Marcos 14:24 - Dios Iwene

²⁴ —Bobu ubasobuma ötjö chökwösobu. Ötjöma wotakobe, chökwösobu ebawinö. Jojodö ba̧jekwadönö pjabatö chökwösobu ebawakobe. Ja̧danö, ötjö chökwösobu ebawakwawama i̧sebakobe tjo̧wi̧ Diosma 'yayi̧ wene baibanö tjo̧wi̧ yöbawö ujunajabe. Chökwösobu ebawakwawa omukwatö kwöwaisaduwakobe, Aaa, Dios yöawinadanö badekwachinö baibajabe, jö̧ba̧lö. Isabenö jojodö tjusuli̧ söbebö loawa jo̧be, ötjö chökwösobu ebawobetjö̧.

Marcos 14:24 Referans Kwoze

Éxodo 24:8

Ikenama Moisésma deja'di̧junö tjökwösobu otochaja̧'di̧junö emibö Israel jojodönö sa̧sa̧bijetö bakwo̧nökwena. Sa̧sa̧bö yöba̧lijetö: —¡Edaduwi! Bibu tjökwösobuma wanekwachobe, Isabenö Jo̧ ökwödönö wei̧danö a̧ja̧kwö ju̧kwadösa, jö̧ba̧lö. Ida̧ökö jamatobe jo̧ba wei̧ a̧ja̧kwö dö̧ji̧ma— yöba̧lijetö Moisésma Israel jojodönöma.

1 Corintios 11:25

Ja̧danö, tjukwaja̧ ikena, dȩja̧'do̧ emibö, jobadönö wanedö yöawinobe: Bi'do̧sobutjö Diosma 'yayi̧ wene isabenö ja̧akwa̧ wene yöawobe, chökwösobu ebawakobetjö̧ Dios ja̧akwa̧ wenema. Ba̧kwȩlö̧jatebö biya̧ ökwödönö chi̧sebaja̧danö kwowaduwenama, ötjönö omukwatö kwowaduwo jö̧ba̧lö yöawinobe.

1 Corintios 10:16

Baikwö wanedö yötawa: Ökwödö Cristonö ösödadöma jo̧ba midawö woina omukwatö, dowobe, ¿jö̧tö? Jau chömöledö, otiwanö iyinobe Diosma jö̧ba̧lö, Cristo midawö woina omukwatö dowobe. Jejenö owö, okobe deinö owadöma bakobe Cristo ökwösobu dowobedanö ichejekwa, ¿jö̧tö? Ja̧danö, Cristo midawö woina omukwatö, pan 'delawö dukwenama, bakobe Cristo iteba'o dukwobedanö ichejekwa, ¿jö̧tö?

Juan 6:53

Jejenö yötja̧lakwawiökwe: —Isabenö yötawa, ötjö, jojo baibanö jeminökwe chiteba'otjö kwukwaduwökötjö̧ma ba̧kwȩlö̧jatebö ja̧kwawa kwujuna̧laduwökena— yöawinobe Jesúsma—. Ja̧danö, ötjö chökwösobutjöbi kwowaduwökötjö̧ma ba̧kwȩlö̧jatebö ja̧kwawa kwujuna̧laduwökena.

Marcos 10:45

Ötjöma ja̧danö chömöledö. Ötjö, jojo baibanö jeminökwema jojodö ötjönö pjatjatoböma ichinö̧kö̧sa. Ötjöda jojodönö pjatatobö ichino̧sa. Ötjöda jojodönö pjabatö midawö wotobö ichino̧sa.

Marcos 14:23

Ikenama dȩja̧'do̧, ubasobu o̧'do̧bu okwa'do̧ emibö Diosnö yöba̧lijetö, Chabe'do ökwöma otiwanö jo̧, bobuma otiwanö kwiyajabe, jö̧ba̧lö. Ikenama öba̧ja̧di̧ waisachadönö iyijetö dȩja̧'do̧ma bakwo̧nökwena tjowobö. Jobadönö jö̧ba̧lijetö, wanedö yöbawö:

Marcos 14:25

Isabenö yötawaduwakwö, yemidanöma biya̧jaye bobujayobu ubasobuma owö̧kö̧sa ötjöma. Jo̧kwaijayonö ju'winö, Dios La'aka Luwo̧ ö̧jena ja̧nö 'yayobu chowakobe— jö̧ba̧lö yöbawijetö Jesúsma öba̧ja̧di̧ waisachadönö.

Lucas 22:20

Ja̧danö, tjukwaja̧ ikenama, pan iyaja̧danö Jesúsma tjowa'do̧ ubasobu okwa'do̧ iyö wanedö yöawinobe: —Bi'do̧tjö Diosma 'yayi̧ wene isabenö pjaatakwa̧ wene yöawobe, chökwösobu ebawakobetjö̧ Dios ökwödönö pjaatakwa̧ wenema— jö̧ba̧lö yöawinobe.