Marcos 16:7 - Dios Iwene

⁷ Babema Pedronöbi ju'wedö Jesús öba̧ja̧di̧ waisachadönöbi yökawaduwo da̧ja̧duwi. Jobadönö yökawaduwo, Tjo̧wi̧ Jesús i̧'yajabe Galileabe ökwödö kwi̧'yaduwakwa̧ abönö, jö̧ba̧lö. Jobetjö kwedaduwakwedöja Jesúsnöma, iteda jö̧a̧linadanö— jö̧ba̧lijetö ángelma jobadö ya̧dönöma.

Marcos 16:7 Referans Kwoze

Marcos 14:28

Jejenö, Dios iwenetjö laebi̧danö baledakobe. Jo̧kwaijayonö ötjöma yemidanö wobajaletjö tjebachajo̧ kwabönöduwinö Galilea nijibe 'ya̧jo̧ ökwödökwö chö̧jakwo̧sa—jö̧ba̧lö yöbawijetö Jesúsma.

Mateo 26:32

Jo̧kwaijayonö, wobajaletjö tjetachajinö yemidanö 'yatibajinö Dios ja̧aja̧ ikenama, kwabönöduwi Galilea nijibe chi̧'yocha— jö̧ba̧lö yöawinobe.

Mateo 28:10

Ikenama Jesúsma jobadönö yöawinobe: —Yekabiduwa chömöledö. Chö̧ja̧wo̧dönö yöbawaduwi, Galilea nijibe tji̧'yobö, ja̧danö jobetjö ötjönö tjedakwedö, jö̧ba̧lö yökawaduwodönö— jö̧ba̧lö yöawinobe Jesúsma.

Mateo 28:7

Ikenama jobadönö weinobe: —Juluwanö Jesús öba̧ja̧di̧ waisachadönö yöbawaduwaji, Diosma Jesúsnö wobajaletjö tjeachajinö ja̧ajabe, ja̧danö kwabönöduwi Galilea nijibe i̧'yakwo̧. Jobetjö jo̧banö kwedaduwakwedöja— jö̧ba̧lö yötjawobö weinobe ángelma.

Juan 21:1

Ja̧ möle tupakwöma, Jesúsma yemidanö öwawachinobe öba̧ja̧di̧ waisachadönö, Tiberias tjolatjö. Ja̧ baledina yötawa.

1 Corintios 15:5

Jemi ikenama Pedronö öwawachinobe, ikenama ju'wedö Jesús ömöayedö a̧li̧nösamutjö du̧ju̧tajabedönö öwawachinobe.

Hechos 13:31

Yemidanö tjeachaja̧ ikenama jo̧bakwö ajayinö Galileatjö labebö Jerusalénbe kwebachiabinadönö öwawachijetö. Ju'wi mölebi, ju'wi mölebi lekwe möle öwawachijetö Jesúsma. Öwawachinawö̧ma babema jojodönö jweinö yöbawadö, Jesús tjö̧jibinö pjaatina wenema— yöbawijetö Pabloma.

Marcos 14:50

Jejenö jö̧a̧lonö iteda öba̧ja̧di̧ waisachadöma jelobe döbibajijadötö, yebaibö.

2 Corintios 2:7

Babe yemidanö jo̧banö kwösödaduwo, sulabenö ja̧ina omukwatökönö, ja̧danö o̧'wo̧ tjo̧achaja̧ ösödachibanö pjakataduwonö, nöinö o̧'wo̧ tjo̧achapji jö̧ba̧lö.

Marcos 16:8

Jejenö jö̧a̧lawö̧, jobadö ya̧döma, ¡Ayö!, jö̧ba̧lö tjö̧tjawibanö yetjaibobetjö̧ omönanö labekwajijadötö i̧lȩdo̧ okwatjö. Ikenama, ángel wei̧danö, Ju'wedönö yökawaduwo, jö̧ba̧lö, jobadö ya̧döma yetjabobetjö̧ yöbawijöködötö ju'wedönöma.