Marcos 9:25 - Dios Iwene

²⁵ Ikenama Jesúsma ba̧jekwadö ö'öbakwawö tjichobe edö juluwanö webijetö tjemu o̧'wo̧ luwo̧nö sulabo̧nö jo̧batjö laebobö. Baikwö webijetö: —Ökwö sulabo̧, jojo a̧ja̧kwökönö yöa̧lökönö ja̧binanöma, babema ökwönö weta lakebobö bite tjemutjö, la'akatjöda yadakwödanö tekachibökönö—webijetö Jesúsma.

Marcos 9:25 Referans Kwoze

Hechos 16:18

Ja̧danö, jobujuma ju'wi möle jwiinö jejenö jwöbeba̧liabinuju. Jejenö jwöjeba̧liökwe Pabloma jwiinö öpöjödijatö, Jo̧'wo̧ luwo̧nö sulabo̧da yöa̧la, jö̧ba̧lö. Jo̧kwaobetjö̧ Pabloma weijatö jo̧'wo̧ luwo̧nö sulabo̧nöma: —Jesucristo iminö wetakwö, bisutjö labebi— weiökwe jo̧bama juluwanö laebajijatö.

Lucas 9:42

Weökwe, Jesús ö̧jobekwö ichejebinobe itji̧nö, ja̧danö tjichonö, o̧'wo̧ luwo̧nö sulabo̧ jo̧ma tjemu bulukanö 'dö̧bachibö meobö ja̧inobe. Ikenama Jesúsma o̧'wo̧ luwo̧nö sulabo̧ jo̧nö weinobe, tjemu o̧'wo̧ luwo̧tjö laebajobö, ja̧danö tjȩmunö otidö lobajo̧, abe'donö tjeatinobe itji̧nö.

Marcos 9:15

Ikenama Jesús ichiawö̧ jojodöma: —Edaduwi, ida̧ökö ȩwa̧ja— jö̧ba̧lö, ösödö ö'öbakwawö 'yi̧jadötö ichobekwö.

Mateo 17:18

Ikenama, Jesúsma tjemu o̧'wo̧ luwo̧nö sulabo̧nö weinobe, tjemutjö laebobö, ja̧danö laebenama, juluwanö otiwanö baibinobe tjemuma.

Judas 1:9

Mölejȩbe jo̧ inesö juluwo̧ ángelso̧ Miguel mikwo̧ma jobadötjö bajalekwönönö juluwo̧ chömöledö, jo̧kwaijayonö Miguelbi ötjöda lȩtebakwö jö̧ba̧lö Awetjanö yöa̧lobö öpöjödinobe. Jau chömöledö, Miguelma Moisésmine iteba'o emö i̧'yinobe, ja̧danö emö i̧'yenama, Awetjama jo̧banö ölakwabikwawö ö̧jinobe. Jo̧kwaijayonö jejenö ölakwabikwawö ö̧jiökwe, sulabo̧ja, ötjöda lȩtebakwö jö̧ba̧löma yöa̧linokobe Miguelma, wainö yöa̧linobe, Duluwo̧ wei̧ kwöpöjödobetjö̧, jo̧bada lȩebakwo̧ja jö̧ba̧lö waisanö yöa̧linobe Miguelma.

Lucas 11:14

Bakwo̧ öjinobe, o̧'wo̧ luwo̧nö sulabo̧ ö̧jobetjö̧ yöba̧lö̧kö̧ma. Ja̧danö, Jesúsma o̧'wo̧ luwo̧nö sulabo̧ jo̧nö a'dewö loinobe, ja̧danö a'dewö loaja̧ ikenama, jo̧ba yöba̧lö̧kö̧ma otiwanö yöa̧linobe. Jejenö baibiawö̧, edadötjö ba̧jekwadö tjöbajale jalaka baibanö tjedinobe, Isabenö bite Jesúsma juluwo̧, jö̧ba̧lö.

Lucas 4:41

Ja̧danö, ö'wöchadötjö ba̧jekwadö tjo̧'wo̧ luwo̧nö sulabedönö juna̧ladönöbi otidö loinobe, ja̧danö jobadötjö sulabedö Awetja ömöayedö latjebenama, Ökwöma Dios itji̧köba, jö̧ba̧lö Jesúsnö jwötjeba̧linobe. Jo̧kwaijayonö jejenö jwötjeba̧liökwe Jesúsma jobadönö lȩebinobe: —Jwöbeba̧lökönaduwi. Ötjö Dios itji̧ chö̧ji̧ma jwöbeba̧lökönaduwi. Jwöbeba̧lökönö labebaduwi— jö̧ba̧lö weinobe Jesúsma. Jobadö Awetja ömöayedöma Jesúsnö tjöwaisinobe, Jesúsda Dios weakwo̧ jö̧a̧linökwe, jö̧ba̧lö. Ja̧danö jejenö tjöwaisobetjö̧, jobadönö weinobe, Dios itji̧ chö̧ji̧ yöbawökönö labebaduwi, jö̧ba̧lö.

Lucas 4:35

Jo̧kwaijayonö Jesúsma, jo̧banö wi̧i baibobö yöawinobe, Yöka̧la, jö̧ba̧lö, ja̧danö jojo o̧'wo̧ luwo̧tjö laebobö weinobe. Weökwe, ö̧jajökwe jojonö nijibe mebö öbamatobö ja̧inobe, ikenama, o̧'wo̧ luwo̧nö sulabo̧ ba̧jo̧ma laebajinobe, jojonö suli̧ waedökönö.

Mateo 12:22

Jemi ikenama, ju'wedö bakwo̧ o̧'wo̧ luwo̧nö sulabo̧ ö̧jökwenö tjichejebinobe Jesús ö̧jobekwö, sulabo̧ ö̧jiökwe öbajale tjewawo̧, ja̧danö yöba̧lö̧kö̧. Jesúsma jo̧banö otidö loinobe, ja̧danö otidö loaja̧ ikenama edöbi edinobe, ja̧danö yöba̧löbi yöa̧linobe.

Marcos 9:24

Jejenö jö̧a̧lökwe tjemu abe'doma labinö abebijetö: —Babema yötawakwö, ökwönö cho̧'wo̧ chöwana̧la. Pjabatitjö cho̧'wo̧ chöwana̧lemitjö tupakwö cho̧'wo̧ wana̧lö chi̧'yo—abebijetö.

Marcos 9:26

Jejenö weökwe, o̧'wo̧ luwo̧ sulabo̧ma jwöeba̧lobö ja̧bijetö tjemunö, buluka baibanö. Jejenö ja̧bö labebajijetö o̧'wo̧ luwo̧nö sulabo̧ma. Laebajabe okobe tjemuma ö'wö babibajo̧danö ichejekwiawö̧ ba̧jekwadö yöba̧lakwawijadötö, Ö'wö baibajabe, jö̧ba̧lö.