Marcos 16:11 - Dios Iwene

¹¹ Ja̧danö, jejenö, Jesúsma ina 'yaba̧lo̧nö chedatö, jö̧ba̧lö, yöjawijayonö Jesús öba̧ja̧di̧ waisachadöma öpöjödijadötö, Omöna yöba̧luju, jö̧ba̧lö.

Marcos 16:11 Referans Kwoze

Lucas 24:11

jo̧kwaijayonö yötjawawö̧, omöna yötja̧lobedanö ichejekwinobe jobadönö, ja̧danö yötjawi̧ma tjösödinokobe.

Marcos 9:19

Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.

Diosnö ösödo̧ Job mikwo̧ usula emawina jawa 9:16

—Isabenö ötjönö dameakwo̧ Diosma ichejekwa. Sulabenö ja̧tinököjayonö, jwa̧lȩ'epjo labinö doibi̧danö lȩbebo̧, ja̧danö nöinö ötjönö kwakwaobedanö lȩbȩbo̧. Jo̧kwajabetjö̧ jo̧banö jwöbö, –Lȩeka luwo̧ öba a'o di̧'yaduwo, –jö̧balö yöta̧lökwe, –Jau di̧'yo, –jö̧ba̧lö ataditjö̧bi, –Yöta̧li̧ otiwanö a̧ja̧kwakwo̧ Diosma, –jö̧ba̧lö chomukwatökena, isabenö jwiinö ötjönö ödameakwobetjö̧.

Éxodo 6:9

Ja̧danö, Moisésma Israel jojodönö okobe jwiinö Dios yöawi̧ yöa̧lijayonö öpöjödijadötö. Egipto jojodö juluwanö tjotidobö wetjajiawö̧ tjo̧'wo tjo̧bekwöda ju̧kwijadötö, jo̧kwada, jö̧ba̧lö. Jo̧kwaobetjö̧ Moises yöawi̧ma a̧ja̧kwakwawa öpöjödijadötö.

Mateo 28:17

Jobe ichibajadö Jesúsnö edö tjösödinobe, jo̧kwaijayonö jobadötjö ju'wedöma, Isabenö Jesúsdaökena, jö̧ba̧lö tjomukwatinobe.

Lucas 24:41

Jejenö yöbawö i̧sebiawö̧, jwiinö tjo̧'wo̧ ösöwachibanö tjedinobe, jo̧kwaijayonö, ina dakwö dö'da̧de öwawachö ö̧joböjö Jesúsma jö̧ba̧lö, omönaena, Jesúsdaökena jö̧ba̧lö tjomukwatinobe. Ina Jesúsdaökena jö̧ba̧lö tjomukwatiökwe: —Kwakwawa chukwobö ¿kwujuna̧laduwobeji̧? Iyaduwitjö chukwobö— jö̧ba̧lö aebinobe.

Juan 20:25

Ömöledöma jo̧banö, Jesúsnö dedijatö, jö̧ba̧lö, yötjawiökwe: —Ötjöma wajwita. Jo̧ba ömamiju, bȩtjinemida edö, jemi chötö'a 'yutebö cheditjö̧da, Jo̧bada, jö̧ta̧lena. Ja̧danö, ometupa doinemi chömamunö 'dawebö cheditjö̧da, Jo̧bada, jö̧ta̧lena— jö̧a̧linobe Tomásma.