Marcos 12:17 - Dios Iwene

¹⁷ Jo̧kwaiökwe Jesúsma jö̧ba̧lijetö: —Jo̧kwaobetjö̧, jo̧ba la'aka luwo̧ u̧kwama jo̧banöda kwiyaduwo. Ja̧danö, Dios u̧kwama Diosnöda kwiyaduwo— jö̧ba̧lijetö Jesúsma. Jejenö jö̧a̧liawö̧ jobadö judío jojodötjö la'aka luwedöma, ¡Ayö! jö̧ba̧lö atadijöködötö.

Marcos 12:17 Referans Kwoze

Romanos 13:7

Jau chömöledö, okobe jwiinö impuesto jawa balada kwimidaduwo, wetji̧danö. Ja̧danö ju'wibi, kwuluwedönö kwöpöjödaduwoko chömöledö. Diosda bidönö juninama jö̧ba̧lö, jobadönö kwösödaduwo, otiwanö kwomukwataduwo luwedönöma.

1 Pedro 2:17

Ja̧danö Dios ömöayedö ja̧nö, okobe deinö jojodönö otiwanö kwomukwataduwo. Kwömöledöduwi Jesúsnö ösödadönö ösödabikwawö kwö̧jaduwo. Diosnö yebabinö kwösödaduwo. La'aka luwo̧ emperador ötjabökwenö otiwanö omukwatö, wei̧ ja̧bö kwö̧jaduwo.

Romanos 6:13

Ja̧danö, ja'yubebi suli̧ wei̧tjöma ja̧köbaduwa chömöledö. Wainö ja̧köbaduwo chömöledö. Ökwödönöma Dios ja̧inawö̧ja woawatjö tjekachajaduwinö chömöledö. Jo̧kwajabetjö̧, jo̧bada ömöayedö baibanö kwö̧jaduwo chömöledö. Jwaikwöda Dios wei̧da ja̧bö kwö̧jaduwo, suli̧ wei̧tjöma ja'yubebi ja̧bökönö. Ja̧danö, Dios ömöayedö ja̧nö, otiwanö ja̧bö kwö̧jaduwo, jo̧ba wei̧danö.

Proverbios 24:21

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, Isabenö Jo̧nö yebabinö kwomukwatobö jo̧be. Ja̧danö, böjȩnö inesö la'aka luwo̧nöbi otiwanö omukwatö kwö̧jobö jo̧be, chuluwo̧, jö̧ba̧lö. Ja̧danö, Isabenö Jo̧ wei̧bi, böjȩnö inesö la'aka luwo̧ wei̧bi kwa̧ja̧kwobö jo̧be. Chitji̧ jwebebö yötawakwö: Isabenö Jo̧nöbi, inesö la'aka luwo̧nöbi a̧ja̧kwöködö labidökwö pjabacha̧lö kwö̧joko.

Romanos 12:1

Chömöledö, Diosma ökwödönö lȩlö̧jinö edinobetjö̧, yötawaduwakwö, Diosnö kwiyawaduwo, Diosnö iyawadö, ina 'yaba̧ladö iyawadö bakibaduwanö. Jejenö kwiyawaduwobö chösöda chömöledö. Ja̧danö, Diosnö iyawadö kwö̧jaduwobema, jo̧ba wei̧da jwaikwöda ja̧bö kwö̧jaduwo chömöledö, Dios ösödi̧danö. Jejenö Diosnö kwösödaduwobö otiwa chömöledö.

Mateo 22:46

Jejenö aebawö̧, atadakwawa jwiinö tjö̧jinobe, ja̧danö jemi tupakwöma Jesúsnö abebö tja̧ja̧kwobö yetjabinobe, yelösöda waisanö atado̧ jö̧ba̧lö.

Mateo 22:22

Jejenö yöawawö̧, tjöbajale jalaka baibanö tja̧ja̧kwinobe, Bitema isabenö waisanö yöbawo̧we, jö̧ba̧lö, ja̧danö ö̧jelö labeibö tjȩwa̧jinobe.

Marcos 12:30

Okobe jwiinö kwomajadeduwinö, okobe jwiinö kwo̧'wo̧ luwo̧duwinö, okobe jwiinö kwomukwataduwi̧nö, okobe jwiinö kwujuluduwinö jwaikwöda Kwuluwo̧duwi Diosnö ile nibebö kwuju̧kwaduwo, jö̧ba̧lö laebobe Dios iwenetjö. Ja̧ma Dios wei̧tjö bajalekwönönö mikwawi̧ weawa wene.

Mateo 22:33

Jejenö yöawiawö̧, jojodöma tjöbajale jalaka baibanö tja̧ja̧kwinobe, Ayö, bitema waisanö ba̧ja̧do̧we, jö̧ba̧lö.

Proverbios 23:26

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawi̧danö: Chitji̧, ötjö yötawi̧ma ö'wöyawakwawönö omukwatö kwö̧jo. Ja̧danö, ötjö chö̧ji̧ edö kwösödo, ötjöbi chabe'do ö̧ji̧danö chö̧jo, jö̧ba̧lö.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.

Mateo 22:21

Aebawö̧: —Roma jojodötjö inesö la'aka luwo̧ César öba ba̧pi̧, ja̧danö jo̧ba imi laebapi̧— jö̧ba̧lö tjatadinobe. Tjatadökwe, Jesúsma yöawinobe: —Iteda iteapi̧obetjö̧, jo̧ba inesö la'aka luwo̧nö iteda jawasapi̧ kwimidaduwonö, ja̧danö Diosnöbi Dios jawada kwimidaduwo— jö̧ba̧lö yöawinobe.

Marcos 12:16

Jejenö jö̧a̧lawö̧ i̧sebijadötö baladapi̧. Jesúsma ja̧pi̧ edö jö̧ba̧lijetö: —Bipi̧ baladapi̧nöma ¿ti o̧'wo̧ jawa bo̧beda? ¿Ti imi wȩyukwa bo̧beda?— abebö a̧ja̧kwawö̧ jobadöma atadijadötö: —Roma la'aka luwo̧ o̧'wo̧ jawa bo̧be— atadijadötö.

Lucas 20:25

Tjatadökwe, Jesúsma yöawinobe: —Iteda iteasapi̧obetjö̧, jo̧ba inesö la'aka luwo̧nö iteda jawasapi̧ kwimidaduwonö, ja̧danö Diosnöbi Dios jawada kwimidaduwo— jö̧ba̧lö yöawinobe.