Marcos 8:15 - Dios Iwene

¹⁵ Ikenama isowinö 'ya̧nö Jesúsma jö̧ba̧lijetö öba̧ja̧di̧ waisachadönö: —Tjöbeba̧löjönö edö kwö̧jaduwo chömöledö. Fariseo jojodöbi, la'aka luwo̧ Herodesbi tju̧kwa pan 'ye'yeachi̧ jawama labi̧— jö̧ba̧lijetö Jesúsma iteda öba̧ja̧di̧ waisachadönö.

Marcos 8:15 Referans Kwoze

Mateo 16:6

Ikenama Jesúsma jobadönö yöawinobe: —Tjöbeba̧löjönö edö kwö̧jaduwo chömöledö. Fariseo jojodöbi, saduceo jojodöbi tju̧kwa pan ye'yeachi̧ jawama labi̧— jö̧ba̧lö.

Marcos 12:13

Ikenama judío jojodö la'aka luwedöma tjo̧'wo̧ sulinö omukwatö webijadötö fariseo jojodötjö ju'wedönö, ja̧danö Herodes ömöayedötjöbi ju'wedönö Jesús ö̧jobekwö tji̧'yobö. Ja̧danö, 'daliwa nönö Jesúsnö abebö tja̧ja̧kwobö webijadötö, jo̧bama ö'öbönö atada̧lojobö tjedobö. Judío jojodö la'aka luwedöma Jesús sulabenö atadobö ösödijadötö, ju'wi möle jwötjeba̧lobö, Bite Jesús sulabenö yöba̧lo̧, jö̧ba̧lö.

Proverbios 19:27

Ja̧danö, ju'wibi yötawa, chitji̧nö yötawinadanö: —Chitji̧, a̧ja̧kwitjö: Ba̧kwȩlö̧jatebö kwa̧ja̧kwo ökwönö jwebebö yötawinama, kabatibökönö. Jao chitji̧, kwo̧'wo̧ jwikiboko di̧ya sulojobö jö̧ba̧lö, di̧ya otiwojobö jö̧ba̧lö yötawinama jelobekwö kwomukwatapji jö̧ba̧lö— jobekwö baledobe chitji̧nö yötawina.

1 Timoteo 6:13

Timoteo, okobe deinö ja̧kwawa iyo̧ma Diosda, ja̧danö Cristo Jesúsda otiwanö Pilatonö isabenö wene yöbawinama. Ja̧danö, Dios öba a'otjö, ja̧danö Cristo Jesús öba a'otjö ja̧nö,

Mateo 14:1

Galilea nijitjö la'aka luwo̧ Herodes mikwo̧ma Jesúsnö a̧ja̧kwinobe, ja̧danö Jesúsnö a̧ja̧kwenama,

2 Timoteo 2:14

Biya̧ yötawaja̧ jawa okobe deinö tjomukwatibobö yökawodönö, ja̧danö Dios öba a'otjö webidönö, ölakwabikwawö jwöjwötjakwawi̧ma katjatibobö, jejenö ölabikwawö jwöjwötjakwawi̧ma mikwawokobetjö̧. Jau Timoteo, ju'wedöma jojodö tjiwȩyudina jawa jwöjwötjakwawobe, laebi̧ma baikwö jö̧ba̧lö laebena, wainö jö̧ba̧lö laebena jö̧ba̧lö. Jejenö jwöjwötjakwawi̧ma pjaatökö ji̧ Timoteo, suli̧ waedakwawa ji̧ jwöjwötjakwawi̧ a̧ja̧kwadönöma, jo̧kwajabetjö̧ jwöjwötjakwawi̧ katjatibobö webidönö.

1 Timoteo 5:21

Dios öba a'otjö, ja̧danö Cristo Jesús öba a'otjö, ja̧danö Dios weawö̧ ángelesdö tjöba a'otjö ja̧nö biya̧ inesö mikwawi̧ jawa wetakwö Timoteo, ökwönö yöbawö wetaja̧ma ja̧bö kwö̧jo jö̧ba̧lö. Ja̧danö, biya̧ wetaja̧ jawa ja̧bö kwö̧jena, ja̧danö biya̧ jawa Jesúsnö ösödadönö weköbena, bakwo̧nöbi ju'wedönötjö o̧penönö omukwatökönuwi, Aaa, biteda otiwo̧, jö̧ba̧lö, ja̧danö bakwo̧nöbi ju'wedönötjö o̧penönö ösödökönuwi, Aaa, biteda jwiinö chösödökwe, jö̧ba̧lö.

Lucas 12:15

Ja̧danö jejenö atadajo̧ Jesúsma tupakwö yöawinobe: —Chömöledö, te'ada̧lönö kwö̧jaduwo, jwaikwöda kwemaduwotö jö̧ba̧lö isakwö kwö̧jaduwapji jö̧ba̧lö. Jau chömöledö, ju'wedö tjomukwatena nöinö chujuna̧litjö̧ma otiwanö chö̧jena, jo̧kwaijayonö ja̧maökö. Isabenö ja̧kwawa mikwawi̧ma, nöinö tjujuna̧li̧ jawadamaökö chömöledö— jö̧ba̧lö.

1 Crónicas 28:20

Ja̧danö wȩyukwa'ye Salomonnö iyajo̧, tupakwö yöawinobe Davidma: —Chitji̧, kwujuluwachibanö yebabökönö ja̧nö kwotido. Yebabökönö ja̧nö, dakwö ja̧takwajö jö̧ba̧lö omukwatökönö kwö̧jo, ötjö chösödökwe Dios, Isabenö Jo̧ Dios ökwökwö ö̧jobetjö̧. Kwö̧jelö 'da̧bachibökönö, ökwönö le'dedö loökakwo̧ chitji̧, isabenö ökwökwö pjabatö ö̧jakwo̧, okobe jwiinö iteda eju, Isabenö Jo̧ eju, kwotido jö̧ka̧lidanö otidö kakatakwawenanö baibanö.

Mateo 14:3

Baikwö baledinobe ja̧ Juan ö'wö baibina wenema: Herodesma iteda öjawo̧ Felipe mikwo̧ ilekwonö Herodías mikwujunö eminobe. Ja̧danö jejenö emiökwe, Juanma Herodesnö yöawinobe, Sulabenö ja̧bo̧ja, Moisés iwȩyudina laeböködanö ja̧bo̧ja, jö̧ba̧lö. Jejenö yöa̧lökwe Herodesma ödameakwinobe, ja̧danö Juannö do̧tjatobö, ja̧danö jo̧banö tjunu'yobö, ja̧danö ka̧lena tjödobö weinobe.

Mateo 14:6

Jemi ikenama, Herodes cumpleaños möle baibenama, Herodesma pjiesta ujuninobe, ja̧danö ilekwo Herodías jitjijuma pjiesta junadö tjöba a'otjö baile döjinobe. Herodesma edö baile döjobe jwiinö ösödobetjö̧,

Marcos 8:14

Ja̧danö, Jesús öba̧ja̧di̧ waisachadöma tjo̧'wo̧ jwibibö kwakwawa jwiinö 'yi̧jadötö bakwachobukwö. Ja'yubeda, pan bakwapja̧da juna̧lijadötö.

Marcos 8:16

Jejenö jö̧a̧lawö̧, Jesús öba̧ja̧di̧ waisachadöma idödada yöba̧lakwawijadötö: —Ökwödöma pan jwia—yöba̧lakwawijadötö. Jobadöma wajwibijadötö Jesúsma wanedö yöawatö, Pan jawada yöa̧la, jö̧ba̧lö.