Marcos 9:4 - Dios Iwene

⁴ Ikenama, Elíasminebi, Moisésminebi jenada tjöwawachobe edijadötö Pedro, Jacobo, Juan. Edijadötö öwawachajadö Jesúsnö yötja̧lakwawobe.

Marcos 9:4 Referans Kwoze

Apocalipsis 19:10

Jejenö jö̧a̧litjö̧, jo̧ba ö̧jemi badeibö mebibö, chösödo jö̧ta̧lökwe: —Kwösöda ötjönöma, Diosnöda ösödi. Ötjöma ökwödanö, kwömöledödanö bakwainö Dios ömöayo̧sa, okobe deinö Jesús yöawina ösödadödanö. Ja̧danö, Jesús isabenö yöawina do̧batibö kwösödaduwobetjö̧ jo̧ba yöawina yökawaduwobe. ¡Diosnö dösödaduwo!—jö̧a̧lijatö ángelma.

Juan 5:39

Ina yöawinobe: —Ökwödöma Dios iwenetjö edö isakwö ja̧döja, jojodö tjö̧jibina pjabato̧ jawa kwöwaisachibaduwobö. Yötawaduwakwö. Dios iwenetjö ötjönöda yöawobe.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Lucas 24:27

Ja̧danö jemi ikenama Moisés iwȩyudinatjö jamatö, okobe jwiinö ju'wedö Dios yöawi̧ yöbawinadö Dios weakwo̧ jö̧a̧linökwenö tjiwȩyudinakwö bajalenö, okobe jwiinö Dios weakwo̧ jö̧a̧linökwenö tjiwȩyudina jawa labebö lobö yöawinobe, tjiwȩyudinama baikwö badekwachobe jö̧ba̧lö. Jejenö labebö lobö öwaetjöda i̧sebinobe, Jesúsnö baledinama jwaikwöda ajayinö tjiwȩyudinadanöda badekwachinobe jö̧ba̧lö.

Lucas 9:19

Abebö a̧ja̧kwawö̧ tjatadinobe: —Ba̧jekwadö jojodöma ökwönö yötja̧lobe, Juan Ojwenö Bu̧dato̧daena jö̧ba̧lö, ja̧danö ju'wedöma yötja̧lobe Dios iwene yöbawina Elíasdaena jö̧ba̧lö, ja̧danö ju'wedöma damötjö ji̧na Dios yöawi̧ yöbawadötjö bakwo̧ tjeachajinena jö̧ba̧lö omukwatö yötja̧lobe ökwönö— jö̧ba̧lö tjatadinobe.

Mateo 11:13

Jau chömöledö, Juan yöawakwa̧ abönö Moisésbi, okobe deinö ju'wedö Dios yöawi̧ yöbawadöbi baledakwa̧ wene, Dios la'aka luwo̧ ö̧jakwa̧ wene yötjawinobe.

Marcos 9:3

Ökamijido̧ma salöinö jwiinö dewijetö, böjȩ jojodö dichajitjökenanö dewinö.

Marcos 9:5

Jejenö balediawö̧ Pedro, Jacobo, Juan yelösöda yebaibijadötö. Pedroma yebaibö, ¡Ayö! ¿Dakwö yöta̧lajö? jö̧ba̧lö, jö̧ba̧lijetö Jesúsnö: —Ba̧ja̧dakwawa jojo, isabenö otiwanö dö̧ja. Löwötebiya wa̧pötekwa 'dö̧dobö webi, ökwö, Elías, Moisés kwölöwötebiyaduwi— jö̧ba̧lijetö Pedroma, jö̧a̧lakwawa wajwibö.