Marcos 14:54 - Dios Iwene

⁵⁴ Jobe tji̧'yobema Pedroma ökömanö ödökwönönö 'yi̧jetö. 'Ya̧jo̧ jeju a̧petunönöda ichibijetö. Ichibö ökwölanö ba̧nö 'yöbakwijetö ju'wedökwö, Diostjö jojodötjö ö'weje la'aka pjabato̧ ömöayedökwö.

Marcos 14:54 Referans Kwoze

Juan 18:18

Ja̧danö, jobe tjöekwemi a̧petubetjö Caifás ömöayedöbi, guardia jojodöbi tiyuwawö̧ ökwöla tjujuwinobe. Jola ökwöla ubena 'yöbakwö ba̧nö tjite'ada̧linobe. Pedrobi jobadökwö ba̧nö 'yöakwinobe.

Mateo 26:3

Ikenama, Diostjö jojodötjö ö'weje pjabatadötjö la'aka luwedöbi, jojodötjö damöbi tjoko̧ko̧kwachinobe, ö'weje pjabatadötjö inesö la'aka luwo̧ Caifás mikwo̧ eju otiwejutjö.

Juan 18:25

Ja̧danö, Simón Pedro jobe ja̧nö 'yöakwinobe. Jobe ja̧döma Pedronö jö̧tja̧linobe: —Ökwöma, ite tje'ewökwe ömöayo̧köbiji̧?— abebö tja̧ja̧kwiökwe —Ötjömaökö—jö̧a̧linobe Pedroma.

Marcos 14:38

Ikenama öba̧ja̧di̧ waisachadönö jö̧ba̧lijetö: —Diosnö abebaduwi ökwödönö pjaatobö tupadanö kwo̧'wo̧duwi juluwachibanö kwi̧'yaduwobö. Diosnö abebaduwi sulabenö ja̧köbaduwökakobetjö̧. Isabenö kwo̧'wo̧duwi luwo̧ma, Otiwanö ja̧bö chö̧jo, jö̧ka̧laduwijayonö ökwödöda kwujuluduwinö otiwanö ja̧bö ju̧kwöködöja. Me'dawadöja—jö̧ba̧lijetö Jesúsma öba̧ja̧di̧ waisachadönöma.

Mateo 26:58

Jobekwö tji̧'yonö, Pedrobi tjökömanö ödökwönönö i̧'yinobe, ö'weje pjabatadö la'aka tjuluwo̧ eju a̧petube, ja̧danö a̧petu tjöekwemi okwa teachinobe. Tebachajo̧, o̧do te'ada̧ladökwö ba̧nö ite'ada̧linobe, Jesúsnö baledakwa̧ öwaisobö.

1 Reyes 19:13

Iwene ökwöi̧ a̧ja̧kwajo̧, Eliasma öba umuchekwinobe ö̧ka̧miji̧do̧ wamesa̧do̧nö, ja̧danö labebö, ötöla teachawemi a'o öjamatinobe. Ja̧danö, bakwo̧ iwene ökwöinobe, —Elias, tajawedö bai kwö̧jobeda? —jö̧ba̧lö.

1 Reyes 19:9

Ja̧danö, Sinai mösa'obe ichibajo̧, inawa ötöla okwa teachinobe Eliasma, ja̧danö ötöla okwa abinobe ja̧ yö̧te. Jemi ikenama, inawa ötölanö ö̧jemi ja'ötjö, Isabenö Jo̧ma iteda yöa̧li̧ yöa̧linobe Eliasnö, —Elias, tajawedö bai kwö̧jobeda? —jö̧ba̧lö.

1 Samuel 13:7

Ja̧danö ju'wibi, jobadötjö ju'wedö döbibajö, Jordan ojwe lȩ'dakwemi pebibö, Gad nijibebi, Galaad nijibebi dötjibajinobe. Jobadö dötjibajonö, Saulma Gilgal comunidadnö ö̧ji̧binobe, ja̧danö ju'wedö döbibajöködö jojodöma Saulkwö tjö̧bawö tjö̧jinobe, yebabinö.

Marcos 14:66

Pedroma ina o̧do a̧petunö ba̧nö te'ada̧lijetö. Jo̧ba ö̧bobekwö jelujuma, Diostjö jojodötjö ö'weje la'aka pjabato̧ ömöayujuma 'ya̧wibijotö.

Lucas 22:54

Jemi ikenama Jesúsnö do̧tjatinobe, ja̧danö jo̧banö öbibö tjȩwa̧jinobe Diostjö jojodötjö ö'weje pjabatadötjö inesö la'aka luwo̧ ejube. Ja̧danö, Jesúsnö öbibö tjȩwa̧jonö, ja'yubenö ödökwönönö tjö̧kömanö i̧'yinobe Pedroma.