Marcos 5:19 - Dios Iwene

¹⁹ Jejenö aebijayonö öbibijökötö Jesúsma, jo̧ba itekwö ȩwa̧jobö. Jo̧banöma jö̧ba̧lijetö: —A̧ja̧kwitjö. Kwömöledö tjuju̧kwobe da̧ji okobe deinö yökawo Duluwo̧ Dios otiwanö, lȩlö̧jino edö otidaja̧ ökwönö— webijetö.

Marcos 5:19 Referans Kwoze

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Daniel 4:37

Ja̧danö, babema ötjö Nabucodonosorma, Diosnö otiwanö omukwatö chösödobe, mölejȩbe jo̧ Diosnö. Okobe jwiinö Dios otidi̧ma otiwanö otidobe, ja̧danö okobe jwiinö ja̧i̧ma, jweinö otiwanö ja̧obe. Ja̧danö otiwadösa jö̧ba̧lö omukwatadönö nijakwönönöbedösa jö̧ba̧lö omukwatadö batjibanö ujunobö waiso̧ Diosma, jö̧ba̧lö yöbawö iwȩyudinobe Nabucodonosorma, böjȩ bakwameachibanö ju̧kwadö jojodönö.

Lucas 8:39

—Ötjökwö ichökönuwi. Kwejubeda da̧ji, ja̧danö jojodönö yökawo Dios inesö otiwanö ökwönö pjaataja̧ wenema— jö̧ba̧lö. Ja̧danö jejenö weökwe, o̧'wo̧ luwo̧nö sulabedö tjö̧jajökwema comunidad bakwameachibanö yöbawö kweachinobe, Jesús jo̧banö otiwanö pjaataja̧ wenema.

Marcos 5:20

Jejenö weökwe, jo̧bama ȩwa̧jijetö. Ȩwa̧jö yöbawö 'yi̧jetö okobe jwiinö jojodö tjuju̧kwobe, diez comunidadesnö. Jobe yöbawijetö Jesús jwiinö otiwanö pjaataja̧ itenöda. Okobe deinö jo̧ba yöawi̧ a̧ja̧kwajadöma, ¡Ayö! ¿Dakwö otiwanö baibanö otidinökwejö? jö̧ba̧lö, omukwatijadötö.

2 Reyes 5:4

Jobekwö yöja̧liökwe, Namaanma uluwo̧ inesö la'aka luwo̧ ö̧jobekwö ichibö yöawinobe, —Israel jojosujuma baikwö yöjawajabe, —jö̧ba̧lö.