Biblia Todo Logo
Bib sou entènèt

- Piblisite -




Marcos 6:6 - Dios Iwene

6 Ja̧danö, Jesúsma, itebonö ju̧kwadönö edö o̧'wo̧ tjo̧ babibijetö, ¡Bidöwe! ¿Tajawedö tjöpöjödobe yötawawö̧?, jö̧ba̧lö. Ikenama ju'wi comunidadesbe 'yi̧jetö, jobe ju̧kwadönö yöbawö.

Gade chapit la Kopi




Marcos 6:6
12 Referans Kwoze  

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.


Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.


Jesúsma tjo̧'omanö kwebachö i̧'yinobe Jerusalénbe, ja̧danö 'ya̧nö, comunidadtenia techaiabö, jojodönö yöbawö kweachinobe Jerusalénbe.


Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.


Ökwödönö edö, —Tajawedö jojodö sulabenö ja̧tjawö̧nö pjabato̧ deobejö? Tajawedö bakwo̧bi tjö̧'da̧de jamatö, sulabenö ja̧tji̧ katjatibobö weokobejö? Bakobe sulabedö israel jojodöma, —jö̧ba̧lö öpöjödö edajabe. Jo̧kwajabetjö̧ jelo̧ pjabato̧ deiökwe, Diosda dö̧jibinö pjaatakwo̧. Bakwainö otiwanö ja̧bö jo̧ ö̧jobetjö̧, iteda ujulu i̧sȩbö dö̧jibinö pjaatakwo̧.


—¿Isaji̧? ¿Wajwiköbaduwiji̧? Jo̧bama chöbajale otiwanö baibanö otidö loinajayonö ökwödöma wajwiköbaduwa jo̧ba ichinabi— jö̧a̧linobe—.


Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.


Ja̧danö, jemi tupakwö Jesúsma Judea nijitjö judío jojodö ba̧nö tja̧ja̧kwa̧lejutenia techaiabö kwebachö yöbawö i̧'yinobe.


Jemi ikenama, Jesúsma jelobe comunidadbe i̧'yinobe, Galilea niji comunidad Capernaúm mikwobe. Ja̧danö, jobe ju'wi möle otikwökö möle tebachö, judío jojodö ba̧nö tja̧ja̧kwa̧lejutjö jojodönö öba̧ja̧dinobe.


Jo̧kwaobetjö̧, okobe jwiinö Galilea niji kwebachö 'yi̧jadötö. Jobe comunidadkwena ichö Jesúsma judío jojodö ba̧nö tja̧ja̧kwa̧leju okwa tebachö yöbawijetö. Tjo̧'wo̧ luwo̧nö sulabo̧ ö̧jawö̧nö pjabatö, sulabo̧nö a'dewö loböbi lobijetö.


Ikenama Jesúsma jobetjö labebijetö Judea nijibe i̧'yobö. Jobe ichibö, Jordán ojwe peibajobe jobetjöbi ina jojodö ba̧jekwadö ichijadötö. Ichajadönö yöbawajiadanö yöbawijetö Jesúsma.


Swiv nou:

Piblisite


Piblisite