Marcos 16:10 - Dios Iwene

¹⁰ Jobujuma, Jesúsnö edajaju, omönanö Jesús öba̧ja̧di̧ waisachadö tjo̧'wo̧ tjo̧bekwö tjubudekwabobekwö 'yi̧jotö, yöbawö. Ichibö yöbawijotö: —Jesúsnöma chedatö—jö̧ba̧lö.

Marcos 16:10 Referans Kwoze

Juan 20:18

Ikenama jobujuma ȩwa̧jö yöjawinobe Jesús öba̧ja̧di̧ waisachadönö, Duluwo̧nö chedatö, jö̧ba̧lö. Ja̧danö, Jesús yöawaja̧ yöjawinobe jobadönö, Jejenö yöawatö ötjönöma, jö̧ba̧lö.

Juan 16:6

Ökwödöma kwo̧'wo̧duwi jwiinö tjo̧bekwöda kwö̧jaduwobe, Chȩwa̧jocha, jö̧ba̧lö, yötawiawö̧.

Lucas 24:17

Ja̧danö, jobadökwö kwebachö, Jesúsma jobadönö abebö a̧ja̧kwinobe: —Omukwa̧lönö yöka̧laduwakwawi̧ma, ¿taji jawa yöka̧lakwawaduwobeda?— jö̧ba̧lö. Abebö a̧ja̧kwawö̧, o̧'wo̧ tjo̧achö tjöjamatinobe,

Marcos 14:72

Jejenö jö̧a̧lena akala dötölatajanö baibanö jwöbijetö. Jejenö baibena Pedroma omukwatijetö Jesús yöawaja̧ma, Akala dötölatajanö jwöakwa̧ abönö wa̧pötakwanö jenanö omöna yöba̧lö kwötabada̧lakwo̧ja, jö̧ba̧lö. Ja̧danö, Pedroma jejenö omukwatibö budekwijetö.

Mateo 9:15

Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.

Mateo 24:30

Ikenama ötjö jojo baibanö jeminökwe chichakwa̧ i̧sebi̧ jawama mölejȩbetjö öwawakobe. Ja̧danö ötjö jojo baibanö jeminökwe mölejȩbetjö ojwiyo'wonö chichobe edö, ötjö jwiinö juluwo̧ ja̧danö salöinö dejato̧ chichobe edö, tjitebokwena ju̧kwadötjö ötjönö öpöjödadöma nöinö tjubudekwabikobe.

Mateo 19:22

Jejenö yöawiökwe, möayo̧ma o̧'wo̧ tjo̧achö Jesús ö̧jelö laebinobe, nöinö ujuna̧li̧ ösödobetjö̧.