Marcos 5:40 - Dios Iwene

⁴⁰ Jejenö jö̧a̧lawö̧ jobadöma, Itema omöna yöba̧lo̧, wajwibo̧, jö̧ba̧lö, obijadötö. Ikenama Jesúsma, obajadönöma a̧petube a'dewö lobibö, itekwöda ichajadökwöda, tjemu jabe'dokwöda jojo'dokwöda tjemu jö̧bobekwö 'ya̧wibijetö.

Marcos 5:40 Referans Kwoze

2 Reyes 4:33

Jo̧kwajabetjö̧, jo̧dawa'ye teachinobe Eliseoma, tjȩmukwö, ja̧danö tebachajo̧ apjude utumatinobe, ja̧danö tumatajo̧, Isabenö Jo̧nö aebinobe.

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.

Lucas 16:14

Jejenö yöa̧liawö̧, fariseo jojodöma a̧ja̧kwö Jesúsnö otjinobe, Bitema wajwibö yöbawo̧, jö̧ba̧lö. Jobadö fariseo jojodöma nöinö balada tjösödinobe, ja̧danö balada ösödadöma Dios wei̧ ja̧böködö jö̧ba̧lö yöa̧liawö̧, öpöjödö Jesúsnö otjinobe.

Mateo 7:6

Tupakwö yöawinobe Jesúsma: —Chömöledö, Dios jawama, Diosnö öpöjödadönö iyökönaduwi, tjöpöjödobetjö̧. Baikwö wanedö yötawa: Inesö otiwi̧ jawa a̧wi̧li̧dönö iyökönaduwi, jobadönö kwiyaduwitjö̧ma tjösödökakwedö, ja̧danö jalachibö ökwödönö metjibakwedö. Ja̧danö, nöinö mikwawi̧ önebiya perla ötjabi̧ önebiyama, ku̧si̧dönö iyökönaduwi, Aaa, nöinö mikwawi̧ jö̧ba̧löma tjomukwatökakobetjö̧, sule kwiyaja̧ma ja̧tö lotjakobe— jö̧ba̧lö yöawinobe Jesúsma.

Diosnö ösödo̧ Job mikwo̧ usula emawina jawa 12:4

—Chömöledö sulabenö obö yötja̧lökwesa babema. Ötjöma Diosnö ösödö, ba̧kwelöjatebö jo̧banö abebinasa, jadanö atebiökwe, Dios atadiniökwesa. Isabenö Dios öba a'otjö wene jwibo̧, otiwanö ja̧bö jo̧sa, jo̧kwaijayonö yayonö ökwödö chömöledö obö yöka̧laduwökwesa batibajabe.

Génesis 19:14

Jejenö yötjawökwe Lotma labebö 'yi̧jetö i̧tji̧mu ju'winö tjȩmakwawö̧ tjö̧jobekwö yöbawö. Ichibö yöbawijetö: —Belöma labebaduwi jelobekwö. Bemima Isabenö Jo̧ Diosma söbebö loakobe— yöbawijetö. Jejenö yöawijayonö, omöna yöba̧lo̧, jö̧ba̧lö omukwatijadötö jobadöma, a̧ja̧kwökönö.

Mateo 15:11

Isabenö yötawaduwakwö, jojodö tjaa okwa teachi̧ jawa tjukwi̧ma, suli̧ waedökö ji̧. Sule tjaatjö laebi̧ jawa, yötja̧li̧ jawada, suli̧ ja̧i̧— jö̧ba̧lö yöawinobe.

Marcos 5:39

Jeju tebachibö abebö a̧ja̧kwijetö jobadönö: —¿Tajawedö kwubudekwabiduwa? Bisu tjemuma ö'wö babibajökuju. Aba̧löda aba̧luju—jö̧ba̧lijetö.

Marcos 5:41

'Ya̧wibajo̧ Jesúsma tjemu jömamunö do̧batö jö̧ba̧lijetö, jobadö tjiwenenö: —Talitá kumi— jö̧ba̧lijetö. Jejenö jö̧a̧linama, Tjemu ökwönö weta, A̧laibi, jö̧ba̧lö, yöawobe.