Mateo 1:20 - Dios Iwene

²⁰ Jobekwö omukwatö ö̧jonö, Duluwo̧ weökwe ángelma jo̧banö yöawinobe, i̧'wi̧dinö: —David itji̧ tupadanö jojo José, yebabökönuwi. Maríanö kwemo, kwilekwo bajibanö. Jelo̧nö ja̧bö metu'woma jö̧kuju. Dios O̧'wo̧ Luwo̧ ujulunöda metu'wo ju̧ju.

Mateo 1:20 Referans Kwoze

Lucas 1:19

Jejenö atadiökwe, ángelma jwebebö baikwö yöawinobe: —Ötjöma Gabriel mikwo̧sa, Dios öba a'o jojosa, ja̧danö Diosda ötjönö weinobe, yötawaja̧ otiwa jawa wene ökwönö yötawobö.

Mateo 1:18

Baikwö laebobe Jesucristonö jemina wenema: Maríama yöbawö juninuju, tupakwö Josénö chemakwujusa, jö̧ba̧lö. Jo̧kwaijayonö jo̧banö ina jemapji, ja̧danö iso̧nö ina jö̧kuju jö̧jayi, Dios O̧'wo̧ Luwo̧ ujulunö metu'wo jö̧jinobe.

Mateo 2:19

Herodes ö'wö baibaja̧ ikenama, Duluwo̧ weökwe ángelma Egyptonö jo̧ Josénö öwawachinobe i̧'wi̧dinö, ja̧danö weinobe:

Lucas 2:4

Ja̧danö, emperador jejenö weibiökwe, Joséma a'dömine David itebo comunidad Belenbe wȩyukwö i̧'yobö ji̧nobe, Joséma Davidmine itji̧ tupadanö jojoinobetjö̧. Jo̧kwajabetjö̧, itebo Galilea niji comunidad Nazarettjö labebö, Judea niji comunidad Belenbe i̧'yinobe jobetjö iwȩyukwobö,

Mateo 28:5

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe,

Isaías 26:3

Ökwönö omukwatö jo̧nö, otiwanö teada̧lo̧ja duluwo Dios. Ökwönö o̧'wo wa̧na̧lö ösödö ö̧jobetjö̧, bakwainö wene jwiinö ö̧jobö pjabato̧ja.

Jueces 13:3

Ja̧danö, ju'wi möle Isabenö Jo̧ma, angeldanö ichejekwö öwawachinobe Manoa ilekwonö, ja̧danö jobujunö yöawinobe, —Metu'wo babibökuju kwitji̧mu deköbelö, isabenö metu'wo kwö̧jakwujuja, ja̧danö kwitji̧nö kwemakwujuja.

Génesis 31:11

Ikenama, chi̧'wi̧dinö Dios weajökwe ángelma ötjönö jwöijatö: —Jacob— jö̧ba̧lö. Jwöitjö̧: —Bena chö̧ja— chatadijatö chi̧'wi̧dinö.

Mateo 2:22

Jo̧kwaijayonö yemidanö Judea nijibema tjetjachajinokobe, tja̧ja̧kwinobetjö̧, Herodesmine itji̧ Arquelaoma Judea niji la'aka luwo̧ jo̧ jö̧ba̧lö. Jejenö a̧ja̧kwö, José yeabinobe, ja̧danö Diosma i̧'wi̧dinö jelobe i̧'yobö yöawobetjö̧, Galilea nijibe tji̧'yinobe.

Mateo 2:13

Jobadö waisadö tjitebobe tjȩwa̧ja ikenama, Duluwo̧ weökwe ángelma Josénö i̧'wi̧dinö öwawachö yöawinobe baikwö: —A̧laibi. Tjemunöbi, tjemu ojo'donöbi öbibö Egypto nijibe döbibajaduwi. Ja̧danö jobe kwö̧jaduwo, yemidanö kwichaduwobö yötawenanö kabatö, Herodesma tjemunö kwabö loobö isakwakobetjö̧— jö̧ba̧lö yöawinobe ángelma.

Isaías 30:21

Isabenö otiwanö ökwödönö jweebakwo̧ chömöledö, baikwö yöta̧la: Kwölakwiyuduwinö ökömakwötjö kwa̧ja̧kwaduwakwedöja, —'Ya̧kwawa manama, bimada, bimanö kwekachaduwo, —jö̧ba̧lö. Jau, kwöwaisaduwakwöchobe jalachö kwi̧'yaduwobö jȩnabi, wajwiköbaduwakwöchobe jalachö kwi̧'yaduwobö jȩnabi, otiwanö jweebakwo̧.

Proverbios 12:5

Ja̧danö, ju'wibi yötawa: Dios wei̧ a̧ja̧kwö ju̧kwadöma jojodönö otiwanö, bakwemiinö edö omukwatadö. Jo̧bekwö tjo̧mukwatokobe sulabenö omukwatadöma. Jobadö sulabenö omukwatö ju̧kwadöma jojodönö omöna yöba̧lö, suli̧ tjöwaedoböda omukwatadö.

