Marcos 14:35 - Dios Iwene

³⁵ Ikenama jemi tupakwö 'ya̧jo̧ nijinö de'bo'bonö bamatö Abe'do Diosnö budekwabijetö: —¡Papayu. Ötjöwe!— budekwabijetö—. Ökwö kwösöditjö̧ma biya̧ ötjönö baledakwa̧ma baledökönö pjabati— budekwabijetö.

Marcos 14:35 Referans Kwoze

Marcos 14:41

Ikenama, Jesúsma wa̧pötakwanö baibanö Diosnö abebö ȩwa̧bijö öba̧ja̧di̧ waisachadönö yemidanö abö tjöba̧jobe edijetö. Abö ba̧jadönö jö̧ba̧lijetö: —¿Ina kwabaduwiji̧? Tjo̧wi̧ta. Babema ötjönöma, jojo baibanö jeminökwema sulabedönö iyö lotjakwa̧ tjo̧wi̧ badekwacha.

Apocalipsis 5:14

Ikenama tjöbajalebiya a̧tja̧bayedöda ju̧kwawö̧ma jö̧tja̧lijatö: —Jau, lotji̧ma jweinö yöbawö lo̧badö— jö̧ba̧lö. Ja̧danö, damö la'aka luwedöma nijakwö de'bo'bonö bamatö tjösödijatö, Diosnöbi, Obeja Itji̧danö Jo̧nöbi.

Hebreos 5:7

Ja̧danö, Jesúsma, böjȩnö jojo babibö bötjachajo̧ma yelösöda usula emawinobe. Ja̧danö Diosnö, woawatjö ö̧jibinö juluwo̧ Diosnöma budekwabinö aebinobe woawatjö ö̧jibinö pjaatobö. Jo̧kwaijayonö Diosma, ö̧jibinö pjabatökönö weinobe usula emawö woobö. Chömöledö ¿Diosma a̧ja̧kwinököji̧ iteda Itji̧ ubudekwi̧ma? Isabenö a̧ja̧kwinobe, Jesúsma Diosnö yebabinö edö jo̧ba wei̧ a̧ja̧kwöda ö̧jinobetjö̧.

Mateo 26:39

Webajo̧, ödöokobe 'ya̧wibö, öba nijakwö bamatö, Diosnö aebinobe: —Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö Chabe'do, ökwöda kwösödi̧danö ja̧bi— jö̧ba̧lö.

Deuteronomio 9:18

—Jemi ikenama ajayinö Isabenö Jo̧ öba a'o chöbamatinadanö, yemidanö chöba nijakwö Isabenö Jo̧ öba a'o bamatö chö̧bijatö. Kwakwawa kwökönö, ja̧danö ojwiyo owökönö, jobe cuarenta mölebi, cuarenta yö̧tebi chö̧bijatö, Diosnö abeba̧lö. Jau chömöledö, ökwödöma isabenö nöinö sulabenö ja̧köbinaduwobe. Isabenö Jo̧ inesö öpöjödi̧ jawa sulabenö ja̧bö, ökwödönö ödameakwobö ja̧köbinaduwobe, ja̧danö jejenö ja̧köbinaduwi̧tjö̧,

Génesis 17:3

Ja̧ yöawi̧ a̧ja̧kwö Abramma u̧yu̧kijunö bamatö öba bȩbachibijetö nijakwö uunö. Ja̧danö, Diosma yöbawijetö Abramnöma:

Apocalipsis 4:10

damö la'aka luwedöma, veinticuatronö jojodöma, inesö la'aka luwo̧ ö̧bemi badeibö tju̧yu̧ju̧ki̧junö bamatö, tjuu nijakwö bȩtjachibijatö, ba̧kwȩlö̧jatebö jo̧nö ösödö. Ja̧danö, jobadö veinticuatro damö la'aka luwedöma, bakwo̧nökwena tjuunö tjubutjawi̧ ökiya inesö la'aka luwo̧ ö̧bobekwö tjikwijatö, jo̧banö iyö. Iyö lo̧tjijatö:

Mateo 26:45

Abebajo̧, iteda öba̧ja̧di̧ waisachadö tjö̧jobekwö ȩwa̧bijinobe, ja̧danö jobadönö yöawinobe: —¿Ina kwabaduwiji̧? ¿Ina kwö'wachaduwiji̧? Edaduwi, tjo̧wi̧ ötjö jojo baibanö jeminökwenö iyö loawa hora baibajabe, ja̧danö ötjönö sulabedönö iyö loakobe.

Lucas 22:41

Ja̧danö, jejenö yöbawajo̧, ja'yubenö tupakwönö i̧'yinobe, ödöokobe sule bakwo̧ inawa ikwemi meenanö i̧'yinobe, jo̧dawa'ye Diosnö aebobö. Ja̧danö, u̧yu̧ko̧nö bamatö, Diosnö aebinobe baikwö:

Juan 12:23

Jejenö yötjawökwe Jesúsma judío jojodönöbi, judío jojodöböködönöbi yöawinobe: —Ida̧ökö badekwacha ötjö, jojo baibanö jeminökwe jwiinö chujulu i̧sebi̧ möle— yöawinobe Jesúsma. Ikenama, wanedö yöbawö yöawinobe: