waiso̧ Diosma, dokwa ba̧jekwa'yebiya jö̧ba̧lö.

Mateo 10:30 Referans Kwoze

Lucas 12:7

Jobadönö omukwatitjö̧ma ¿ökwödönöbi omukwatökenaji̧? Isabenö ökwödönö omukwato̧ chömöledö, otiwanö ökwödönö ite'ada̧lakobetjö̧. Jau chömöledö, isabenö otiwanö waiso̧ Diosma ökwödönö. Okobe jwiinö kwöwö'yebi waiso̧, dokwa ba̧jekwa'yebiya jö̧ba̧lö. Isabenö ökwödönö waiso̧ Diosma chömöledö, jo̧kwajabetjö̧ yekabiduwa, Diosma ökwödönö omukwatökena jö̧ba̧löma. Jau chömöledö Diosma pji̧yu̧nö omukwatö ite'ada̧litjö̧ma, isabenö ökwödönöbi ite'ada̧lakwo̧. Jau chömöledö, Dios edemi, ökwödöma pji̧yu̧ ba̧jekwadötjö bajalekwönönö nöinö mikwawadöja— jö̧ba̧lö yöawinobe Jesúsma.

1 Samuel 14:45

Yöa̧liawö̧, jojodöma tjöpöjödinobe, ja̧danö öpöjödö Saulnö yötja̧linobe: —Ja̧maökö, Jonatan debö i̧'yoböma jwiobe. Jo̧bada babe filisteo jojodötjö dö̧jibobö pjabatajo̧ma. Isabenö babe möle Jonatanma Dioskwö bakobe otidö, ökwödö israel jojodönö dö̧jibinö pjaatajabe, jo̧kwajabetjö̧ ja'yubebi jo̧banö kwaköbökakobe, öwö'yetjö bakwa'yebi tjoduwökönö. Jau, Isabenö Jo̧ yaba̧lo̧ ö̧ji̧ wenedanö, ju'wibi isabenö yödawakwö, Jonatannö kwabö lököbökakobe, —jö̧ba̧lö yötja̧linobe israel jojodöma, Jonatannö tjöbeba̧lö. Jejenö Israel jojodöma Jonatannö ö̧jibinö pjatjatinobe, debö i̧'yapji jö̧ba̧lö.

Hechos 27:34

Yötawaduwakwö, kwaduwi kwujuluwachibaduwo. Ökwödötjö bakwo̧bi debö i̧'yakwo̧ma deobe. Inia tjöinö baledakwo̧bi deobe— jö̧a̧lijatö Pabloma jobadönö.

Lucas 21:18

jo̧kwaijayonö isabenö ja'yubebi suli̧ tjöwaedökakobe ökwödönöma, sule kwiteba'oduwida suli̧ tjöwaedobetjö̧.

2 Samuel 14:11

Jö̧a̧loko, —Chuluwo̧ la'aka luwo̧, Kwuluwo̧ Isabenö Jo̧ öba a'otjö yöbawö kwujunobö atebakwö, öjawo̧nö kwabö löiökwe balekwa mikwa kwabö lobo̧ma, la'akatjöda chitji̧nö kwabö loobö jwiakobe jö̧ba̧lö, —ajebökwe, Davidma atadinobe, —Isabenö Jo̧ ö̧ji̧ wene ji̧danö isabenö yötawakwö, ja'yubebi sulabenö baledökakobe kwitji̧nö, wanedö yötawa, kwitji̧ öwö'yetjö bakwa'yebi tjoduwökakobe, —jö̧ba̧lö atadinobe Davidma.

1 Reyes 1:52

Jejenö yötja̧liökwe, Salomonma atadinobe: —Isabenö yötawaduwakwö, Adoniasma isabenö chömöayo̧ otiwo̧ ö̧jitjö̧ma, isabenö ja'yubebi sulabenö ja̧tökakwo̧sa jo̧banöma. Jo̧kwaijayonö, chömöayo̧ sulabo̧ ja̧nö, sulabenö jaitjö̧ma, isabenö ö'wö baibakwo̧, —jö̧ba̧lö atadinobe.