Marcos 11:32 - Dios Iwene

³² Jo̧kwaijayonö, Jojodö wetjinökwe, jö̧ba̧lö, dataditjö̧ma, jojodöma yelösöda tjölabena ökwödönöma, Diosda yöawi̧ yöbawina Juanmine, jö̧ba̧lö— jö̧ba̧lijadötö idödada. Jojodö okobe deinö Juan Ojwenö Bu̧dato̧ma Dios yöawi̧ yöbawina, jö̧ba̧lö, tjomukwatobetjö̧ yebabijadötö. Tjatadobö jö̧ba̧lijöködötö, Juan Ojwenö Bu̧dato̧ma jojodöda weinökwe, jö̧ba̧lö, jojodö tjölabipji jö̧ba̧lö.

Marcos 11:32 Referans Kwoze

Marcos 12:12

Ja̧danö, jobadö judío jojodötjö la'aka luwedöma a̧ja̧kwö waisachibijadötö Jesús wanedö yöawaja̧ma, idöda sulabenö tjomukwati̧ yöawatö. Jo̧kwaiawö̧, Jesúsnö do̧dato jö̧tja̧lijayonö jojodö ba̧jekwadö Jesúsnö tjösödiawö̧ yebabijadötö, Ökwödönö jwiinö tjölabena, jö̧ba̧lö. Jo̧kwaobetjö̧ do̧batökönö jo̧ba ö̧jelöma labekwajijadötö.

Mateo 21:46

Jo̧kwajabetjö̧ Jesúsnö öpöjödö jo̧banö do̧tjatobö tjösödinobe, jo̧kwaijayonö jojodö Jesúsnö, Dios yöawi̧ yöbawo̧, jö̧ba̧lö Jesúsnö tjösödiawö̧, jojodönö yebabinö Jesúsnö do̧tjatinokobe.

Mateo 14:5

Herodesma Juannö kwabö loobö jö̧a̧linobe, jo̧kwaijayonö jojodöma Juannö isabenö Dios yöawi̧ yöbawo̧ jö̧ba̧lö tjomukwatiökwe, kwabö looböma yeabinobe, Jo̧banö kwabö lotitjö̧ma, jojodö tjölabena, jö̧ba̧lö.

Hechos 5:26

Jejenö jö̧a̧liawö̧ Dios eju te'ada̧lakwawa jojodö tjuluwo̧ma ömöayedökwö Jesús webawedönö do̧tjatotö jö̧ba̧lö tjöba̧ja̧dobekwö 'yi̧jadötö. 'Ya̧jadöma jobadönö do̧tjatijayonö labinö inia tjötjinö ja̧tjobö webijöködötö, jojodö tjölabipji jö̧ba̧lö, ökwödönö kwabö lotjapji jö̧ba̧lö, inawiya ikwawö.

Juan 10:41

Ja̧danö, jojodö ba̧jekwadö tji̧'yinobe jobema. Idöda yötja̧lakwawinobe: —Juanma Dios ujulu i̧sebinokobe. Jo̧kwaijayonö okobe jwiinö Jesúsnö yöawinama jweinö yöawinobe Juanma— idödada yötja̧lakwawinobe.

Lucas 22:2

Ja̧danö, Jesúsnö öpöjödadö Diostjö jojodötjö ö'weje pjabatadötjö la'aka luwedöbi, Moisés iwȩyudina ba̧ja̧dadöbi Jesúsnö do̧batö kwabö lotjobö jö̧tja̧linobe, jo̧kwaijayonö ba̧jekwadö jojodö Jesúsnö tjösödiawö̧, Jesúsnö do̧tjatoböma yetjabinobe. Jo̧kwajabetjö̧, jobadöma ko̧ko̧kwö omukwatö tjisakwinobe, dakwö wene jwiinö Jesúsnö kwabö lodakwa̧jö jö̧ba̧lö.

Lucas 20:19

Jejenö yöa̧liawö̧, ö'weje pjabatadötjö la'aka tjuluwedöbi Moisés iwȩyudina ba̧ja̧dadöbi tjöwaisinobe, wanedö yöawaja̧ma, Ötjönö kwöpöjödaduwobetjö̧ Dios lȩebakwawö̧ja jö̧ba̧lö wanedö yöawobe jö̧ba̧lö, jo̧kwajabetjö̧ dameakwö, tjo̧'wo̧ sulinö juluwanö Jesúsnö do̧tjatobö tjösödinobe. Jo̧kwaijayonö, jojodö Jesúsnö tjösödiawö̧, Jesúsnö do̧tjatoböma yetjabinobe, Jojodö tjöba a'otjö Jesúsnö do̧datitjö̧ma, jojodötjö wene baibena, ökwödönö tjölabena, jö̧ba̧lö yetjabinobe.

Marcos 6:20

Herodesma yebabinö edijetö Juannöma, Bite Juanma, jweinö omukwatö jo̧, otiwanö ja̧bö jo̧, jö̧ba̧lö. Jo̧kwaobetjö̧ webijökötö kwabö lotjobö. Ja̧danö Juan yöawi̧bi ösödijetö Herodesma. Jo̧kwaijayonö yöawi̧ a̧ja̧kwö ösödijayonö do̧batibijökötö, ¿tajijö?, jö̧ba̧lö.

Mateo 11:9

¿Tajawedö jojodö deobe kwi̧'yinaduwobeda chömöledö? Dios yöawi̧ yöbawo̧nö edö kwi̧'yinaduwobe, ¿jö̧tö? Jau chömöledö, isabenö Dios yöawi̧ yöbawina Juanma, jo̧kwaijayonö ja̧damaökö.

Marcos 11:31

Jejenö abebö a̧ja̧kwawö̧ jobadöma jö̧ba̧lijadötö idödada: —¡Ayö! ¿Dakwö datadenada? Mölejȩbetjö Dios weinökwe, jö̧ba̧lö, dataditjö̧ma jö̧a̧lena, Jo̧kwaobetjö̧ ¿tajawedö kwöpöjödaduwinada jo̧ba yöawi̧ma?, jö̧ba̧lö.

Marcos 11:33

Jejenö omukwatö jobadöma Jesúsnö atadijadötö: —Ökwödöma wajwida— jö̧ba̧lö. Jejenö tjatadiökwe Jesúsma jö̧ba̧lijetö: —Jau kwatjö̧ma. Kwatadaduwöködanö ötjöbi chatadökö ökwödönöma, ti weinada ötjö ja̧ti̧ma—jö̧ba̧lijetö.