Marcos 13:33 - Dios Iwene

³³ Jo̧kwaobetjö̧ ökwödöma tjöbeba̧lakwawö kwite'ada̧laduwo, chichakwa̧ma wajwiköbaduwobetjö̧— jö̧ba̧lö—.

Marcos 13:33 Referans Kwoze

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

Lucas 12:40

Jau chömöledö, naukwabo̧ma jojodö wajwitjonö tebacho̧, ja̧danö ötjö chichakwa̧bi jojodö wajwitjonö chichakwo̧sa. Jo̧kwajabetjö̧ ba̧kwȩlö̧jatebö te'ada̧lö kwö̧jaduwo, ötjö jojo baibanö jeminökwe chichibakwa̧ma, ina ichökena jö̧ba̧lö kwomukwataduwonö badekwachakobetjö̧— jö̧ba̧lö yöawinobe Jesúsma.

Apocalipsis 16:15

Damötjö, Duluwo̧ Jesucristoma ja̧ möle baledakwa̧ma baikwö yöawijatö: A̧ja̧kwaduwitjö. Ö'wiawakwawalö̧jönö ja̧nö eda̧lö te'ada̧lakwawö ju̧kwaduwi, ötjö chichakwa̧ma. Ötjöma, naukwabo̧ ichi̧danö chichakwo̧sa, jojodö wajwitjemi okwanö. Wanedö yötawa: Bakwo̧ kamijido̧ jwibo̧, yenada juna̧lo̧ma, ju'wedö tjichitjö̧ma omönanö emibö 'duawena, kamijido̧ jwibo̧ jö̧könö. Jo̧bama taba jwiinö jo̧. Jejenö ö̧jena, bakwo̧ ötjö chichakwa̧ ö'wiawakwawalö̧jönö ja̧nö eda̧löda te'ada̧lo̧ma. Chichenama otiwanö ö̧jakwo̧, taba̧lökönö, jö̧ba̧lö wanedö yöawijatö Jesúsma, damötjöma.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

1 Pedro 4:7

Ja̧danö chömöledö, 'dö̧ibaji̧ möle yöneawachibobe. Jo̧kwajabetjö̧, jweinö omukwatö eda̧lakwawö kwö̧jaduwo, ja̧danö waisanö omukwatö Diosnö abebö kwö̧jaduwo.

Mateo 25:13

Jau chömöledö, ö'wiakwawönö te'ada̧lö ja̧nö kwite'ada̧laduwo, yemidanö chichakwa̧ möle, ja̧danö yemidanö chichakwa̧ hora wajwiköbaduwobetjö̧— jö̧ba̧lö yöawinobe Jesúsma.

Apocalipsis 3:2

Yötawaduwakwö. Wilubakwawaduwi, kwo̧'wo̧ luwo̧duwi okwanö ö'wiawakwawalö̧jönö kwö̧jaduwobö. Ina kwo̧'wo̧ luwo̧duwi okwanö ja'yubeda kwujuna̧laduwena otiwanö kwomukwataduwi̧ma. Jo̧kwaobetjö̧, ö'wiawakwawalö̧jönö ja̧nö, kwo̧'wo̧ luwo̧duwi okwanö kwujuluwaduwo, ja'yubebi otiwanö kwomukwataduwi̧ma jwiinö baibapji jö̧ba̧lö. Chömöledö, Chuluwo̧ Diosma okobe jwiinö ja̧köbaduwobe edo̧. Ja̧danö, chedemi jo̧ba wei̧ kakatibinaduwobe, iteda ja̧bö kwö̧jaduwobö wei̧ma.

1 Corintios 16:13

Chömöledö, te'ada̧lönö kwö̧jaduwo, ja̧danö 'diinö kwö̧jaduwo Jesúsnö ösödö dö̧ji̧ma, ja̧danö yebabökönö kwö̧jaduwo, ja̧danö kwujuluwachibaduwo chömöledö.

Marcos 13:23

Otiwanö tjöbeba̧lakwawö kwuju̧kwaduwo, chömöledö. Biya̧ma okobe jwiinö baledakwa̧ abönö ökwödönö yötawa kwöwaisaduwobö, ja̧danö, tjöbeba̧lakwawö kwuju̧kwaduwobö— jö̧ba̧lö yöbawijetö Jesúsma.

Hebreos 12:15

Jejenö ja̧nö, ökwödödada kwite'ada̧laduwo ökwödötjö bakwo̧bi Diosnö sulabenö omukwatö kaatibapji jö̧ba̧lö, jo̧ba jwiinö otiwi̧ pjaati̧ma öpöjödö. Jejenö omukwatö jo̧ma labo̧, Diosnö o̧'wo̧ sulinö edö. Ja̧danö, ja̧ sulabenö edi̧ma jo̧ba okwatjöda laebobe, ö̧ja̧wo̧dönö yöawi̧danö yöbawö. Jejenö jo̧bama ö̧ja̧wo̧dönö jelobekwö öbibo̧, jobadöbi labidö batjibanö, jo̧ba sulabenö omukwati̧danö sulabenö tjomukwatobö. Chömöledö, ökwödödada tjöbeba̧lö̧jönö kwite'ada̧laduwo ökwödötjö bakwo̧ jejenö sulabenö omukwatapji jö̧ba̧lö, ju'wedönö jelobekwö tjomukwatobö öbibö.

Romanos 13:14

Wainö ja̧bö kwö̧jaduwo chömöledö. Baikwö wanedö yötawa: Duluwo̧ Jesucristo jawa 'dukawaduwo chömöledö, ja̧danö Dios ösödi̧ jawada ja̧köbaduwobö kwisakwaduwo. Ja̧danö, sulabenö dösödi̧ jawama, böjȩ jojodö sulabenö dösödi̧ jawa ja̧köbaduwoböma kwisakwaduwoko chömöledö.

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.