Marcos 7:34 - Dios Iwene

³⁴ Ikenama Jesúsma o̧'wo̧nö emö mölejȩbe edö jö̧ba̧lijetö: —¡Efata!— jö̧ba̧lijetö. Jejenö jö̧ba̧löma, po̧chachaibi, jö̧ba̧lö.

Marcos 7:34 Referans Kwoze

Juan 11:41

Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Marcos 6:41

Ikenama panbi ba̧i̧bi emibö mölejȩbekwö edö Jesúsma Diosnö yöba̧lijetö: —Dabe'do ökwöma otiwanö kwiyajabe— jö̧ba̧lö. Ikenama panma 'di̧jawö iyijetö öba̧ja̧di̧ waisachadönö jojodönö tjiyabobö. Ja̧danö, ba̧i̧nöbi du̧ju̧tajanö 'delawö iyijetö öba̧ja̧di̧ waisachadönö jojodönö tjiyabobö.

Marcos 5:41

'Ya̧wibajo̧ Jesúsma tjemu jömamunö do̧batö jö̧ba̧lijetö, jobadö tjiwenenö: —Talitá kumi— jö̧ba̧lijetö. Jejenö jö̧a̧linama, Tjemu ökwönö weta, A̧laibi, jö̧ba̧lö, yöawobe.

Hechos 9:34

Ja̧danö, Pedroma Eneasnö edö jö̧ba̧lijetö: —Eneas, Jesucristo ökwönö otiwanö bakibanö ja̧ajabe. A̧laibö kamapjo do̧lati— jö̧ba̧lijetö. Jejenö jö̧a̧lemi Eneasma omönanö otiwanö baibajökwema a̧laibijetö.

Juan 11:33

Jesúsma Maríabi, Maríakwö ichajadö judío jojodöbi tjubudekwabobe edinö jwiinö o̧'wo̧ tjo̧ekwinobe.

Marcos 15:34

Ida̧ökö wöatena baibena Jesúsma labinö jwöbeba̧lijetö, jobadöda tjiwenenenö: —¡Eloi, Eloi! ¿lama sabactani?— jö̧ba̧lö. Ja̧ jwöeba̧li̧ma, ¡Chabe'do Dios, Chabe'do Dios! ¿tajawedö ötjönöma kakatibatjö? jö̧ba̧lö yöawobe.

Marcos 8:12

Jejenö wetjökwe Jesúsma, jwiinö o̧'wo̧ tjo̧bekwibö, o̧'wo̧nö emö atadijetö jobadönöma: —Ökwödö, babe ju̧kwadöma sulabenö omukwatö webadöja, Dios ujulunö chi̧seboböma—jö̧ba̧lijetö—. Isabenö jö̧ta̧la Dios ujulunö i̧sekwama yelösöda chi̧sebokobe ökwödönöma—jö̧ba̧lijetö.

Hechos 9:40

Ikenama Pedroma okobe deinö a'dewö lobijetö a̧petube. A'dewö lobajo̧ma u̧yu̧ju̧ki̧junö bamatö Diosnö abebijetö. Ja̧danö, abebö kabatö wobajajunö edö jö̧ba̧lijetö: —Tabita, a̧laibi—jö̧ba̧lijetö. Jejenö jö̧a̧lioko jöbajale 'bobebö Pedronö edö a̧laibö bi̧jotö kamapjonö.

Juan 11:43

Jejenö abebö kabatö, Jesúsma labinö jwöinobe: —Lázaro jobetjö labebi—jwöinobe.

Hebreos 4:15

Ja̧danö Jesús, Diostjö jojodötjö ö'weje la'aka pjabato̧ baibanö jo̧ma, jojodö tjime'dawi̧ baledi̧ma waiso̧. Ja̧danö jo̧banöbi, böjȩnö ö̧jena ime'dawinö baledijayonö la'akatjöda sulabenö ja̧inokobe. Chömöledö, Jesúsma jojodö tjime'dawi̧ma öwaisobetjö̧ ökwödönö pjaatobö waiso̧. Jejenö Jesúsda ökwödönö lȩlö̧jino edö Diostjö jojodötjö ö'weje la'aka pjabato̧ baibanö jo̧ma.

Juan 17:1

Jesúsma, ja̧ öba̧ja̧di̧ waisachadönö yöawaja̧ ikena mölejȩbekwö edö iteda Abe'donö aebinobe: —Chabe'do, tjo̧wi̧ baiba, ökwö badedö kwujunina baledi̧ma. Ja̧danö, tjo̧wi̧, ötjö jwiinö chotiwi̧ma kwi̧sebo jojodönö, ja̧danö, ökwö jwiinö kwotiwi̧ chi̧sebobö— aebinobe Jesúsma iteda Abe'donö—.

Juan 11:38

Jesús, yemidanö o̧'wo̧ tjo̧ baibökwe Lázaronö tjödinobe edö 'ya̧nö ichibinobe i̧lȩdo̧be. I̧lȩdo̧ a'oma inaba nöaba tjutuminobe edinobe.

Juan 11:35

Ikenama Jesúsma ubudekwinobe.

Lucas 19:41

Ja̧danö, Jerusalén comunidad yöneawobe ichibö, comunidad edenama, Jesúsma Jerusalénnö ju̧kwadönö o̧'wo̧ tjo̧achö ubudekwinobe, baikwö yöba̧lö:

Lucas 18:42

Yöa̧lökwe Jesúsma atadinobe: —Jau, yemidanö edo̧ babibi. Isabenö Jesúsma juluwo̧ jö̧ba̧lö ötjönö kwösödobetjö̧ otiwanö bakibajabe— jö̧ba̧lö.

Lucas 7:14

Ikenama Jesúsma wobajo̧nö tje'ewöte jo̧bekwö 'ya̧nö, tje'ewöte mainobe, ja̧danö maiawö̧, wobajo̧nö e'ewadöma tjöjamatinobe. Ikenama Jesúsma wobajo̧nö yöa̧linobe: —Möayo̧, baikwö wetakwö: A̧laibi— jö̧ba̧lö.

Marcos 1:41

Ö'wöcho̧ma jejenö ö̧jiökwe Jesúsma lȩlö̧jinö edö jo̧banö mabö jö̧ba̧lijetö: —Jau. Ökwönö otidö lotobö jö̧ta̧la. ¡Seachibökweja!—

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Éxodo 2:23

Ja̧danö, lekwe o̧biya baledajena Egipto inesö la'aka luwo̧ma ö'wö baibijetö. Israel jojodöma ina Egiptonö ji̧jadötö tjuluwedö tjotidobö wetji̧ma otidö. Ja̧danö, inia tjötjinö juluwanö tjotidobö ¡ayö! usula emawö jwöbeba̧lijadötö ¡ökwödönö pjabati! jö̧ba̧lö. Ja̧danö, Diosma jwötjeba̧li̧ma a̧ja̧kwijetö.

Marcos 7:35

Jejenö jö̧a̧lemi jo̧ba a̧ja̧kwököma ölakiyubiyama po̧chachaibijetö. Inenebi otiwanö baibanö, otiwanö yöba̧lo̧ babibijetö.