Marcos 12:9 - Dios Iwene

⁹ Ja̧danö, jö̧ba̧lijetö: —Ökwödöma kwomukwataduwemi ¿dakwö ja̧enada uba batjo la'aka luwo̧ma, öbatjo tjotidobö weinawö̧nöma? Yötawaduwakwö. Iteda öbatjobe 'ya̧jo̧, ichibö tjotidobö weinawö̧nö kwabö loena. Ja̧danö, jobadönö kwabö lobajo̧, ju'wedönö tjotidobö weena— jö̧ba̧lijetö Jesúsma wanedö yöbawö.

Marcos 12:9 Referans Kwoze

Romanos 10:20

Ja̧danö, Dios iwene wȩyudina Isaíasbi biya̧ wene yebabökönö iwȩyudinobe, Dios Israel jojodöböködönö yöawi̧ma. Baikwö laebobe Isaías iwȩyudinama: Ötjönö Diosnö isakwöködöma, tjisakwököjayonö, ötjönö tjöbadekwajinobe. Ja̧danö, ötjönö isakwö abebinöködöma, jobadönö chi̧sekwijatö, ötjönö tjedobö, jö̧ba̧lö laebobe Dios Israel jojodöböködönö yöawinama.

Lucas 19:27

Ja̧danö ju'wibi, chöpöjojodönö, la'aka tjuluwo̧ batibobö öpöjödadönö do̧batö baikwö ichejebö öbibaduwi, ja̧danö chöba a'otjö kwabö lobaduwidönö, jö̧ba̧lö weinobe la'aka luwo̧ma.— Jobekwö wanedö yöawinobe Jesúsma, iteda yöbawö weakwa̧ jawama.

Mateo 21:43

Okobe deinö jawanö töbö mebadöma, tji'delachajibakwedö, ja̧danö jawa jojonö meitjö̧ma, meajökwenö iso̧pja̧ baibanö söbebö loakobe. Baikwö labebö lobö yötawa ja̧ laebi̧ma: Dios la'aka luwo̧ ö̧jena ja̧kwawama ökwödöda jawainajayonö, kwöpöjödaduwobetjö̧ Diosma ökwödötjö 'döbebö, ju'wedö otiwanö ja̧tjo jö̧tja̧li̧danö ja̧tjakwedönö iyakobe, jobe Dios la'aka luwo̧ ö̧jena tjö̧jobö— jö̧ba̧lö wanedö yöawinobe.

Mateo 22:7

Jejenö ja̧tjiökwe, la'aka luwo̧ma ödameakwinobe, ja̧danö iteda ömöayedö guardia jojodönö weinobe, jobadö iteda ömöayedönö kwabö lobajadönö kwabö lotjobö, ja̧danö tjö̧jinemi comunidad juwö lotjobö.

Mateo 12:45

Jejenö badekwajo̧, ömöledö ju'wedö tjo̧'wo̧ luwo̧nö sulabedönö jelemutjö du̧ju̧tajabedönö isakwena, itedatjö bajalekwönönö sulabedönö, ja̧danö jobadönö öbibö, yemidanö ajayinö ö̧jinökwe o̧'wo̧ luwo̧nö teachibena. Jejenö baibitjö̧ma, jejenö tjö̧jökwema ajayinö usula emawö ö̧jinatjö bajalekwönönö yelösöda nöinö usula emawakwo̧, ¿jö̧tö? Ökwödö babe möle sulabedöbi ja̧danö. Yötawi̧ kwöpöjödaduwobetjö̧, ajayinö usula kwemawaduwinatjö bajalekwönönö nöinö usula kwemawaduwakwedöja— jö̧a̧linobe Jesúsma.

Isaías 65:15

Isabenö jwiinö usula kwemawaduwinö lȩtebakwawö̧ja, ökwödönö söbebö lotenanö baibanö. Jau, jwiinö ökwödönö söbebö lotobetjö̧, jojodö tjöpöjojodönö lȩtebakwa̧ atjebenama, ökwödönö wanedö atjebakwedö, —Jobadönö lȩkebinadanö döpöjojodönöbi lȩkebo, —jö̧ba̧lö. Jo̧kwaijayonö isabenö chömöayedöbedönö, 'yayi tjimi ötabikwawö̧, jwiinö otiwanö jobadönö pjatatobetjö̧.

Isaías 29:17

Isabenö waisanö otido̧ Diosma chömöledö, ja̧danö otidakwa̧ baikwö yötawaduwakwö: Ja'yubenö lekwajabetjö̧ inesö towi jȩmi Libano nijima, batjo otiwanö wa̧jayu baibakobe, ja̧danö babe batjo otiwanö wa̧jayuma, juluwanö tebo towibiya jȩmi baibakobe.

Josué 23:15

Ja̧danö baikwö yötawaduwakwö chömöledö, otiwa jawa ökwödönö pjaatakwa̧ yöbawö ujunina jawama, okobe jwiinö yöawinadanö badekwachajabe, jö̧tö? Ja̧danö, ju'wibi yötawaduwakwö chömöledö, sule otiwanö pjaatakwa̧ wenedama yöawinokobe chömöledö, wei̧ a̧ja̧kwökönö kwö̧jaduwitjö̧ma, lȩebakwa̧ wenebi yöawinobe chömöledö, ja̧danö a̧ja̧kwökönö kwö̧jaduwitjö̧ma, ja̧ lȩebakwa̧ yöawinabi badekwachinö lȩebakwo̧ Isabenö Jo̧ma chömöledö. Jau chömöledö, a̧ja̧kwökönö kwö̧jaduwitjö̧ma, okobe jwiinö Isabenö Jo̧ lȩebakwa̧ yöbawö ujunina jawabi badekwachinö lȩebakwo̧, jwiinö ökwödönö söbebö loenanö baibanö. Jau chömöledö, kwuluwo̧duwi Isabenö Jo̧ Diosma bemi inesö otiwemi nijima kwiteboduwi baibanö iyajabe, jo̧kwaijayonö a̧ja̧kwökönö kwö̧jaduwitjö̧ma, isabenö yöbawö ujunina badekwachinö, jwiinö ökwödönö söbebö loakwo̧.

Mateo 21:34

Batjo otidadöma 'dödenama, dimidakwedösa, jö̧ba̧lö yötja̧linobe, jo̧kwajabetjö̧ batjo otidadö uba wa̧ji̧ 'dötjobö baibenama, batjo luwo̧ma iteda ömöayedönö weinobe, ja̧ tjimido jö̧tja̧li̧ tjemobö.

Marcos 12:8

Ikenama la'aka luwo̧ itji̧nöma do̧batö kwabö lobijadötö. Kwabö lobajadö uba batjo ö'öböbe töbebö lobijadötö— jejenö wanedö yöbawijetö Jesúsma.

Marcos 12:10

Ina yöbawijetö: —Ökwödöma kwedinaduwobe Dios iwenetjö laebi̧ma, baikwö: Inawiyatjö o̧do otidadöma, bakwawa emö, Biwama sulabawa, jö̧ba̧lö, öpöjödö lobijadötö. Jo̧kwaijayonö, lotjinawada jelewatjö bajalekwönönö otiwawa baibijetö. Isabenö, ja̧wa la'aka junawa baibijetö.