Marcos 5:9 - Dios Iwene

⁹ Jejenö aebökwe, Jesúsma abebö a̧ja̧kwijetö: —Ökwöma ¿dakwö kwimikwa?— abebö a̧ja̧kwökwe, jo̧bama atadijetö: —¿Ötjöka? Ötjöma Ba̧jekwadö mikwo̧sa. Ökwödö, bite o̧'wo̧ luwo̧nö sulabedö ja̧döma ba̧jekwadö dö̧jobetjö̧ jejenö ötjabiwö̧sa, Ba̧jekwadö, jö̧ba̧lö— atadijetö.

Marcos 5:9 Referans Kwoze

Lucas 8:30

Jejenö jojonötjö o̧'wo̧ luwo̧nö sulabedö ja̧dö yötja̧liökwe, Jesúsma abebö a̧ja̧kwinobe o̧'wo̧ luwo̧nö sulabedö ja̧dönö: —Ökwödöma ¿dakwö kwimikwaduwobeda?— jö̧ba̧lö. Abebö a̧ja̧kwawö̧, o̧'wo̧ luwo̧nö sulabedö ja̧döma tjatadinobe: —Ba̧jekwadö jö̧ba̧lö mikwadösa— jö̧ba̧lö. Jejenö tjatadinobe, ba̧jekwadö tjo̧'wo̧ luwo̧nö sulabedö jo̧ba jojo o̧'wo̧ luwo̧nö tjö̧jobetjö̧.

Marcos 5:15

Ichibö o̧'wo̧ luwo̧nö sulabedö tjö̧ökwenö tjedemi otiwanö ö̧bobe edijadötö. Kamijido̧ otiwanö 'dubawajo̧, o̧'wo̧ jwiö̧kö̧nö ichejekwo̧ ö̧bobe edijadötö. Jo̧banö eda̧lö yebabinö yöba̧lakwawijadötö, ¡Ayö! ¿Dakwö otiwanö baibajökwejö? jö̧ba̧lö.

Mateo 26:53

¿Kwedaduwemi bidönö chujuluwobö chujuluwökenaji̧? Isabenö yötawaduwakwö chömöledö, chabe'donö pjaatobö atebitjö̧ma, iteda ömöayedö ángelesdötjö yelösöda ba̧jekwadönö weo jö̧a̧lena chömöledö, bidötjö chö̧jibanö ja̧tjobö.

Mateo 12:45

Jejenö badekwajo̧, ömöledö ju'wedö tjo̧'wo̧ luwo̧nö sulabedönö jelemutjö du̧ju̧tajabedönö isakwena, itedatjö bajalekwönönö sulabedönö, ja̧danö jobadönö öbibö, yemidanö ajayinö ö̧jinökwe o̧'wo̧ luwo̧nö teachibena. Jejenö baibitjö̧ma, jejenö tjö̧jökwema ajayinö usula emawö ö̧jinatjö bajalekwönönö yelösöda nöinö usula emawakwo̧, ¿jö̧tö? Ökwödö babe möle sulabedöbi ja̧danö. Yötawi̧ kwöpöjödaduwobetjö̧, ajayinö usula kwemawaduwinatjö bajalekwönönö nöinö usula kwemawaduwakwedöja— jö̧a̧linobe Jesúsma.

Marcos 5:10

Ikenama jo̧ba o̧'wo̧ luwo̧ sulabo̧ma o̧'wo̧ tjo̧bekwibö abebijetö Jesúsnö: —Jelobe webö lobökönuwi ökwödönö, ödöma—jö̧ba̧lö, abebijetö.