Marcos 7:13 - Dios Iwene

¹³ Jejenö ökwödöma Dios öwaetjöda weina junibö ökwödö weköbaduwi̧da jojodönö ja̧tjobö webadöja. ¡Sula!— jö̧ba̧lijetö Jesúsma fariseo jojodönöbi, ja̧danö, Moisés iwȩyudina ba̧ja̧dadönöbi.

Marcos 7:13 Referans Kwoze

Marcos 7:9

Ja̧danö, jö̧ba̧lijetö Jesúsma jobadö fariseo jojodönö, ja̧danö, Moisés iwȩyudina ba̧ja̧dadönö: —Chedemi, ökwödötjö ajayinö ji̧nadö wetjinada ja̧bö kwuju̧kwaduwobö Dios iwenema kakatibaduwobe.

Tito 1:14

Ja̧danö, judío jojodö tja'dödö yötjawina jawa mikwa jwii̧ jawama tja̧ja̧kwoko, ja̧danö isabenö wene öpöjödadö wetji̧ tja̧ja̧kwoko.

Isaías 8:20

Dios wei̧ jawabi, ju'wi Dios yöawi̧ jawabi kwaja̧kwaduwo chömöledö, i̧ya̧da mikwawi̧ma. Ja̧danö baikwö yötawaduwakwö, ju'wedöma Dios yöawinatjö wainö yötjawitjö̧ma, ja̧danö Dios weinatjö wainö wetjitjö̧ma, isabenö wajwibadö jobadöma. Wanedö yöta̧la, tjo̧'wo luwo̧ jawama: Jobadöma bakwainö yȩa'wo jȩmida, la'akatjöda dewi̧ dewachokobeda ju̧kwadö.

Marcos 7:3

Ja̧danö, fariseo jojodöma, ju'wedö judío jojodöbi jobadö tja'dödö tjomukwati̧ wetjinadanö ba̧kwȩlö̧jatebö ja̧bö ju̧kwiabijadötö. Ja̧danö, tjukwakwa̧ abönö dichawiabijadötö tjömamijuma, ajayinö ji̧nadö tja'dödö wetjinadanö.

Mateo 15:6

Jejenö ökwödöma webö, Dios öwaetjöda weina junibö, ökwödö weköbaduwi̧da ja̧tjobö webadöja sulabenö.

Gálatas 5:21

ja̧danö tjo̧'wo̧ sulinö edawabi, ja̧danö 'dukwachinö owa̧lakwawabi, ja̧danö 'dukwachinö ja̧nö sulabenö alewakwawabi. Ja̧ jawama böjȩ jojodö sulabenö tjösödi̧danö ja̧awa chömöledö, ja̧danö belö ökwödönö lȩbebö yötawinadanö yemidanö yötawaduwakwö, jejenö ja̧badöma Dios webö ö̧jobe tjo̧'wo̧ ösöwanöma tjö̧jökakwedö.

Marcos 7:5

Jejenö ba̧kwȩlö̧jatebö dicha̧lö tjuju̧kwobetjö̧ fariseo jojodö, Moisés iwȩyudina ba̧ja̧dadö abebö a̧ja̧kwijadötö Jesúsnö: —Ökwö kwöba̧ja̧di̧ waisachadöma dedemi ökwödötjö ajayinö ji̧nadö wetjina a̧ja̧kwöködö. Öpöjödadö. Edi, sulabenö tjukwobe tjömamiju abönö tjidichawobö wetjinadanö dichawökönö. ¿Tajawedö a̧ja̧kwökönö tjukwobeda?— abebö a̧ja̧kwijadötö.

Marcos 7:12

Jejenö ökwödöma jojodönö tjabe'donöbi, tjojo'donöbi tjite'ada̧lobö weinama tjujunibobö, ja̧danö jobadönö pjatjatokobö sulabenö webadöja.

Marcos 7:14

Ikenama Jesúsma yemidanö jwöbijetö jojodönö iteda ö̧jobekwö tjichobö. Jwöawö̧ ichajadönö jö̧ba̧lijetö: —Ökwödö okobe deinö tjöbeba̧löjönö a̧ja̧kwaduwitjö. Wanedö yötawaduwinö:

Gálatas 1:14

Jau chömöledö, Jesúsnö chösödakwa̧ abönö, ju'wedö chö̧jinena ju̧kwadö judío jojodö tjöwaisachi̧tjö bajalekwönönö chöwaisachijatö judío jojodö tjösödi̧ jawama, ja̧danö ju'wedötjö bajalekwönönö jwaikwöda chösödijatö ökwödö judío jojodö da'dödö yötjawina jawama, yötjawinadanö ja̧bö chö̧jo jö̧ba̧lö.