1 Reyes 17:13

Jatadökwe, Elias yöa̧linobe: —Yebabökönui jojosuju, a̧wi̧chi̧tjö woköbaduwökakwedöja. Yöka̧laja̧danö, ja'yubenö pan kwöbalo. Baikwö wetakwö, ajayinöma pan ja'yuwapja̧ otidaju, ötjönö kwichejebo, chukwobö, ja̧danö jemi ikenama, ökwöbi, kwitji̧bi kwukwaduwakwa̧ kwotido.

Isaías 51:7

Ökwödö weti̧ a̧ja̧kwö ju̧kwadöma, kwomajadeduwinö, —Dios wei̧ma inesö mikwawi̧ a̧ja̧kwö dö̧jobö, —jö̧ba̧lö ösödadöma, ökwödönö yöta̧li̧ kwa̧ja̧kwaduwo: Jojodö ökwödönö obö, sulabenö yötja̧li̧jayonö, jobadönö yekabiduwoko, ja̧danö sulabenö yötja̧li̧ a̧ja̧kwö, kwo̧'woduwi tjo̧kekwaduwoko.

Génesis 46:3

Ikenama Diosma yöbawijetö: —Ötjöma Diossa, kwabe'do Isaac uluwo̧ Diossa. Yebabökönö 'ya̧wi Egiptobe, jobeda kwö̧jo. Jobetjöda ökwötjö tupadanö jojodönöma pjatatakwo̧sa tjö̧ba̧jekwachobö. Jo̧kwaobetjö̧ yekabi, Egiptobe 'ya̧wi̧.

Isaías 7:2

David itji̧ tupadanö jojo Acaznö yötjawinobe, —Siria niji jojodöma bakobe israel niji jojodökwö pjabatakwawö ja̧dötö, —jö̧ba̧lö. Jobekwö yötja̧liökwe, la'aka luwo̧ Acazbi, ömöayedö juda jojodöbi jwiinö yetjaibinobe, baikwö wanedö yöta̧la, jwa̧le'epjo labinö jwa̧le'ewena, towibiya tjö̧awi̧danö, tjomajadenö yebabinö ja̧nö, jwiinö tjö̧bawö tjö̧jinobe Acazbi, ömöayedöbi.

Isaías 7:13

Atadiökwe, Isaiasma yöa̧linobe: —Jobekwö akebobö kwöpöjödobetjö̧, baikwö yötawaduwakwö ökwödö David itji̧mu tupadanö jojodönö, ja̧danö isabenö yötawakwa̧ otiwanö kwa̧jakwaduwobö jo̧be: Ökwödöma ida̧ökö sulabenö israel jojodönö tjime'dawachibanö jabadöja, tjo̧'wo 'dibachiböködö batjibanö. Ja̧danö, chuluwo̧ Dios o̧'wo 'dibachibö, lekwe ökwödönö iteada̧lijayonö, babe chuluwo̧ Dios ime'dawachibanö, o̧'wo 'dibachibö̧kö̧ baibanö ja̧köbobö sulabenö ja̧bo̧ja.

1 Reyes 3:5

Ja̧danö, ju'wi yö̧te Salomon Gabaonnö ö̧jenama, Isabenö Jo̧ma Salomonnö öwawachibinobe, i̧'wi̧dinö. Öwawachajo̧, Diosma jo̧banö abebö a̧ja̧kwinobe, —Ökwönö chiyakwa̧ma, di̧ya jawa ökwönö chiyobö jö̧ka̧lobeda? —jö̧ba̧lö.

Mateo 2:12

Jemi ikenama, tjitebobe tjȩwa̧jinobe, jo̧kwaijayonö tjichinamabenö tjȩwa̧jinokobe. Diosma tji̧'wi̧dinö yemidanö Herodes ö̧jobekwöma kwi̧'yaduwoko jö̧ba̧lö yöawiawö̧, jelobenö tjȩwa̧jinobe.

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.

Hechos 5:19

Jo̧kwaijayonö yö̧te ja'ö Duluwo̧ weinökwe ángelma ka̧lena ba̧kwawejube öwawachibö apjude po̧bebö öbibö labebijetö Jesús webawedönöma. Ja̧danö, a̧petube öbibö labebajo̧ jö̧ba̧lijetö jobadönö:

Apocalipsis 19:7

Do̧'wo̧ luwo̧nö omukwatö jo̧banö dösödaduwo. Obeja Itji̧danö Jo̧ma ilekwonö emakwo̧ ö̧ji̧danö ö̧jobetjö̧ Diosnö dösödaduwo, Otiwanö jo̧, jö̧ba̧lö. Dösödaduwonö, Obeja Itji̧danö Jo̧ ilekwo baibanö emakwujuma tjo̧wi̧, otiwanö jotikwajobe.