Marcos 11:22 - Dios Iwene

²² Ja̧danö, Jesús jö̧ba̧lijetö öba̧ja̧di̧ waisachadönöma: —Chömöledö, Diosnö kwo̧'wo̧ wana̧laduwi—jö̧ba̧lijetö—.

Marcos 11:22 Referans Kwoze

Juan 14:1

Ikenama Jesúsma yöawinobe jobadönö: —Kwo̧'wo̧duwi tjo̧kekwaduwa. Diosnöbi ötjönöbi kwo̧'wo̧duwi wana̧lö ja̧duwi— yöawinobe Jesúsma—.

Marcos 9:23

Jejenö jö̧a̧lökwe Jesúsma jö̧ba̧lijetö: —¿Tajawedö jejenö jö̧ka̧la, Kwöwaisitjö̧ma, jö̧ba̧lö? Wajwiena, jö̧ba̧lö, ¿kwomukwatiji̧? A̧ja̧kwitjö, bakwo̧ ötjönö o̧'wo̧ wana̧lo̧ma baikwö waisachibo̧: Jesúsma okobe jwiinö jo̧banö atebi̧ma, isabenö atebi̧danö ja̧awa waiso̧, jö̧ba̧lö, waisachibo̧—jö̧ba̧lijetö Jesúsma.

Isaías 7:9

Jau Acaz, israel niji la'aka comunidadma, sule Samaria comunidadda, ja̧danö Samaria comunidad la'aka luwo̧ma, sule Peka mikwo̧da, jo̧kwajabetjö̧ jobadönö yekaboböma jwiobe Acaz. Jau Acaz, jobadönö yebabökönö, jwaikwöda ötjö Isabenö Jo̧ Diosnöda kwo̧'wo wana̧lö kwö̧jo, 'diinö kwö̧jakobetjö̧. Isabenö 'diinö kwö̧jaduwobö jo̧be Acaz, jo̧kwaijayonö ötjönö kwo̧'woduwi wana̧lökönö kwö̧jaduwitjö̧ma, 'diinö kwö̧jaduwö̧kakwedöja, –jö̧ba̧lö yökawo Acaznö, —jö̧ba̧lö weinobe Isaiasnö.

Tito 1:1

Tito, böja kwialusöjanö ötjö Pablo mikwo̧ma wȩyudö wetakwö. Ötjöma Dios ömöayo̧sa, ja̧danö Jesucristo webawo̧sa. Ötjöma Dios 'da̧batö ujuninökwesa, Dios omudawö ujuninawö̧nö pjabatö chöba̧ja̧do jö̧ba̧lö. Ja̧danö, jobadönö chöba̧ja̧dobe, jwaikwöda Dios yöawi̧ tjösödakobetjö̧. Ja̧danö, isabenö wene tjöwaisakobetjö̧ chöba̧ja̧dadönö. Ja̧danö, Dios ösödi̧danö ja̧bö tjö̧jakobetjö̧ chöba̧ja̧dadönö.

Colosenses 2:12

Jau chömöledö, Diosma ökwödönö ubu̧datinobedanö ichejekwa, Cristokwö i̧lȩdo̧ okwa ökwödönöbi tjo̧tjinö ja̧bö. Ja̧danö, Diosma isabenö juluwo̧ jö̧ba̧lö kwösödaduwiökwe, Cristonö woawatjö tjeachajinö ja̧binama ökwödönöbi Cristokwö tjekachajaduwinö ja̧inobe.

Mateo 17:20

Atjebökwe: —Ökwödöma otiwanö Dios ujulu kwösödaduwokobetjö̧ waekwadöja. Isabenö yötawaduwakwö, atebi̧danö ja̧obö isabenö juluwo̧ Diosma jö̧ba̧lö isabenö Dios ujulu kwösödaduwitjö̧ma, kwösödaduwi̧ ja'yuwijayonö, wanedö yötawa, mostazasade ja'yuwi̧danö kwösödaduwi̧ ja'yuwijayonö, jwaikwöda Dios yöawi̧ ösödö weköbaduwenama baibakobe. Ja̧danö, wanedö yötawa, bi'o mö'ösa'o weköbaduwena, yaikwö pjolachibi jö̧ba̧lö, ja̧danö pjolachibena. Jau chömöledö, isabenö atebi̧danö ja̧obö juluwo̧ Diosma jö̧ba̧lö otiwanö Dios ujulu kwösödaduwitjö̧ma, okobe jwiinö ja̧köbaduwobö kwujuluwaduwena— jö̧ba̧lö yöawinobe Jesúsma.

Mateo 21:21

Atjebökwe, Jesúsma atadinobe: —Isabenö yötawaduwakwö chömöledö, Diosma isabenö atebi̧danö ja̧akwo̧ jö̧ba̧lö Dios ujulu ösödö, waekwena jö̧ba̧lö omukwatökönö Diosnö akebaduwitjö̧ma, towi kököbachibö woobö ja̧taja̧danö ja̧köbaduwena chömöledö, jo̧kwaijayonö ja̧damaökö. Jau chömöledö, jwaikwöda Dios ujulu ösödö bi'o mösa'o, Pjolachibö ojwe okwa babibi, jö̧ba̧lö weköbaduwitjö̧ma, weköbaduwaja̧danö baibakobe.

Mateo 14:29

Yöa̧lökwe: —Jau, ichi— jö̧ba̧lö weinobe Jesúsma, jo̧kwajabetjö̧ Pedroma isowitjö labebö, o̧pesobu wamenö Jesús ö̧jobekwö otiwanö kwebachö i̧'yinobe.