Marcos 8:6 - Dios Iwene

⁶ Ikenama Jesúsma webijetö okobe deinö jojodönö nijinö tjöbamakwawibobö. Ikenama pan, jelemutjö döpji̧latajanö emö Diosnö abebijetö, Chabe'do otiwanö kwiyajabe, jö̧ba̧lö. Ikenama panma nijawö iteda öba̧ja̧di̧ waisachadönö webijetö tjiyabobö. Weawö̧ iyabijadötö jojodönöma.

Marcos 8:6 Referans Kwoze

Colosenses 3:17

Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

Romanos 14:6

Jau chömöledö, bakwöta möle wainö 'da̧batö juno̧ma, Duluwo̧nö ösödotö jö̧ba̧lö wainö 'da̧batö juno̧. Ja̧danö, okobe jwiinö kwakwawa kwo̧ma, Diosda otiwanö chukwobö iyajabe, jö̧ba̧lö, duluwo̧nö ösödö kwo̧. Kwö̧kö̧bi ja̧danö chömöledö. Ju'wi jawa chukwobö webö̧kö̧, batjo jawada chukwobö otiwanö iyajabe Diosma, jö̧ba̧lö, Duluwo̧nö ösödö batjo jawada kwo̧. Bakwainö ösödadö Duluwo̧nöma, möle wainö 'da̧batö junadöbi, 'da̧batö junöködöbi, okobe jwiinö kwadöbi, okobe jwiinö kwöködöbi.

Juan 6:23

Jemi ikenama, tjukwajemi tjolanö yöne ju'wedöma tjichibinobe Tiberiastjö, isowikwena ichö. Jolama, pan tjukwakwa̧ abönö Duluwo̧ma iteda abe'donö aebi̧ tjukwinemi yöne tjola.

Juan 2:5

Jejenö jö̧a̧lijayonö Jesús ojo'doma wejinobe jobe otidadönö: —Chitji̧ wei̧ma okobe jwiinö kwa̧ja̧kwaduwo— wejinobe.

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Lucas 12:37

Ja̧danö, tjuluwo̧ ichibena ina eda̧lö̧ tjite'ada̧litjö̧ma, isabenö tjo̧'wo̧ ösöwanö tjö̧jakwedö joba̧ ömöayedöma chömöledö. Isabenö yötawaduwakwö chömöledö, ina te'ada̧lö tjö̧jiökwe, tjuluwo̧ma jobadönö ösödö iteda otidadö 'dutjawado̧ kamijido̧ 'duawena, ja̧danö iteda ömöayedönö weena, mesasötenö ba̧nö jo̧bada ite'ada̧lonö tjukwobö.

Mateo 26:26

Kwakwawa tjukwonö, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda öba̧ja̧di̧ waisachadönö iyö, wanedö yöawinobe baikwö: —Bipja̧ma ötjö chiteba'o. Emö kwaduwi— jö̧ba̧lö.

1 Samuel 9:13

Juluwanö comunidad apjude tekachaduwitjö̧ma, jo̧banö kwöbadekwajaduwena, möemi Diosnö iyawemibe kwanö önöchapji. Jobe Diosnö iyajadö, ba'ali tjukwakobe, jo̧kwaijayonö jo̧ba ichibakwa̧ tjiteada̧lobe, Diosnö tjiyakwa̧ abönö Diosnö iyawa jo̧bada Diosnö aebakobetjö̧. Ja̧danö, jemi ikenama, jobe tjukwobö tja̧debajawö̧ma jobetjö ba'ali tjukwakwedö. Jo̧kwajabetjö̧ juluwanö jo̧banö edö 'ya̧duwi, juluwanö jo̧banö kwöbadekwaduwakobetjö̧, —jö̧ba̧lö yötjawinobe möayedöma, Saulnöbi, ömöayo̧nöbi.

Marcos 8:5

Jejenö jö̧tja̧lökwe abebö a̧ja̧kwijetö jobadönö: —¿Dokwa nöinö pan kwujuna̧laduwa?— abebö a̧ja̧kwawö̧: —Ja'yubeda. Jelemutjö döpji̧latajanöda dujuna̧la— atadijadötö.

Marcos 8:7

Ja̧danö, ba̧i̧bi, pjebadönö juna̧lijadötö. Jesúsma, yemidanö Diosnö abebijetö, Chabe'do otiwanö kwiyajabe, jö̧ba̧lö. Ikenama ba̧i̧bi öba̧ja̧di̧ waisachadönö webijetö tjiyabobö.

Marcos 8:20

Jesúsma ina jö̧ba̧lijetö: —¿Kwo̧'wo̧ jwiköbinaduwaji̧ pan jelemutjö döpji̧lataja jawa ö̧pji̧yatjö jojodönö cuatro mil jenanö chiyinama? Ja̧ u'yukwaja̧ma ¿dokwa ba̧jekwa oyu̧ wi̧lȩyu̧bi̧yama pan u'yukwaja̧ma kweminaduwada?— abebö a̧ja̧kwijetö Jesúsma. Jejenö abebö a̧ja̧kwawö̧ jobadöma atadijadötö: —Jelemutjö doyu̧latajanö demijatö— atadijadötö.