Marcos 4:28 - Dios Iwene

²⁸ A̧dekwanö niji okwatjö pokwobe. Ajayima pokwi̧. Jemi ikena ida̧ökö ö̧bubiya bo̧bö, ochobiya wa̧ji̧. Jemi ikena ida̧ökö yȩi̧.

Marcos 4:28 Referans Kwoze

Colosenses 1:10

Duluwo̧ ömöledö tjö̧jo jö̧tja̧li̧danö kwö̧jaduwo jö̧ba̧lö. Jau chömöledö, Duluwo̧ ösödi̧danö ja̧bö kwö̧jaduwobö dösöda, ja̧danö okobe jwiinö otiwanö ja̧awa jwaikwöda ja̧bö kwö̧jaduwobö dösöda, ja̧danö tupakwö Diosnö kwöwaisaduwobö dösöda.

Filipenses 1:6

Jau chömöledö, Diosda ökwödönö otiwa jawa kwo̧'wo̧ luwo̧duwi jawa jamatö otidinama, ¿jö̧tö? Ja̧danö chöwaisa, jamatö otidina jawama, Diosma okobe jwiinö otidö kaatakobe jö̧ba̧lö. Ja̧danö, Jesucristo yemidanö ichakwa̧ möle baibenama ja̧ okobe jwiinö kwo̧'wo̧ luwo̧duwinö otidi̧ma kaatakwawakobe chömöledö.

Mateo 13:26

Batjotjö trigosa'ye pokwenama, ja̧danö jamatö wa̧jenama, sula'wosa'ye jawabi laebinobe.

Isaías 61:11

Isabenö otiwanö pjabato̧ Diosma, baikwö yöta̧la: Pokwi̧ jawa nijitjö pokwö öwawi̧danö, ja̧danö batjonö tjödaja̧ jawa öwawi̧danö, Isabenö Jo̧ Dios iteda ujulunö dö̧jibanö pjaatakwa̧ öwawinö i̧sȩbakobe, tjitebotenia jojodö tjöba a'otjö, ja̧danö jobekwö pjaatiawö̧, okobe deinö Diosnö tjösödakwedö, —Ökwöma otiwanö pjabato̧ja, —jö̧ba̧lö.

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.

Génesis 2:9

Ja̧danö, Isabenö Jo̧ Diosma towibiya okobe jwiinö ju'wiowibi, ju'wiowibi, otiwi̧owibiya, ja̧danö wa̧ji̧ kwakwawanö o̧ti̧owibiya pokwobö ja̧bijetö. Ja̧danö ja̧yu ö'wejenö bakwowi, ja̧kwawa towi ji̧jetö. Jowitjö kwadöma ba̧kwelöjatebö tjuju̧kwakwedö. Ja̧danö, jelowibi ji̧jetö jayu ö'wejenö, otiwi̧bi sulabebi waisachibakwawa towima. Jowitjö kwadöma otiwi̧bi sulabebi̧ tjöwaisachibakwedö.

Marcos 4:27

Ja̧danö, ja̧ ujuninatjö tupakwöma, junawa jojoma möle otidonö, yö̧te abonö ödebiyama a̧dekwanö niji okwatjö pokwobe. Jo̧ba junawa jojoma ¿dakwö öwaisobeda ödebiya niji okwatjö pokwoböma? Öwaisokobe. Edokobe, a̧dekwanö pokwobe ¿jö̧tö?

Marcos 4:29

Jemi ikenama ida̧ökö yȩenama 'döbö 'ya̧jadö, ida̧ökö nöinö 'deawena baibobetjö̧. Jejenö jo̧be, Dios La'aka Luwo̧ ö̧jena tjuju̧kwi̧ma— jejenö Jesús wanedö yöbawijetö, Dios La'aka Luwo̧ ö̧jena wanedöma.