Mateo 1:6 - Dios Iwene

⁶ ja̧danö Isaíma la'aka luwo̧ David mikwo̧ abe'doinobe. Davidma Uríasmine wobö ujunibinoko jitji̧ Salomón mikwo̧ abe'doinobe.

Mateo 1:6 Referans Kwoze

1 Reyes 15:5

Abias a'dö Davidma, jwaikwöda Isabenö Jo̧ ösödi̧danö ja̧bö ö̧jinobe, jalachibökönö, ina 'ya̧a̧layima, jwaikwöda Isabenö Jo̧ wei̧ ja̧obö isakwinobe Davidma, sule bakwötanöda Dios weina a̧ja̧kwökönö jainobe Davidma, hitita jojo Urias ilekwo sulabenö 'döbebö emenama. Ju'wi David ja̧bö ö̧ji̧ma, jwaikwöda Isabenö Jo̧ wei̧ a̧ja̧kwö ö̧jinobe, ja̧danö jejenö a̧ja̧kwö ö̧jiökwe, ö̧'dö̧ Abiasnöbi lȩlö̧jinö edinobe Diosma.

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Crónicas 14:4

Jerusalentjö David i̧tji̧mu ömadö tjeminawö̧ tjimibiyama, baikwö laebobe: Samua mikwo̧bi, Sobab mikwo̧bi, Natan mikwo̧bi, Salomon mikwo̧bi,

1 Crónicas 3:5

Ja̧danö Jerusalen comunidadnö ö̧jenama, ju'wedö David itji̧munöbi tjeminobe, bidö: David ilekwo Amiel itjiju Betsabe mikwujuma Simea mikwo̧nöbi, Sobab mikwo̧nöbi, Natan mikwo̧nöbi, Salomon mikwo̧nöbi jeminobe.

2 Samuel 23:1

Davidma Isai itji̧, ja̧danö Dios ujuninökwe, inesö la'aka luwo̧ ö̧jobö. Jacobo ösödinökwe Dios omudawö ujuninökwe Davidma, israel jojodö la'aka tjuluwo̧ baibanö. Ja̧danö ju'wibi, Israel jojodötjö inesö otiwa jawa lo̧awa wȩyudo̧, jö̧ba̧lö ötjabinobe Davidnö. Baikwö laebobe David bajaleapo waisanö i̧wȩyudinama:

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.

Romanos 8:3

Jau chömöledö, Dios weina, jojodö baikwö ja̧bö tjö̧jo jö̧ba̧lö iwȩyudinobe Moisésma. Jo̧kwaijayonö, ja̧ iwȩyudinama ökwödönö pjaatoböma jwiinobe. Sulabe dujuna̧linobetjö̧, ökwödönö pjaatoböma jwiinobe. Jo̧kwaijayonö, Moisés iwȩyudina ökwödönö pjaatinököjayonö, Diosda ökwödönö pjaatinobe. Diosma iteda itji̧nö weinobe, jojo baibanö, sulabe juna̧ladödanö ichejekwo̧ baibanö. Jo̧bama ökwödödanö ichejekwinajayonö, sulabe jwibina jo̧bama. Ja̧danö Diosma jo̧banöda weinobe, sulabe dujuna̧li̧tjö dö̧jibobö. Ja̧danö, midawö woinobe, ökwödö sulabe dujuna̧li söbebö loobö.

Isaías 11:1

Isabenö Dios lȩebakwawö̧ israel jojodönö, ja̧danö wanedö yötawa, David abe'do Isai itji̧mu tupadanö jojodö tjö̧ji̧danö wanekwachowi towi jubö loakobe, sule towi la'akada ji̧binö. Jo̧kwaijayonö, jemi ikenama, ja̧ Isainö wanekwachowi towi la'akatjö, yayinö pokwö laebakobe, ja̧danö pokwaja̧ ikenama, yemidanö otiwanö wa̧ja̧kobe.

1 Crónicas 28:5

Ja̧danö, Isabenö Jo̧ma ötjönö iyinobe, chi̧tji̧mu ba̧jȩkwadönö 'yatebobö chömöledö, ja̧danö okobe deinö chi̧tji̧mutjö, bakwo̧nöda, Salomonnöda omudawö ujuninobe Isabenö Jo̧ma, chö̧jajemi Salomonda Isabenö Jo̧ ömöledö Israel jojodötjö inesö la'aka luwo̧ ö̧jakobetjö̧.

1 Crónicas 11:41

Hitita jojo Urias mikwo̧bi. Ahlai itji̧ Zabad mikwo̧bi.

1 Crónicas 2:15

ikena jojo Ozem mikwo̧, ikena jojo David mikwo̧.

2 Samuel 23:39

Hitita jojo Urias mikwo̧bi. Jobadö okobe deinö David ömöayedö inesö juluwadö ötjabawö̧ma, treinta y sietebedö.

2 Samuel 11:3

Jobujunö edajo̧, Davidma ömöayo̧nö weinobe, isujuma disujayuda jö̧ba̧lö abebö a̧ja̧kwobö. Abebö a̧ja̧kwajo̧, —Isujuma Elian itji̧ju Betsabe mikwuju, hitita jojo Urias mikwo̧ ilekwo, —jö̧ba̧lö yöawinobe Davidnö.

1 Samuel 22:8

Jo̧kwajabetjö̧ tajawedö bakobe jo̧banö pjakataduwobö omukwatö kwujunaduwaja̧da? Tajawedö ökwödötjö bakwo̧bi yöawinököda, chitji̧ Jonatan Isai itji̧ Davidnö pjaatobö yöbawö ujuninama? Chitji̧ ujuluwachibanö pjaatökwe, babema jo̧ba chöpöjojoma ötjönö kwabö lootö jö̧ba̧lö ju̧kwawö meibobö isakwobe. ¿Tajawedö ökwödötjö bakwo̧bi ja̧ baledi̧ wene yökawinököda? ötjönö lȩlöinö edö, yökawaduwinatjö̧bö, —jö̧ba̧lö yöa̧linobe Saulma ömöayedönöma.

1 Samuel 17:58

Ja̧danö Saulma Davidnö abebö a̧ja̧kwinobe: —Möayo̧, ökwöma ti itji̧köba? —jö̧ba̧lö. Aebökwe, —Ötjöma kwömöayo̧ Belen jojo Isai mikwo̧ itji̧sa, —jö̧ba̧lö atadinobe Davidma.

Mateo 1:5

Salmónma Rajab mikwuju jitji̧ Booz mikwo̧ abe'doinobe, ja̧danö Boozma Rut mikwuju jitji̧ Obed mikwo̧ abe'doinobe. Obedma Isaí mikwo̧ abe'doinobe,