Marcos 6:32 - Dios Iwene

³² Ja̧danö, jejenö jö̧a̧lawö̧ jobadöma Jesúskwö isowinö a̧jibö 'yi̧jadötö idödada, jojodö deobe.

Marcos 6:32 Referans Kwoze

Marcos 6:45

Ja̧danö, jojodönö iyaja̧ tjukwaja̧ ikena Jesúsma webijetö iteda öba̧ja̧di̧ waisachadönö isowinö a̧jibö o̧pesobu badeibö pebibö Betsaida jobekwö tji̧'yobö, iteda abönö. Itedama ji̧bijetö jojodönö weobö tjȩwa̧jobö.

Marcos 4:36

Jo̧kwaobetjö̧ Jesús öba̧ja̧di̧ waisachadöma, ju'wedö jojodönö junibö, Jesús a̧jibajowinö a̧jibö 'yi̧jadötö, Jesúskwö. Ju'wedöbi ju'wiowinö wainö 'yi̧jadötö Jesús i̧'yobema.

Marcos 3:9

Ikenama Jesús ba̧jekwadönö otidö loajiawö̧, ö'wöchadöma ba̧jekwadö iteda ö̧jobekwö 'yi̧jadötö. Jobadöma Jesús ö̧jobekwö ba̧jekwadö ichö, Jesúsnö matjotö jö̧ba̧lö, isayunö bakobe 'diinö tjisawijadötö. Jobadö jejenö tjichajiökwe, jwiinö isayunö bakobe 'diinö tjisawapji jö̧ba̧lö, Jesúsma webijetö iteda öba̧ja̧di̧ waisachadönö isowi tjichejebobö, a̧jibotö jö̧ba̧lö.

Marcos 6:33

Tji̧'yobema ju'wedö ba̧jekwadö edö: —Edaduwi Jesúsda i̧'ya öba̧ja̧di̧ waisachadökwö— jö̧ba̧lijadötö. Jo̧kwajabetjö̧ jojodöma ju'wi comunidadnö ju̧kwadöbi ju'wi comunidadnö ju̧kwadöbi o̧pesobu ö'öbönö ö'öbakwawö 'yi̧jadötö Jesús i̧'yobema, abönö ichibö tjite'ada̧lobö.

Marcos 6:51

Ikenama Jesúsma isowinö a̧jibijetö jobadökwö. A̧jibemi jwa̧lȩ'epjo jwa̧lȩ'ewaja̧ma jwa̧lȩ'ewijökötö. Jejenö baibiawö̧ öba̧ja̧di̧ waisachadöma: —¡Ayö! ¿Dakwö baibajö?—jö̧ba̧lö, omukwatijadötö.

Juan 6:1

Jemi ikenama Jesúsma, iteda öba̧ja̧di̧ waisachadökwö Galilea ojwe pebibö i̧'yinobe. Jödö Galilea ojwema, Tiberias ojwe ötjabödö. Imi dötölataja ötjabödö.