Marcos 10:37 - Dios Iwene

³⁷ Jejenö abebö a̧ja̧kwawö̧ jobadöma jö̧ba̧lijadötö: —Ökwöma jojodö tjuluwo̧ baibanö kwö̧bena, inesö la'aka luwo̧ ö̧bakanö kwö̧bena, kwipjeanö dö̧bajo weköbo ökwödönöma. Bakwo̧ kwöwaisobekwöchobe, jelo̧ wajwiköbobekwöchobe, dö̧bajo weköbo— abebijadötö jobadöma.

Marcos 10:37 Referans Kwoze

Mateo 19:28

Aebökwe, Jesúsma atadinobe: —Isabenö yötawaduwakwö chömöledö, okobe jwiinö 'yayinö Dios otidena, ja̧danö ötjö jojo baibanö jeminökwe salöinö dewaka teakanö, inesö la'aka luwo̧ iteakanö chö̧wenama, ökwödö chökömanö lubibajadöbi a̧li̧nösamutjö dökalatajanö kwö̧waduwakobe, Israel jojodötjö a̧li̧nösamutjö du̧ju̧tajasaso jojodö tjuluwedö bakibaduwanö.

Lucas 24:26

Jobadö Dios iwene wȩyudinadö ¿tjiwȩyudinökiji̧? Dios weakwo̧ jö̧a̧linökwema okobe jwiinö yöka̧laduwaja̧danö usula emawobö jo̧be, ja̧danö usula emawajo̧, iteda itebo dejatinö dewobe ȩwa̧jakwo̧ jö̧ba̧lö ¿tjiwȩyudinökiji̧? Isabenö jejenö jweinö tjiwȩyudinobe chömöledö— jö̧ba̧lö yöawinobe Jesúsma.

Marcos 16:19

Ikenama yöba̧lö kaatena Diosma mölejȩbe kaekwajinö ja̧bijetö Jesúsnöma. Jobe mölejȩbema Jesúsma Dios öwaisobekwöchobe bamatijetö.

Marcos 8:38

Isabenö yöta̧la, babe ju̧kwadö sulabenö ja̧bö tjuju̧kwobe, Diosnö öpöjödö böjȩ jawada ösödö. Bakwo̧, ötjönö öpöjödinö jo̧ma baikwö baledakwo̧. Ju'winö ötjöma, jojo babibö öwabachinama, yemidanö böjȩkwö chichenama ötjönö öpöjödo̧nö ötjöbi chöpöjödakobe. Isabenö ju'winö, Dios dewinö dejatinö böjȩkwö yemidanö chichena, suli̧ jwibadö ángelesdökwö chichenama, ötjöbi jo̧banö edö chöpöjödakobe— yöbawijetö Jesúsma iteda öba̧ja̧di̧ waisachadönö.

Mateo 25:31

Tupakwö yöawinobe Jesúsma: —Ötjö jojo baibanö jeminökwema, yemidanö chichocha, ja̧danö chichenama, dejatinö chujulunö okobe deinö chömöayedö ángelesdökwö chichocha, inesö la'aka luwo̧ batibanö. Ja̧danö, wa̧kwawaka inesö salöinö dewakanö chöbamatocha,

1 Reyes 22:19

Yöa̧liökwe, tupakwö yöawinobe Micaiasma: —Tupakwö Isabenö Jo̧ yöawi̧ kwa̧ja̧kwo: Chi̧'wi̧dinö chedatö, Isabenö Jo̧ iteaka la'aka luwo̧ ö̧bakanö ö̧bobema, ja̧danö okobe deinö mölejȩbe ju̧kwadö iteda ömöayedö ölakwabikwawadö angeledö öwaisobekwöchobebi, wajwiobekwöchobebi tjo̧ko̧ko̧kwobekwö chedatö.

Marcos 10:36

Jejenö jö̧tja̧lökwe Jesúsma abebö a̧ja̧kwijetö: —Ökwödönö ¿taji ja̧tobö kwösödaduwa?