Marcos 2:26 - Dios Iwene

²⁶ Ja̧danö, a̧wi̧chi̧lö̧jawö̧ Davidminema Dios eju okwa tebachijetö, Diostjö jojodötjö ö'weje la'aka pjabato̧, Abiatar mikwo̧, ö̧jinanö. Tebachajo̧ Diosnö iyawapja̧ pan kwijetö Davidma, ¿jö̧tö? Ja̧danö chömöledö, Davidma ö'weje pjabato̧ ö̧jokobetjö̧ la'akatjöda ja̧ pan ukwobö jwiinena ¿jö̧tö? Jo̧kwaijayonö, la'akatjöda ja̧ pan ukwobö jwiobe jö̧ba̧lö Moisés iwȩyudina laebijayonö, ja̧ pan kwijetö Davidma, wene jwiinö. Ja̧danö, iteda ömöayedönö iyinobe, jobadöbi wene jwiinö tjukwobö, ¿jö̧tö? Jau, jojodö edö, Sulabenö kwadö, jö̧ba̧lö yötja̧lo jö̧tja̧lijayonö Dios öba a'otjö wene jwiinö kwijadötö. Ötjö chöba̧ja̧di̧ waisachadöbi ja̧danö. Ökwödöma edö, Sulabenö tjebö kwadö, jö̧ba̧lö, kwomukwataduwijayonö Davidmine wene jwiinö ukwinadanö bidöbi Dios öba a'otjö wene jwiinö kwadö— jö̧ba̧lö atadijetö Jesúsma.

Marcos 2:26 Referans Kwoze

2 Samuel 8:17

Ajitob itji̧ Sadoc mikwo̧bi, Abiatar itji̧ Ajimelec mikwo̧bi, Diostjö jojodötjö tjö̧'dade pjabatadö otidö tjö̧jinobe. Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe.

1 Crónicas 24:6

Ja̧danö, jobekwö inawiya pjei̧ öwiya jabö tjedenama, Levisaso jojo Natanael itji̧ Semaias mikwo̧ma, secretario ja̧nö, sasokwena luwedö tjimibiyabi, tjotidakwa̧kwenabi i̧wȩyudinobe. Okobe deinö jobe ju̧kwadö tjöba a'o öwawinö i̧wȩyudinobe Semaiasma, la'aka luwo̧ David öba a'otjöbi, Diostjö jojodötjö ö'weje pjabatadö Sadocbi, Abiatar itji̧ Ahimelecbi tjöba a'otjöbi, ju'wedö ö'weje pjabatadötjö sasokwena luwedö tjöba a'otjöbi, ju'wedö Levisaso jojodö tjöba a'otjöbi. Jobekwö Eleazar itji̧mu tupadanö jojodötjö bakwo̧ luwo̧nö, ikenama Itamar itji̧mu tupadanö jojodötjö bakwo̧ luwo̧nö, bakwo̧nökwena omudawö tjujuninobe.

1 Samuel 21:1

Jonatan ö̧jelö labebajo̧, Davidma Nob comunidadbe ichibinobe, ja̧danö Diostjö jojodötjö tjö'da̧de pjabato̧ Ahimelecnö edö i̧'yinobe. Jejenö ichibiökwe, taji waekwajö jö̧ba̧lö, Ahimelecma yebabinö Davidnö edö laebinobe, ja̧danö Davidnö abebö a̧ja̧kwinobe, —Taji waekwa, tajawedö jo̧dawa'yeda kwichaja̧da? —jö̧ba̧lö.

1 Reyes 4:4

Joyada itji̧ Benaias mikwo̧ma, ölakwabikwawa jojodötjö la'aka luwo̧ ö̧jinobe. Sadocbi, Abiatarbi Diostjö jojodötjö ö'weje pjabatadö tjö̧jinobe.

