Marcos 15:45 - Dios Iwene

⁴⁵ Jo̧ba guardia tjuluwo̧ma, Tjo̧wi̧ ö'wö baibajabe, jö̧ba̧lö, yöawaja̧ ikena Pilato webijetö ömöayedönö, Jesúsnö wetjobö Josénöma, i̧lȩdo̧nö ödobö.

Marcos 15:45 Referans Kwoze

Juan 19:38

Ikenama Jesús öba̧ja̧di̧ waisachadötjö bakwo̧, José mikwo̧, Aramea comunidad jojo, i̧'yinobe Pilato ö̧jobekwö. Jo̧bama Jesús öba̧ja̧di̧ waisacho̧ijayonö judío jojodönö yeabobetjö̧ yöawinokobe, Jesúsnö chösöda, jö̧ba̧lö. Ja̧danö, Pilatonö abebö i̧'yinobe, Jesúsnö meatö e'ewobö, i̧lȩdo̧nö ödobö. Ichibö, Pilatonö aebökwe ösödinobe, Jau kwe'ewonö, jö̧ba̧lö. Jo̧kwaobetjö̧, Joséma Jesús ö'wö baibajobekwö 'ya̧nö, Jesúsnö meatö e'ewinobe.

Marcos 15:39

Jesús ö̧jemi badeibö bakwo̧ma, guardia jojodö tjuluwo̧ jamatö edijetö Jesús ö'wöchobe. Edö jö̧ba̧lijetö: —Isabenö bitema Dios Itji̧bajiobe— jö̧ba̧lijetö.

Mateo 27:58

Jo̧ba Joséma, Pilato ö̧jobekwö 'ya̧nö aebinobe, Jesús iteba'o emö ödobö. Jejenö aebökwe, Pilatoma weinobe, Jesús iteba'o jo̧banö tjiyobö,

Marcos 15:44

Jejenö aebena Pilatoma ina wajwibijetö Jesús ö'wöchaja̧ma. Joséma jejenö aebökwe Pilatoma omukwatijetö, ¿Tajawedö juluwanö ö'wöchaja̧da? jö̧ba̧lö. Jo̧kwaobetjö̧ guardia tjuluwo̧nö jwöbijetö Jesús ö'wö baibaja̧ yöawobö.

Marcos 15:46

Jejenö weökwe, Joséma sawana'wo otiwa'wo, nöinö mikwawa'wo emö 'yi̧jetö. Ikenama, Jesúsnöma towisa'otjö meatö jwabebijetö sawana'wo. Jemi ikenama i̧lȩdo̧, inawa nöawatjö sobö otikwobekwö e'ewö 'ya̧nö lödijetö. Lödajo̧ i̧lȩdo̧ apjudema inawa yelösöda nöawa tumijetö.