Marcos 15:14 - Dios Iwene

¹⁴ Jejenö tjatadiökwe Pilatoma abebö a̧ja̧kwijetö: —¿Tajawedö jejenö akebaduwa? Jo̧bama ¿taji sulabenö ja̧inada jejenö woobö akebaduwoböma?— abebö a̧ja̧kwijetö Pilatoma. Jejenö abebö a̧ja̧kwijayonö jobadöma tupakwöda webijadötö: —Towisa'onö bȩbö kwujunonö—webijadötö.

Marcos 15:14 Referans Kwoze

Lucas 23:41

Ja̧danö ju'wibi, kwöwaisa, ökwönöbi ötjönöbi kwabö lotji̧ma, sulabenö ja̧dina mikwa baibanö ökwödönö kwabö lotjobe, ja̧danö ökwödönö kwabö lotji̧ma jwea, isabenö sulabenö ja̧dinobetjö̧. Jo̧kwaijayonö jejenömaökö bite Jesúsnö. Sulabenö ja̧ököjayonö jo̧banö kwabö lotjökwe— jö̧ba̧lö yöa̧linobe jelo̧nö.

1 Pedro 1:19

inesö mikwawi̧ jawanö, obeja sulabe jwibo̧danöbo̧ Cristo ökwösobunöda ökwödönö midö eminobe.

Hebreos 7:26

Jo̧kwaobetjö̧ chömöledö, Jesúsda Dios 'da̧batö ujuninökwema Diostjö jojodötjö la'aka pjabato̧ baibanö, ökwödö jojodönö pjaatobö. Ja̧danö, jo̧bama la'akatjöda jojodönö o̧'wo̧ sulinö edö̧kö̧. Ja̧danö chömöledö, jo̧bama la'akatjöda taba̧lö̧ji̧ jawa ja̧bö̧kö̧. Ja̧danö, jo̧bama sulabedökwö pjabacha̧löma jö̧kö̧. Ja̧danö chömöledö, jo̧bama Dios öwaisachobekwöchobe ö̧bemi, inesö la'aka luwo̧ ö̧bena bo̧, mölejȩbe.

Hechos 19:34

Ikenama, jobe ju̧kwadöma jo̧banö edö, Bitema judíoso̧, jö̧ba̧lö, a̧ja̧kwökönö jemi tupakwö labinö jwöbeba̧lijadötö: —Éfesonö ju̧kwadö dösödokoma, Artemisa mikwujuma jwiinö mikwawuju— jwöbeba̧lijadötö. Jejenö jwöbeba̧lijadötö dötölataja hora jenanö.

Juan 19:6

Ja̧danö, judío jojodö tjuluwedö, Diostjö jojodötjö ö'weje pjabatadötjö la'aka luwedöma, guardia jojodöbi, Jesúsnö edö: —Towisa'onö bȩbö kwujunaduwonö— jwötjeba̧linobe. Jejenö jwötjeba̧liökwe: —Ökwödöda towisa'onö bȩbö kwujunaduwo. Ötjöma lȩtebökö, sulabenö ja̧ina jwiobetjö̧— jö̧a̧linobe.

Juan 18:38

Jejenö yöawiökwe: —Isabenö ji̧ jawama ¿tajijö? Bakwo̧bi deobe isabenö ji̧ jawa waiso̧ma— jö̧a̧linobe Pilatoma. Ikenama yemidanö ejutjö labebö yöawinobe judío jojodönö: —Bitema sulabenö ja̧bö̧kö̧. Lȩtebobö jwia— yöawinobe—.

Lucas 23:47

Jejenö balediökwe, Jesús ö'wö baibena baledi̧ edö, Jesúsnö te'ada̧lo̧ guardia luwo̧ma Diosnö ösödö yöa̧linobe: —Isabenö bite Jesúsma sulabenö ja̧bö̧kö̧. Isabenö otiwo̧, Jesúsma— jö̧ba̧lö.

Lucas 23:21

Jo̧kwaijayonö yayonö jwötjeba̧linobe: —¡Jesúsnö towisa'onö nönö kwabö lobinö! ¡Towisa'onö nönö kwabö lobinö!— jö̧ba̧lö

Lucas 23:4

Ikenama Jesúsnö abebö a̧ja̧kwajo̧, Pilatoma ö'weje pjabatadö la'aka tjuluwedönöbi jojodö ko̧ko̧kwajadönöbi yöawinobe: —Ötjö chedemi bitema wene jwibo̧. Jo̧banö lȩteboböma jwiobe— jö̧ba̧lö.

Mateo 27:54

Jesúsnö te'ada̧lo̧ guardia luwo̧bi ömöayedö jo̧bakwö ju̧kwadö guardia jojodöbi niji tjö̧awobe tjedinobe, ja̧danö ju'wi baledi̧ tjedinobe. Jejenö edajadö jwiinö yetjaibinobe, ja̧danö yötja̧linobe: —¡Isabenö bitema Dios itji̧!— jö̧ba̧lö.

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.

Mateo 27:4

ja̧danö jobadönö yöa̧linobe: —Sulabenö ja̧tajabe, sulabenö ja̧bö̧kö̧nö iyö lotjajabe, jo̧banö kwabö lotjobö— jö̧ba̧lö. Jejenö yöa̧liawö̧ tjatadinobe: —Jo̧kwada, do̧'wo̧ tjo̧achökö. Ja̧ sulabenö ja̧köbaja̧ma ökwöda jawa— jö̧ba̧lö tjatadinobe.

Isaías 53:9

Jo̧banö kwabö lobajadö, sulabenö ja̧badönö lödawemi tjo̧tjobö jö̧tja̧linökwe, jo̧kwaijayonö ö'wö baibenama, nöinö juna̧ladökwö tjo̧tji̧nökwe. Jojodönö suli̧ öwaedinököjayonö, ja̧danö ja'yubebi omöna yöa̧linököjayonö,

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Marcos 15:13

Jejenö abebö a̧ja̧kwawö̧ jojodöma atadijadötö: —Jo̧banöma towisa'onö bȩbö kwujunonö woo— atadijadötö.

Marcos 15:15

Jo̧kwaobetjö̧ Pilatoma, jojodö jo̧banö tjösödobö wetji̧danö ja̧bijetö. Barrabásnö labebö lobijetö. Ikenama webijetö ömöayedönö Jesúsnö kwakwatjobö oma'anö. Nöinö kwakwabijadötö 'diasonö. Kwakwabö katjatena, Pilatoma webijetö guardianö towisa'onö bȩbö tjujunobö Jesúsnöma.

Hechos 13:28

Jau, jobadöma, Jerusalénnö ju̧kwadöma, Jesús woo jö̧ba̧löma jwiijayonö Pilatonö abebijadötö, Jesúsnö kwabö loköbaduwo, jö̧ba̧lö.