Mateo 1:2 - Dios Iwene

² Abrahamma Isaac mikwo̧ abe'doinobe, ja̧danö Isaacma Jacob mikwo̧ abe'doinobe, ja̧danö Jacobma Judá mikwo̧bi, Judá ö̧ja̧wo̧döbi tjabe'doinobe.

Mateo 1:2 Referans Kwoze

Hechos 7:8

Ina yöbawijetö: —Ikenama Diosma webijetö Abrahamnöma, jo̧banöbi ömöledönöbi okobe deinö ömadönöma tjötade bajale jawa o̧di̧ju 'wibebö lotjobö. Ja̧ 'wibebö loawama Dios webijetö jobadönöma, tjomukwatobö Dios jobadönö yöbawö ujunina wene, iteda isabenö iyakwa̧ wenema. Ja̧danö, Abrahamma itji̧ Isaacnö ojo'do jemaja̧ tupakwö jelemutjö wa̧pötakwa möle baledibajena itji̧ ötade bajalesado̧ 'wibebö lobijetö. Ja̧danö, Isaacbi itji̧ Jacobnö, ötade bajalesado̧ 'wibebö lobijetö. Ja̧danö, Jacobbi i̧tji̧mu tjötade bajale jawa o̧di̧juma 'wibebö lobijetö, okobe deinö, a̧li̧nösamutjö du̧ju̧tajanö i̧tji̧munöma. Jobadö a̧li̧nösamutjö du̧ju̧tajanö jojodö, Jacob i̧tji̧muma, israel jojodötjö ajayinö ji̧nadö—yöbawijetö Estebanma—.

Génesis 25:26

Jemi ikena jemökwema öpöe ö̧kesayunö 'diinö do̧ba̧lo̧nö emijotö. Jo̧banöma Jacob, jö̧ba̧lö midijetö. Jobadönö jemenama Isaacma sesenta a̧yo juna̧lijetö.

Apocalipsis 7:5

Ja̧danö, Reubenmine ömöledötjö tupadanö jojodö, doce mil jojodöma seyu dobö wȩyudakwawedöma. Ja̧danö, Gadmine ömöledötjö tupadanö jojodöma, doce mil seyu dobö wȩyudakwawedöma.

Hebreos 11:11

Ja̧danö Abrahamma pöe, ilekwo Sara tjemu debujubi jö̧jijayonö Diosnö o̧'wo̧ wana̧lö ö̧jiökwe Abrahamnö pjaatinobe Diosma, itji̧nö 'yaebobö. Isabenö Abrahamma, Dios jö̧a̧li̧danö badekwachakobe, jö̧ba̧lö, ösödiökwe Diosma pjaatinobe jo̧banö, itji̧nö 'yaebobö.

Isaías 51:2

Jau chömöledö, ökwödötjö ajayinö ji̧na Abrahamnö kwomukwataduwo, ja̧danö ilekwo Sara ökwödönö ajayinö eminujunö kwomukwataduwo. Baikwö yöa̧lobe Diosma, kwadömine Abrahamnö: Abrahamnö jwötijatö, ötjö chömöledöso̧ baibobö, ja̧danö jobekwö jo̧banö jwötenama, bakwo̧da, itji̧mu debo̧da ö̧jinobe kwa'döduwima. Jo̧kwaijayonö, jemi ikenama jo̧banö pjatatijatö, ja̧danö pjatatiökwe, ba̧jȩkwaso baibinobe, jö̧tö?

Isaías 41:8

Tupakwö laebobe Dios yöa̧li̧: Ökwödö Israel jojodöma, isabenö ötjöda chömöayedöja. Ökwödöma omudawö chujuninökwe Jacob itji̧mu tupadanö jojodöja, ja̧danö chömöledöso̧ Abraham itji̧mu tupadanö jojodöja.

1 Crónicas 1:34

Abrahamma iteda itji̧ Isaac mikwo̧nö 'yaebinobe, ja̧danö Isaac itji̧muma, Esau mikwo̧bi, Israel mikwo̧bi.

1 Crónicas 1:28

Abraham itji̧muma, Isaac mikwo̧bi, Ismael mikwo̧bi.

Génesis 25:19

Baikwö laeba Abraham itji̧ Isaac ö̧jina yöawi̧ma:

Mateo 1:1

Baikwö laebobe Jesucristo a'dödöminenö yöawa'yema. Jo̧ba Jesucristoma Davidmine itji̧ tupadanö jojo, ja̧danö Davidma Abraham itji̧ tupadanö jojoinobe. Baikwö laebobe Jesucristo a'dödöminenö yöawa'yema:

Mateo 1:3

Judáma Tamar mikwuju ji̧tji̧mu Fares mikwo̧bi, Zara mikwo̧bi tjabe'doinobe, ja̧danö Faresma Esrom mikwo̧ abe'doinobe, ja̧danö Jezrónma Aram mikwo̧ abe'doinobe.