Marcos 14:29 - Dios Iwene

²⁹ Ikenama Pedroma jö̧ba̧lijetö: —Okobe deinö ökwönö katjatibonöbi ötjöma katatibökakwo̧sa— jö̧ba̧lijetö.

Marcos 14:29 Referans Kwoze

Juan 21:15

Ikenama kwanö katjatena, Jesúsma abebö a̧ja̧kwinobe Simón Pedronö: —Simón, Juan itji̧ ¿ökwöma bidö kwömöledö ötjönö ile nitjebemitjö o̧penönö jwiinö ile nikebiji̧ ötjönöma?— abebö a̧ja̧kwiökwe: —Jau chuluwo̧. Kwöwaisa. Ökwönö ile nibebo̧sa— atadiökwe: —Jo̧kwaobetjö̧ kwite'ada̧lo ötjö cha̧jwi̧mu o̧bȩja̧dö tji̧tji̧munö— weinobe Jesúsma Pedronö, wanedö yöbawö.

Marcos 14:28

Jejenö, Dios iwenetjö laebi̧danö baledakobe. Jo̧kwaijayonö ötjöma yemidanö wobajaletjö tjebachajo̧ kwabönöduwinö Galilea nijibe 'ya̧jo̧ ökwödökwö chö̧jakwo̧sa—jö̧ba̧lö yöbawijetö Jesúsma.

Marcos 14:30

Jejenö jö̧a̧lijayonö Jesúsma jö̧ba̧lijetö: —Isabenö jö̧ta̧la ökwönö. Babe yö̧te akala dötölatajanö jwöakwa̧ abönö ökwöma wa̧pötakwanö jenanö omöna yöba̧lö kwötabada̧lakwo̧ja ötjönöma, Wajwitökwe Jesúsnö, jö̧ba̧lö— jö̧ba̧lijetö Jesúsma.