Marcos 16:14 - Dios Iwene

¹⁴ Jemi ikenama Jesúsma, iteda öba̧ja̧di̧ waisachadö a̧li̧nösamutjö bakwo̧nö kwanö tjöba̧jena öwawachijetö. Labinö jö̧ba̧lijetö jobadönöma: —Ökwödöma ina kwa̧ja̧kwaduwokobe. Kwomajadeduwi 'dibadöja— jö̧ba̧lijetö jobadönö, ju'wedö itenöda tjeachajo̧nö edajadö yötjawi̧ tjöpöjödajobetjö̧.

Marcos 16:14 Referans Kwoze

1 Corintios 15:5

Jemi ikenama Pedronö öwawachinobe, ikenama ju'wedö Jesús ömöayedö a̧li̧nösamutjö du̧ju̧tajabedönö öwawachinobe.

Apocalipsis 3:19

Chömöledö, ötjöma ile nitebawö̧nöma, jelobekwö tjomukwatitjö̧ma pjabatö lȩbebo̧sa, sulabenö tjomukwati̧ kabatibö tjöbalewachoböma. Jo̧kwaobetjö̧ babeda, te'ada̧lökönö, sulabenö kwomukwataduwi̧ma kabatibö balewachaduwi, ökwödönö lȩtebapji, jö̧ba̧lö.

Juan 20:27

Ikenama Tomásnö jö̧a̧linobe: —Tomás chömamijunö bȩtjina kwötö'anö 'yutebö edi. Ötjödasa. Ja̧danö, chometupanö dotjinabi 'dawebö edi. Ötjödasa. Ja̧danö, omukwatökönuwi, Jesúsma deobe, ö'wöchinena, jö̧ba̧lö. Jejenöma omukwatökönö, Jesús ina 'yaba̧lo̧, jö̧ba̧lö, jweinö omukwati, Tomás— jö̧a̧linobe Jesúsma Tomásnö.

Mateo 11:20

Ju'wi comunidadtjö bajalekwönönö, Jesúsma nöinö iteda ujulu i̧sebinobe Corazín comunidadtjöbi, Betsaida comunidadtjöbi, Capernaúm comunidadtjöbi, jo̧kwaijayonö jojodoma sulabenö tjomukwati̧ kabatiböma tjöbalewachinokobe. Jejenö tjöbalewachiökökwe, Jesúsma jobadönö o̧'wo̧ tjo̧achö yöawinobe, usula tjemawakwa̧ma, baikwö: —¡Ayö, ökwödö Corazín comunidadnö ju̧kwadöwe, ja̧danö Betsaida comunidadnö ju̧kwadöwe! Ökwödönö chi̧sebina jawa sulabedö Tiro comunidadnö ju̧kwadöbi, Sidón comunidadnö ju̧kwadöbi tjedinatjö̧ma, jobadöma ida̧ökö sulabenö tjomukwati̧ kabatibö tjöbalewacho jö̧tja̧linobe, ja̧danö tjöbalewachaja̧ wene i̧sebö, tjo̧'wo̧ tjo̧achi̧ i̧sebado̧ 'dutjawo jö̧tja̧linobe, ja̧danö ökwölaso̧pja̧ tjuunö tjöwanawo jö̧tja̧linobe, isabenö sulabenö domukwatajabetjö̧ o̧'wo̧ tjo̧achadösa jö̧ba̧lö.

Lucas 24:25

Yötjawiökwe, Jesúsma jobadönö yöa̧linobe: —Chömöledö, isabenö wajwibö omukwatadöja, ja̧danö ökwödönö waiyobe okobe jwiinö Dios yöawi̧ yöbawinadö tjiwȩyudina kwösödaduwobö.

Marcos 7:18

Jejenö abebö tja̧ja̧kwökwe Jesúsma jö̧ba̧lijetö jobadönöma: —Ökwödöbi ¿tajawedö kwa̧ja̧kwaduwököda? ¿Wajwiköbaduwaji̧ bakwo̧ kwakwawa ukwenama Dios öba a'otjö suli̧ jwöebökö, jö̧ba̧lö, yötawaja̧ma?

Mateo 17:20

Atjebökwe: —Ökwödöma otiwanö Dios ujulu kwösödaduwokobetjö̧ waekwadöja. Isabenö yötawaduwakwö, atebi̧danö ja̧obö isabenö juluwo̧ Diosma jö̧ba̧lö isabenö Dios ujulu kwösödaduwitjö̧ma, kwösödaduwi̧ ja'yuwijayonö, wanedö yötawa, mostazasade ja'yuwi̧danö kwösödaduwi̧ ja'yuwijayonö, jwaikwöda Dios yöawi̧ ösödö weköbaduwenama baibakobe. Ja̧danö, wanedö yötawa, bi'o mö'ösa'o weköbaduwena, yaikwö pjolachibi jö̧ba̧lö, ja̧danö pjolachibena. Jau chömöledö, isabenö atebi̧danö ja̧obö juluwo̧ Diosma jö̧ba̧lö otiwanö Dios ujulu kwösödaduwitjö̧ma, okobe jwiinö ja̧köbaduwobö kwujuluwaduwena— jö̧ba̧lö yöawinobe Jesúsma.

Mateo 28:17

Jobe ichibajadö Jesúsnö edö tjösödinobe, jo̧kwaijayonö jobadötjö ju'wedöma, Isabenö Jesúsdaökena, jö̧ba̧lö tjomukwatinobe.

Lucas 24:11

jo̧kwaijayonö yötjawawö̧, omöna yötja̧lobedanö ichejekwinobe jobadönö, ja̧danö yötjawi̧ma tjösödinokobe.

Juan 20:25

Ömöledöma jo̧banö, Jesúsnö dedijatö, jö̧ba̧lö, yötjawiökwe: —Ötjöma wajwita. Jo̧ba ömamiju, bȩtjinemida edö, jemi chötö'a 'yutebö cheditjö̧da, Jo̧bada, jö̧ta̧lena. Ja̧danö, ometupa doinemi chömamunö 'dawebö cheditjö̧da, Jo̧bada, jö̧ta̧lena— jö̧a̧linobe Tomásma.

Juan 20:26

Jemi ikenama, jelemutjö wa̧pötakwa möle baibena, Jesús öba̧ja̧di̧ waisachadö yemidanö o̧do okwa tjö̧bajinobe, Tomásbi. Apjudebiyama pje'datakwawijayonö Jesúsma jobeda öjamatinobe jobadö tjö'da̧denö. Jobadökwö tjö̧bajena ja̧nö jö̧a̧linobe: —Kwo̧'wo̧duwi ösöwanö ja̧duwi— jö̧ba̧lö.

Juan 21:1

Ja̧ möle tupakwöma, Jesúsma yemidanö öwawachinobe öba̧ja̧di̧ waisachadönö, Tiberias tjolatjö. Ja̧ baledina yötawa.

Juan 21:14

Ja̧ möle, Jesús wa̧pötakwanö baibanö öwawachinobe öba̧ja̧di̧ waisachadönöma, wobajaletjö tjeachajina tupakwö.

Hechos 1:3

Ja̧danö, Jesúsma, usula emawö wobajo̧ yemidanö tjebachajo̧ma öwawachibijetö iteda öba̧ja̧di̧ waisachadönö, iteda yöawi̧ yötjawobö weawö̧nöma. Tjöwaisachibobö, ¡Edaduwi, Duluwo̧ yemidanö tjeachajinobe, ina 'yaba̧lo̧!, jö̧ba̧lö öwawachibijetö jobadönöma. Yemidanö tjeachajina tupakwöbi, cuarenta möle jenanö Jesúsma öwawacha̧liabijetö jobadönöma. Öwawachajawö̧nö Jesúsma Dios jawa yöbawijetö, Dios La'aka Luwo̧ ö̧jena wenema.