1 Reyes 2:22

Ajebiökwe, Salomonma dameakwö atadinobe, —Tajawedö chabe'domine ömöayujubinuju Abisagnö wetobö akebobeda, chöpöe ilekwo bajibanöma? Jejenö akebi̧ma, ju'wibi jo̧bada inesö la'aka luwo̧ baibanö wetobö akebobedanö jo̧be. Jau chojo'do, jo̧ba Adoniasma, ötjö chöpöe, jadanö ö'weje pjabato̧ Abiatarbi, ölakwabikwawadö tjuluwo̧ Joabbi pjatjatökwe. Jau, Abisagnö emobö aebi̧ma, sule ja̧damaökö, ju'wibi iteda inesö la'aka luwo̧ baibobö abebo̧, –Abönö pöechobetjö̧, la'aka luwo̧ chö̧jobö jo̧be, –jö̧ba̧lö. Aebaja̧danö wetökö, —jö̧ba̧lö atadinobe Salomonma.

2 Samuel 20:25

Ja̧danö Seraias mikwo̧ma, la'aka luwo̧ yöawi̧ wȩyukwa luwo̧ ö̧jinobe. Ja̧danö Sadocbi, Abiatarbi, Diostjö jojodötjö tjö̧'dade pjabatadö otidö tjö̧jinobe.

2 Samuel 15:35

Jau Husay, Diostjö jojodötjö tjö̧'da̧de pjabatadö Sadocbi, Abiatarbi jobe ökwökwö tjö̧jakobe, ja̧danö okobe jwiinö Absalon ejutjö yötja̧li̧ma, a̧ja̧kwajo̧ Sadocnöbi, Abiatarnöbi yökawo.

2 Samuel 15:29

Yöa̧lawö̧, Dios iteapjo tjebatö tjȩwa̧jinobe, Sadocbi, Abiatarbi, ja̧danö jobe Jerusalennö tjö̧jinobe.

2 Samuel 15:24

Comunidadtjö latjebakwa̧ abönö, Diostjö jojodötjö tjö̧'da̧de pjabatadö Abiatar mikwo̧bi, Sadoc mikwo̧bi tjichinobe, ja̧danö jobadökwö levita jojodöma Dios iteapjo, Dioskwö Israel jojodökwö yöbawö tjujunina wene i̧sȩkwapjo e'ewö tjichinobe. Comunidad ö'öbö ichibö, Dios iteapjo nijinö tjujuninobe, okobe deinö Davidkwö kwebachadö comunidadtjö latjebenanö kabatö.

1 Samuel 23:9

Jo̧kwaijayonö, Davidma ja̧ Saul suli̧ öwaedobö omukwati̧ a̧ja̧kwinobe, ja̧danö a̧ja̧kwö, Diostjö jojodötjö tjö'da̧de pjabato̧ Abiatarnö weinobe baikwö: —Dios öba a'otjö 'dukawa̧do̧ 'dubawö baikwö ichi, Diosnö atebobö, —jö̧ba̧lö.

1 Samuel 23:6

Ahimelec itji̧ Abiatar, Saultjö döbibajinama, Keilabe Davidkwö i̧'yinobe, ja̧danö i̧'yenama, tjö'da̧de pjabatadö Dios öba a'otjö 'dutjawa̧do̧ e'ewö i̧'yinobe. Jo̧kwajabetjö̧ Abiatar pjaatonö, David Diosnö abebö a̧ja̧kwobö ji̧nobe ja̧ möle.

Marcos 2:25

Jejenö jö̧tja̧lökwe Jesúsma atadijetö: —Bidö tjebö tjukwi̧ kwöpöjödaduwijayonö, sulökö. Jobadöma sule Davidmine damötjö ja̧inadanö ja̧badö. Davidmine ja̧ina wene ¿la'akatjöda kwöwaisachinaduwökiji̧? Ja̧danö, Davidnöbi, iteda ömöayedönöbi kwakwawa jwiawö̧ a̧wi̧chi̧lö̧jinobe.